السلام عليكم
كيفكم يا اخواني واخواتي
اليوم حابه اقول لكم قصتي الحزينة واللي حصلت لي بسبب المنتديات والبلاك بيري
ارجوا قراتها ووضع بصمتك
كلنا يعرف اننا في عصر التطور والانترنت
صارت لي قصه انا اعتبرها حزينة للي وقعت فيها وصارت ضحيه
انا انسانه مثل اي بنت او اي زوجه تدخل الانترنت وتستخدم البلاك بيري
كنت في احد المنتديات وكنت مشاركه فيه وكنت عضوه فعاله وقتي كله منتدى اهملت بيتي واولادي وزوجي
تعرفت علي اصدقاء وكانوا قمة الاحترام والتقدير
وفيه يوم من الايام عرفت شاب من الشباب وبمعنى اعتبره ( ذئب وسخ وقذر ) وصار بيني وبينه رسائل علي المنتدى واعجبني اسلوبه واشعاره واحساسه المرهف
تتبعته قرات له تعلقت فيه ما صارت ادخل الا عشانه
ارسل لي رساله وطلب اذا ممكن ارسل له ايميلي او رقم البي بي
وعلي طولت ارسلت له البي بي وصار يارسلني علي البي بي واسولف معه واقضي وقتي معه
اهملت زوجي وزوجي حس بالاهمال من ناحيتي ومن ناحية بيتي رغم اني احبه حب ما يوصف بس اني سلمت نفسي لعاطفتي
ودامت علاقتي بالشاب 4 شهور
في احد الايام طلب مني صوره لي وكمان مجموعه صور انا انصدمت قلت معقوله انا بسويها واعطيه صوري
فكرت وفكرت وقلت ابي اختبره وشوف ردة وش يصير
كان عندي مجموعة صور اخذتها من مواقع اوربيه ومنتديات عربيه
وفيه صور لقيتها عندي لوحده امريكيه سبحان الله كانها خليجيه حملتها علي البلاك بيري
وجلست اكلمه ويعاهدني بالله ما ينشرها ويحلف انه ما يضرني طبعا هو ما يعرف اسمي الحقيقي ولا يعرف عني اي شي صحيح بس المدينه نفس مدينتي
المهم عطيته الصور وجلس يمدح وانواع الشعر الجميل والكلام العاطفي اللي يحرك المشاعر
وبعدها بفتره يمكن اسبوع يقول انا ما اقدر اتحمل ابي اقابلك جننتيني بجمالك وانواع المدح والكلام الحلو
انا انصدمت مو معقوله ادمر بيتي بسبب عاطفتي
قلت له مستحيل اسوي الشي هذا لو كان اخر يوم في عمري
وجلس فتره ياحول وبدون فائده
جاء اليوم اللي احمد ربي عليه دايما وما سويتها ووقعت ضحيه زي البنات اللي يقعون ضحايا
قال اختاري بين امرين يا تعطيني فلوس ومبلغ وقدره 15 الف ريال
يا اني اقابلك
قلت له تهديد هذا ولا وشو قال اعتبريه زي ما تعتبرينه
انا انصدمت بالشخص هذا قلت معقوله هذا الشخص اللي كان يقول كلمات جميله يصير منه هذا الشيء
المهم : قلت وش بيصير اذا مما نفذت طلبك قال صورك اللي عندي نسيتي انك مرسلتها لي
الحين بدات اعرف انه انسان احقر من الحقاره بدات اعرف انه انسان وسخ وقذر
جلست امثل عليه واترجاه ما يسويها واقوله لا تدمر بيتي وحياتي من هذا الكلام واتمسكن له قلت يمكن يمزح قال والله انشرها في كل مكان ولا اختاري احد الامرين اللي قلته لك
قلت اسمع يا فلان احمد ربي واشكره انه كشفك علي حقيقتك
واحمد ربي اني ما سويت شي اندم عليه طول عمري
قال وش قصدك
قلت له الصور اللي ارسلتها لك وربي ماهي لي ولا لي اي علاقه فيها وتراها لمواطنه امريكيه سبحان الله تقول انها خليجيه
الحين انشرها علي راحتك وما يهمني لا انت ولا عشره من اشكالك
بس الحمد الله انه كشفك يا وسخ ويا قذر وانواع السب والشتم
وجلست اضحك واقوله الله ينتقم منك اذا ضريت بنت في يوم من الايام او سببت لها مشاكل
قال تعالي اسمعي والله انا امزح معك وهذا مو اسلوبي بس حبيت اختبرك
قلت انقلع لعنة الله عليك وحذفته من البي بي وخربت جهازي البي بي عشان ابيعه وينتهي هذا الشي ء من حياتي
والحمد الله بعته لاني عارفه انه بينشره او يضيفيني في رقم ثاني
اشتريت جديد وارتحت من شي اسمه هم يكون ملازمني طول عمري ويخرب بيتي
هذي قصتي الحقيقه انا الحزينة احكيها لكم بكل كلمة صحيحه وصدقوني هذا اللي صار لي انا
واوجه نصيحتي لكل بنت او متزوجه لا تعطين اي شاب في اي منتدى وجهه لا تكوني فريسه لشهاوتهم طبعا الا من رحم ربنا
