السلام عليكم ورحمة الله وبركاته..
ليه حسيت لما دخلت المنتدى.. انه دا القسم مافيه مواضيع مميزة
مع انه البنات كثير هنا ماشاء الله .. معقول ماتحبوا الموضة والأزياء
المهم .. اليوم جايبتلكم موضوع ان شاء الله يعجبكم.. اول موضوع فهدا القسم..
وفكرة الموضوع.. كيف تكوني بأناقة ملكة..
اساس لبس الأميرات الأحتشام .. والرقي..
ودا المفروض يكون عنوان لبس الفتاة المسلمة ..
لأنه اسلامنا يعاملنا معاملة الأميرات ..
مجموعة اقتباسات راقت لي كثيرا"..
ليس في الجنة مكان للعراة ..
سبحان من شرف أهل الستر
وتأملي ..
كيف يكون الستر نوعا من التشريف والكمال قال تعالى (إن لك ألا تجوع فيها ولاتعرى )
وفيه دلالة على أن الله لايرضى لعباده العري حتى في الجنة ?
... ... بل لا يعد العري نعيما لذا قطع لهم بذلك الوعد أن لا يعرون أبدا
أ/بلقيس الغامدي
قالت د/نوال العيد ..
واعلمي أنك كلما كنت أكثر ستراً في الدنيا دلاله أن الله سيسارع في كسوتك يوم القيامه
(سترناالله وإياك بالدنياوالآخره)
قال ابن باز - رحمه الله - ..
لباسك على قدر حياءك وحياءك على قدر إيمانك و كلما زاد إيمانك زاد حياءك وكلما زاد حياءك زاد لبااااااسك.
الموضوع طويل حبتين.. تجميعي وتنسيقي وكل شيء..
جمعت اكثر من 200 صورة.. وجمعت كل مجموعة فصورة عشان الموضوع لا يطول..
ويخف علي التحميل.. خخخخخخخخ
راح اعرضلكم مجموعة من الفساتين الساترة .. للمشاهير الاجانب والعرب..
ومجموعة من عروض الأزياء لمصممين عالميين..
طبعا" وانا اعلق مرقمة الصور .. العد من اليمين لليسار
بسم الله ..
نبدأ مع بعض المشاهير الأجانب..
انجلينا جولي ..
- شكلها كثير حلو..
2- اممم الأكمام احس طولها مو حلو.. ومولابسة شيء على اياديها فطالع اللوك ناقص.. ..
3- مو بطال..
4- هنا وهيه حامل.. فستانهاا رايق وحلو..
1- مررره حلووو ..
2- امممم دائما عندها مشكلة مع طول الكم.. الفستان عادي.. ومو لابسة اكسسوار غير الحلق.. فطالع اللوك باهت..
3-الخامو حلوة واللون رايق.. بس لو تطول الكم 1سم .. بيطلع شكل اياديها احلى.. ولا مو؟!
اوبرا.. عموما فساتينها حلوة ولايقة لجسمها.. اكثر شيء حبيته الثاني..
الأميرة كيت .. وزي ماهو معروف لبسهم دائما" ساتر.. نادار مانشوف اميرة ومتشخلعه..
كلهم حلوين.. ولما نتكلم عن ستايلاتها الأنيقة والساترة .. لا زم نحط فستان زواجها..
كيم كاردشيان مثال انه الأناقة مو بالقصير والعريان..
فساتينها الطويلة ماتقل اناقه عن باقي ستايلها ..
الثاني يعني ماعجبني مرا ..
بس البقية مرا حلوين وانيقين .. والأخير اللي لبسته فدبي يهوس ..
الأول فيه شيء غلط.. الثاني والثالث حلوين..
صورة مع اختها .. كلهم روعه ..
فستان اختها نعووم وكثير حلو..
نجي لبعض المشاهير العرب ..
عاد تصدقون موضوع عن اللبس المحتشم .. ونجيب طاري هيفاء خخخخخخخ
لقيتلها كم صورة يتيمه ..
