فراشه...
نامت فديت عيونها
يا حظها ... بالليل تحضن نفسها ...
وتنثر بغرفتها عطر ... أنفاسها ...!!
وتحلم وهي ترقص على ليلة زفاف ...!!
الشمس خاطبها القمر ...!!
" وأنا على حد السهر مغير أتمتم باسمها "
وهي تنام ...!!
وتصحى الصباح
وتـفطر على زبد وعسل ...!!
وتكد غرتها يمين ...!!
وتمسك يديها خصرها
وتضحك على كل البنات ...!!
وتقول " أنا كل البنات "
وإذا مشت ينعس سواد عيونها ...
يا ربي وش ذاك الكسل ...!!
صدرٍ صغير
وقلبٍ من النشوة حنون
فراشه سوالفها خمر ...!!
وإذا كذبت يصبح صحيح ...!!
وكلش يصير ...
واتـفه مطالبها ... أمر
وهي عارفة ...!!
يكفي إذا ترضى علي ...!!
ودي انام بعينها ...
واشرب سواد عيونها ...
والعب بهذاك الهدب ...!! بس بأدب ...!!
واقول أحبك
وأنتفض ...
وردة فديت عيونها ...!!
إذا جلست مع البنات ... ماكن في المجلس بنات
بلحالها ...
شمسٍ كلت كل النجوم ...!!
وإذا ضحكت بشفاهها ماتوا حياء ...
لوحة حوت كل الفنون
فراشه تغني للهوى ...
وترقص لها كل الطيور ...!!
ودايم بغرفتها بخور ...
وظلال نور ...!!
وشموع ماتطفى أبد ...!!
ودبدوبها الوردي شقي ...!!
ينام في عز الشتاء باحضانها
وينزف عرق ...!!
وهي على ذاك السرير ... ومفرش حرير
تكتب قصايد في ورق ...
وانا يعذبني السهر ...
واشرب من النشوة أرق ...!!
فديتها
تكذب
تموتني قهر
لكن تموت ولا تخون
فراشه إذا تبكي أموت ...!!
وإذا ضحكت طاب السهر ...!!
بعيونها صورة غرام
وبشفاهها كل الكلام
حلووووة ... جنان ...
تلعب إذا جاها المطر ...
تقول " أحبه حيل "
الله ... ليت إني مطر ...!!
وانثر رذاذ العشق فوق خدودها
واسيل ... أسيل ...
واشرب عرق وجناتها
واموت لو تمسح علي بكفها ...!!
فراشه
... ولا كل البنات ...!!
فعلاً جنون
02-04-2012, 07:10 PM
شفايفها كرز ...00000
شكر
اعجاب
العرض العادي