لا يدري احد بايميلك او اي جهاز تملكينه صدقيني راح تندمي لان احنا البنات او المتزوجات تتحكم فينا عواطفنا كلمة تعلقنا وكلمة تنزلنا وتهينا للقاع
يا بنات انتبهوا خلوا اموركم الخاصه في صندوق مسكره عليه لا تطلعين احد عليها
يا متزوجه انتبهي لبيتك ولزوجك مافي مثل زوجك بالدنيا حتى لو كان قاسي والزوج والله ماهو نايم ومصيره يعرف اذا زوجته تخونه ولا حتى لو كانت حذره مصير ربنا يكشفك علي حقيقتك
انا صار اهتمامي بالانترنت قليل جدا ودخولي نادر صار زوجي كل مملكتي حتى هوه حس بالتغير اللي صار فجائه
واللي عندها جهاز بلاك بيري انتبهي تضيفي اي شخص ماتعرفينه والله عالم ما ترحم تطورت الاساليب في السرقه واختراق الاجهزه بكره يخترق جهازك وتنتشر صورك ما احد بيصدقك لما تقولي صوري مسروقه وانتشرت بيقولون ان لك علاقه بيحطون اللوم عليك وتصيري انتي في دائرة الاتهام ويقولن انتي اللي اعطيتي الشخص اللي كانت معك علاقه معه
اذا انتي بنت يمكن يذبحونك واذا انتي متزوجه علي بيت اهلك وزوجك راح يتزوج غيرك
انا اسفه علي كثرة كلامي
ولما كتبت ما اقصد اهين اي شاب او رجل لا والله في شباب ورجال بمعنى الكلمه يغارون مو علي اخواتهم علي بنات وطنهم وماعندهم اسلوب الابتزاز
الله يحفظ كل بنت وكل شاب يخاف علي اهله وعرضه وبيته
اتمنى اني ما ضيقت عليكم بكلامي
بس قصتي حبيت اقولها لكم وتكون اول مكان تنتشر فيه
احرصوا يا بنات ويا متزوجات من ذئاب بشريه
للمعلومه اسمي الحزينة مو حزن علي اللي صار لي بس حزن علي فقد احد ابنائي
اتمنى لكم حياة رغيده سعيدة بعيده عن المشاكل
سبحان الله وبحمده لا اله الا الله استغفرك واتوب اليك
اختكم الحزينة ( منقووووووووووووووووووووووووووله )
تعليق انا ..... انصحكم يابنات تنتبهون حتى بعض المنتديات يكون فيه اولاد بنك بنت ويحاول يتعرف من خلال الرسائل
انا في احدى المنتديات قبل فتره جات لي رساله من عضو جديد وكل يوم يدز لي رساله انا ابي تعرف انا بنت وحيد ابي صديقه وفيه اشكي لها همومي ........ والله كلامه اثر فيني بس قبل مارد فكرت مليون مره ليه انا من بين ميه بنت بالمنتدى اختارتني تدرين ابعدي عن الشر وغني له وطنشت الرسال الخاصه مااعيرها اي اهتم في المنتديات الى اذا كانت من عضوه معروفه
اما من ناحيه البلاك فالحمد لله مادخل مزاجي هالجوال انا عندي جالكسي وادري انه متطور اكثر وكل برامج دردشه
بس انا مااستخدمت فيه الى الواتس وكلهم اهلي وصاحباتي االى معاي لا وفوق ذالك حاطه على الكاميرا لاصق طبعه على شكل ورده صغيره ولونها وردي بالعكس كشخت جوالي خخخخخخخخ والصور نهائيا ماتصور فيه عندي جوال قديم صوري انا واهلي وخواتي فيه بس مايطلع من البيت نهائيا
الله يثبتككـ على ماأنتي عليةة
تستحقين اححلى تقييم ^..^
ماشالله عليككـ ماقدر يضحككـ علييككــ
الله يستر عليك ويستر على جميع بنات المسلميين
اللهم امييييييييين
الحمد لله ان ربي خلصك منه
انا صارت لي في القيمزر لعبة بلياردو
واحد مسوي نفسه دكتور نفسي ويبي يحلل شخصيتي ويقولي انتي مو مرتاحة مع زوجك وانه تعلق فيني انا بصراحة كنت مهتهمة فيه لان كلامو حلو ووقتها زوجي كان مسافر لاكني ما طولت معاه تقريبا 9 ايام فقط كنت دائم ادعي في صلاتي ان ربي يصرفني عنه ويصرفه عني
المهم رجع زوجي ويوم دخلت وقام يعاتبني على الانقطاع عنه وانه كان مريض
فقلتله ما يهمني كنت مشغولة مع زوجي ومع السلامة
ومن يومها ما عاد شفت وجهه
أحمدي ربك حبيبتي الحمد الله ماصر فيكِ شئ..
يعطيك الف عآفيه على النصيحه وان شآء ما يقع أحد فيها..
والله انك قوويييييييييه ما قدر يللعب عليكِ^^. من اجلك يادريم كافيه نرتقي
01-01-2012, 06:08 PM
.gif){kind=icon}
قصتي الحزينه
العرض العادي