اكثر شيء عجبني الثالث .. لونه وموديلة مرا حلوين..
اصالة .. فيه صور لها قديمة .. بس حبيت اضيفها .. من اكثر الفنانات اللي لبسهم انيق ومحتشم ..
كلهم حلوين .. واكثر شيء عجبني الرابع والسادس ..
الأسود فالصورة الثانية .. انيييييق ..
ميساء مغربي.. الصورة الأولى حركة الكم غريبة وتقدري تستفيدي منها بتستير فساتينك..
بقية الصور حلوة..
والأحمر.. مرررااا حبيته .. بس مالقيت صورة للبس كامل..
لطيفة حبيت فستانها .. لايق لها ..
فستان يارا الكم التاني مافي.. بس مثل هذي الفساتين تستيرها سهل.. خصوصا انه فيه كدا نوع من الأقمشة مستخدم فالتصميم..
فستانها الثاني حلو.. بس حسيته زحمة حبتين..
على الريد كاربت ..
1- الممثلة انا هاثازاي خامة الفستان حلوة .. بس حاسة فيه شي غلط ... امكن عشان الهاي نك..
2-فكتوريا بيكهام انييقة .. عجبني فستانها ..
3-الفستان الثالث كمان انيق وحلو .. واحسها هي محليته .. مع انه التسريحة جدا" عادية ..
4-ساندرا فستانها مو بطال .. حلو بس فيه حاجة غلط .. احسة كبير عليها من فوق ..
5-مايلي ماعجبني فستانها ابدا .. ولالون الشعر ولا شيء .. حسيته موديله مره قديم
1 كرستين فستانها ناعم وشكلها مرتب ..
2- هذا مرررره الييييم .. كثير حبيته .. الكم محلي الفستان ..
3 انا على ما اعتقد انه الظهر مفتوح.. بس حتى لو كان مستر حلو .. طريقة الأكمام محليه الفستان وعاملتله حركة ..
4-محترمة سنها وطالعة مرتبه
5- عادي ..
1- الأكمام محلية الفستان ..
2- ليندساي لوهان بسم الله .. اللهم سكنهم مساكنهم .. هذي اش مسوية فعمرها .. ليه الوجه كدا كأنها مريضة .. عموما الفستان جدا" عادي ولونه مع لون شعرها مخلي اطلالتها باهته ..
3- انيـــــــــــــــــــــــــــــــــــق .. بسيط بس ينقط اناقه ..>>> حبيت الأكمام ..
4-بلير هيه تحلي فساتينها .. بس الفستان وحركة الأكمام واللون مخليه رووعه .. بس لولا الفتحة اللي الا مالا نهاية كان راح يكون بيرفكت ..
5-ماعرف اسمها بس كمان فستانها سمبل وطالع كثير حلو عليها ..
1- طالعة مرا كيووت .. موديله بسيط وناعم .. بس كثير حلو .. من قلب ياازين الستر ..
2-حليو ..
3-الحركة من فوق حلوة ..
4-انيق .. حلوة الأكتاف ..
5-موديلة غريب .. بس طالع مرتب ..
1- شيء انيق .. موديل ولون وكل شيء ..
2- بسيط والحركة من فوق معطيته فخامة ..
3- سلمى لاتعليييييق ..
4- ناااايس .. خامة وموديل وكل شيء..
5- خلصت البطانه .. !!!
1- باريس هيلتون فستانها انيق وفخم بشكل مو طبيعي .. يازينها وهي متسترة بدون الشخله اللي متعودة عليها ..
2- الأدمية هيه محليه الفستان ولا هو فيه شيء غلط .. ممكن عشانة قصير شوي ؟؟!!
3- عادي ..
4- مررره ماحبيت الشيء الأسود هذا.. زي اللي يلبسوه كلابهم خخخخ
5- بالله ذكروني اضيف صورتها في موضوع اطلالات سيئة..
