معد اتحمل الشك قبل لاروح بيت اهلي افيدوني 2013 2014 2015
- - - - - - -
www.dream-cafeh.net
- - - - - - -
معد اتحمل الشك قبل لاروح بيت اهلي افيدوني
حصريا على دريم كافيه
2013 - 2014 - 2015 - 2016
السلام عليكم باختصار انا مشكلتي الشك ولا ادري شكي بمحله ولالا لاني لحد الحين مالقيت شي حقيقي بس فيه اشيا تثير جنوني واشك بزوجي بجنون غرضي من الموضوع باشوف هل فعلا شكي بمحله وممكن اي احد يتعرض لهالشي يشك وودي اشوف اصحاب الخبره هل لي حق اشك؟ اول شي انا كانت تجيني اوقات اشك بس اتجاهلها...
السلام عليكم
باختصار انا مشكلتي الشك ولا ادري شكي بمحله ولالا لاني لحد الحين مالقيت شي حقيقي بس فيه اشيا تثير جنوني واشك بزوجي بجنون
غرضي من الموضوع باشوف هل فعلا شكي بمحله وممكن اي احد يتعرض لهالشي يشك
وودي اشوف اصحاب الخبره هل لي حق اشك؟
اول شي انا كانت تجيني اوقات اشك بس اتجاهلها وهالاشيا هي :
زوجي اذا طلع للصلاه (دائما)يطول يطلعون الناس من الصلاه ويخلصون وهو لسئ ماجا ولما اساله يقول في المسجد مع انه هالوقت كله مايحتاج يجلسه لانه بعض الاحيان القليله يمديه يصلي ويرجع مبكر بس مدري ليه يتاخر وهو يصلي بمسجد هنا حول بيتنا
الشي الاخر (بعض الاحيان) اذا جا يجلس بالسياره مدري وش يسوي ويطول واذا سالته مايعطيني سبب اما يقول ع الواتز واما يقول اكلم
من الاشيا الي تجنني وتثير غيرتي
اهلي بعيدين عن بيتي مده ساعه الا ربع بس ماروح لهم الا ويكند فاحيانا يعرض علي انام عند اهلي بحجه انهم بعيدين وانه مشوار عليه
وكم مره زعلت قلت المفروض انا الي اطلبك هالطلب موب انت قال انا بس ابيك تستانسين عند اهلك قلت انا يكفيني الرقت الي اجلسه لاتطلب مني انام ومازال ع هالعاده لين مره تهاوشنا وكبرت السالفه ووصلت لابوه وعقبها معاد طراها لي
بس اذا قلت مثلا باروح اليوم لاهلي وغالبا تكون خميس يزعجني كل شوي هاه اوديك
يبي يوديني العصر
وانا اقول لا المغرب
وهو يقول العصر ابكر يمديك تروحين تستانسين مع انه اصلا مايجيني الا الفجر او الساعه 2 ونص يعني يمديني استانس لو وحت ع المغرب مايحتاج العصر
واحيانا يتحجج ببعد المشوار مايمديني اوديك الا اجي اخذك وهالشي بعد يثير جنون غيرتي وكنت ازعل منه بس مابين له
استمرينا ع هالحال يمكن سنتين بس كنت ساكته
اخر سبب الي هو فجرني وصرت ابين له شكي واعترفت له اني اشك فيه واني ماعاد اتحمل
هو طلبه للجنس قل كثير اول كان يطلبه بالاسبوع مرتين ثلاث وبدا يقل يصير بالاسبوع مره بعدين الحين قل كل عشر ايام او كل اسبوعين مره
متخيلين انسان طبيعي مافيه مرض ولا ضعف جنسي يطلب زوجته في الاسبوعين مره ؟
بالبدايه تضايقت قلت يمكن عنده شي شاغل باله بس ماش استمريت شهر
وضيفته تحسنت راح لوضيفه جدا مريحه
دخل بمشروع يدعمه ماديا قلت يمكن هالمشروع شاغل باله بس مو معقوله باجلس انتضر هالمشروع معناته باتحمل سنين ع هالحاله
بعدها بشهرين حملت وهو حملي الاول والحين اما بالشهر السادس ومازالت القضيه مستمره يعني لنا 7 شهور وهو مايطلب الجنس الا قلييييل مره مره وبعد التلميح مني بعد
مره وحده الي طلبها من نفسه
صارحته مره وقلت فيك مرض ولا شي قال لا سليم قلت فيه شي اما مضايقتك فيه قال لا بس مشغول بالي بهالمشروع سكت ومشيتها وتحملت بس خلاص معاد فيني انا تعبت نفسيا من ناحيه ابي اعف نفسي ومن ناحيه الشك ذبحني يمكن لاقي له مصدر ثاني
جيت وصارحته بقوه مره ثانيه قلت انت قلت لي عشان المشروع وسكت بس مو معقوله من بديت المشروع للحين 7 شهور لي متى بتحمل ؟ انا توني صغيره وابي اعيش شبابي قلي اذا فيه شي كارهه فيني قال والله مافيه شي فيك ومثل القمر ووضيفتي مرتاح فيها بس اللهم المشروع شاغل بالي
المشكله احيانا نايكون عنده زباين ويكون فاضي جالس بالبيت ماعنده شي بالمشروع واروح البس ع سنقه عشره كني عروس واتدلع عليه واعطيه من الكلام الي يهد جبال فجاه يقول يووه ظهري تعبان ولا اذا جينا ننوم يعطيني ظهره او يحاول يلقى له اي شي يشغله ويتحجج فيه
مايبدا الا اذا جيته وصارحته قلت له مشتهيتك