طول الفستان غبي.. والكلتش اصفر طالع مزعج مع اللوك ..
- اناقة ونعومة والفيس محلية اكثر..
2- الفستان هذا لبست زية اليسا في اغنية لها .. مرره نااايس .. حبيته كثيير.. من تصميم ايلي صعب .. فيه منه قصير بس مافي مقارنة الطويل احلى بكثييييييير..
3- يجنن هذا من يوم شفته على العارضة وانا عاشقته.. فيه منه قصير بس الطويل احلى بكثييير وافخم..
4- اممممم لا بأس
5- موديلة غريب.. بس طالع حلو عليها ..
1- لا لا لا اش هذا الله يسامحك ..
2- روعه .. الخامتين حلوة.. حركة الأكمام رووعه.. القماش من تحت دائما" اشوفه تنانيرقصيرة او فساتين قصيرة ما اتخيلته يطلع حلو كدا..
طالع مرا كيووت..
3-تنورة وبلوزة المفروض اضيفها مع التنانير بس لا احد يدقق .. لوك بسيط ومرتب..
4- حليو.. بس كأنه مكياجها اوفر على غير العادة..
5- طالعة كثير نعومة.. بساطة واناقة..
بعض الفساتين من عروض الأزياء..
حبيت الأصفر لون وموديل كثير انيق..
- شفناه على الريد كاربت بس ماني فاكرة اسم الممثلة كان جدا" انيق وفخم ..
الفستان رووووعه .. بس دائما فالعروض تنقص عليهم البطانة .. >>> افكر اقط لهم خخخخخ
2- مرررره حلوووو .. غريب وفخم .. وكمان شفناة عالريد كاربت دي السنة ..
3- حلو ..
4- فخامة .. من عرض
1- سهل تفصلي نفس الأستايل.. بسيط وحلو..
2- عادي..
3- عجبتني طريقة لف القماش.. مرا حلو.. بس حسيتة من تحت زحمة..
الثلاثة الأخيرة كل واحد احلى من التاني.. خامات الأقمشة والقصات .. رووووووووووووعه ..
حبيت اللي فالوسط..
نجي لعرض ايلي صعب .. اللي شفنا فيه كثير فساتين طويلة ومحتشمة ..
كلها حلوة .. اختار خامة فخمة .. والموديلات سمبل ..
حبيت الأورنج يهوووووووووس .. والليموني اللي قبل الأخير ..حبيت الحركة من فوق ..
بعض الفساتين من عرض ستيفن رولان ..
كلهم حلوين .. الأول مررا ختييرة الحركة والحزام الذهبي الييم .. شفناه على فساتين كثير .. وحبيت الأخير الأسود ..
عرضة كثير حلووو..
من عرض جيني بيكهام 2012..
للون الأسود دائما يعطيك احساس بالأناقة.. وحلو الرمادي مع الأحمر
منن عرض نعيم خان ..
كل واحد احلى من الثاني..
برب لا احد يرد..
ولا بعلقة زي كدا
التعديل الأخير تم بواسطة سويت سآن ; 05-18-2012 الساعة 12:56 AM
شعاع الأمل..
شكرا" على كل شيء..
واهم شيء التنسيق عجبك.. بما انك المصمم الكبير هنا ..
لأني ماقدرت اطبق الدرس اللي نزلته .. قلت اسوي تصميم للموضوع عشان تشوف شغلي ^_^
يعطيك العافية ياااارب..
05-17-2012, 09:44 PM
.gif){kind=icon}
to look like queen -تابع للحملة-
.gif "Dream Cafeh Small (48)")
.gif "3-rap (64)")
شكر
اعجاب.gif){kind=icon}
.gif "Dream Cafeh Small (55)")
.png "Dream Cafeh Small (2)")
.gif "Dream Cafeh Small (202)")
.. لوك بسيط ومرتب.. .gif "Dream Cafeh Small (238)")
.gif "Dream Cafeh Small (195)")
العرض العادي