بعدها انكسر قلبي ابي احس بزوجي وتركته ماجيته اقوله وبنفس الوقت اكشخ وريحه عطري يشمونها جيرانا نفس الشي مايطلب مني الا بالاسبوعين مره وبالتلميح بس بدون تصريح ���� وصارحته قلت اذا انت تقول عشان مشروعك طيب انت تجيك ايام مرتاح وماعندك شي فاضي ومع ذلك ماتفكر فيني ولاتطلبني قال حتا لو صار ذاك اليوم ماعندي شغل بس بالي يصير مشغول
وانا جالس معك افكر كيف اطور المشروع لاني توني ببدايته
جت فتره كل ماطلبته نطلع يعيي وطولنا ولاقرب لي بالسرير بعدها جاني مره قال وش العشا ولا اجيب معي قلت ودي نطلع قال يوه موب لازم ومن هالكلام قلت طيب بس بحزن خنقتني العبره موب قصدي الطلعه بس قصدي ليه كذا تغير علي حزت بخاطره ورحت صلحت له العشا وتعشينا جا بكرا قال خلاص باوديك للمطعم الي ازعجتيني عليه بس عشان تعرفين انك يوم سكتي ومازعلتي مانسيتك قلت يعني بتفضي نفسك لي قال ايه فرحت واحتري متى نرجع من المطعم عشان اشوف يطلبني للفراش ولالا وفعلا رجعنا وكنا مبسوطين ع الاخر وكاشخه ع الاخر بس والله ماطلبني ولا لمح لي انا انفجرت من بكرا وانا اصبر يطلبني
��وش السالفه تتوقعون شكي بمحله ؟
تعبت كل يوم والثاني تصير مشكله
والمشكله لاقلت له انا اشك فيك ومو مرتاحه معك باروح لاهلي عيا يقول موب بكيفك
حتا مره انفجرت وجمعت اغراضي وخلاص باروح وعيا سفهني مره كني جدار قال موب بكيفك لين سويت له فضيحه بالصراخ اخوه ساكن جمبنا واهله اشك سمعونا قال خلاص خلاص باوديك اهلك خفت قلت طيب طلقني قبل مابي تجي وتتفاهم مع ابوي ابي خلاص اروح بدون رجعه قال مهبوله انتي مانيب مطلقك
( للمعلوميه قبل سنتين قد سبق طلقني طلقه بسبب مشاكل صارت بينا مالها دخل بالشك وعقبها رجعنا )
طيب ابفهم واحد حالته الجنسيه طبيعيه مافيه ضعف انتصاب ولاضعف جنسي �� ومعنرف ان زوجته قمر وتهبل من نفسه �� وحالته الوضيفيه زينه ��معقوله انشغال باله بالمشروع يشغله عني 7 شهور هل هذا طبيعي
وهل حركاته اذا طلع الصلاه يطول طبيعي ؟
انا الحين توني متهاوشه معه لنا اسبوع ماطلبني وصلحت العشا قلت احطه قال لا باروح مشوار ابو ساعه واجي نتعشئ وانتضرت ساعتين ماجا دقيت قال توه يجيني خويي الي انتضره باخلص واجيك ويجلس فوقها ساعتين زياده وجا تهاوشت وياه قلت انت عندك مشوار قبل مشوار خويك من بعد صلاه العشا وانت طالع وانت مواعد خويك عشر ونص ليه تطلع له من بعد صلاه العشا ؟
قال مادريت انك جوعانه قلت بغظ النضر جوعانه ولالا مخليني انتضرك ع العشا من المغرب لين الساعه 12 ونص حتا لو مو جوعانه ليه ماحترمت انتضاري وماعترف بغلطه وقلت وين كنت قبل تروح خويك قال كنت اتمشى بالشارع اشوف نور السياره ( هو يهتم بالانوار ) قلت ساعه كامله تشوف النور قال ايه ساعه وبعدها رحت لخويي وطولت عنده انا الشك داخلني ومعميني ماقتنعت وش الشي الي يخليه ياجل العشا معقوله بس النور كان بامكانه يتعشى وبعدها يروح لخويه مايحتاج يطلع من العشا وهو مواعده عشر ونص
قعدت اصيح وطلع وخلاني ودقيت قلت انت تكذب علي كان عندك شي طالع له قبل خويك قال عاد ذا شيطانك الي يصور لك انا ما اكذب قلت ليه اسلوبك تغير علي فجاه قبل تطلع
انا كنت المغرب عازمته ع كوفي وماش كان قبل نطلع مستانس وحنا رايحين المشوار متكدر ويقول خليها بعدين ورجعنا عقب المشوار وهو مكتم مايسولف ابد وعقبها طلع لمشواره ذا
ولما قلت له كذا سكر بوجهي رجعت دقيت عليه قلت ودني بيت اهلي وانت عش بكيفك انا طفشت اذا بترجع لحالتك انا ماقدر اتحمل قال هالشي موب بكيفك ولاتدقين علي مره ثانيه وسكر بوجهي قررت اروح بيت اهلي زياده ولاعاد ارجع بس اخاف يصير قوي ويتركني صدق وانا احبه واخاف اكون ظالمته
انا ��خايفه اكون شكاكه بس وجالسه اخرب زوجي و انه كاعمده خرابيط ويصير عنده خرابيط من كثر ماشك فيه
واحيانا اقول لامعي حق اشك حركاته موب معقوله
الشي الاخير راتبه يخلص بسرعه صح مايقصر علي بس مايبقى شي يروح بلوشي احس الي معه مثل راتبه يمديه يجمع
وش رايكم ؟
lu] hjplg hga; rfg ghv,p fdj higd htd],kd
2013 - 2014 - 2015 - 2016
lu] hjplg hga; rfg ghv,p fdj higd htd],kd 2013 2014 2015
|
08-02-2014, 09:37 AM
شكر
اعجاب
العرض الشجري