حلمت اني افصل مريول مدرسه
- - - - - - -
www.dream-cafeh.net
- - - - - - -
بياناتي
أرسلتها لكِ على الخاص بارك الله فيك
الحلم
رأيت اختي خلود واقفه قدام طاوله وراها وحده تفصل مراييل وكأنها كانت أم مازن الكويفيره اللي كانت في زواج خلود.واختارت خلود موديل مريولها وخلصت وجيت انا وراها وقلت لها ها تفصلي لي مريول قالت اوكيه بس بشرط يكون الموديل على قد القماش وماياخذ زياده عشان اقدر افصله لك قلت لها لا موديلي عااادي وطلبت مثل قبه-مثل ماطلبت خلود- بس كنت ابغاها بشكل ثاني واحترت كيف وقلت لها شوري علي قامت تأشر لي على موديلات معلقه وتقولي اختاري منها وبعدين قلت لها أبغى جيب على اليسار يكون ظاهر وابغى جيب او جيبين على الجوانب مخفيه وقمت اتخيل نفسي وانا لابسته وجلست افكر اقول لها من تحت الوسط تحطه كلوش او يمكن شكله مايطلع حلو ويمكن بعد القماش مايكفي فقلت لها وحطي لي كسره مسكره من ورا وبس قامت قالت بسسس؟ قلت ايه قالت فيه لمسات ممكن تحطيها ويطلع الموديل مره حلو قلت لها ساعديني كييف ماعندي افكار وقمت مسكت القماش على الطاوله عشان توريني وكني شفته مفصل خالص وانتبهت ان خلود تطالع لي ببعض الغيره ان موديلي بيطلع احلى منها وليش ماقالت لها زي ماقالت لي وشفت يدي بيضا ابيض من الحقيقه وكنت حاطه مناكير ورديه تميل للشفاف وكان شكل يدي واظافري بالمناكير مره حلو وشفت الكويفيره تطالع لها باعجاب وتقول في نفسها ماشاء الله تستاهل او شي مثل كذا المهم وقامت تقول لي المريول مثلا من تحت الوسط لين تحت اقدر احط عليه رسومات اكلات واكتب فوقها اسم الاكله مثل ارسم كتشاب واكتب كتشاب بخط يدي قلت لها صادقه بيدي قالت ايه قلت بيبان انه هذي كتابه يد لا لازم تكون عند خطاط ولا بلاش منها وقمت تذكرت يوم رحت مع اهلي ننقي سيراميك لجدار المطبخ وكان واحد من الانواع اللي شفتها مرسوم على شكل حزام فناجيل قهوه ومكتوب كافيه ورسومات زي كذا ويومها كانت عاجبتني وهذا الكلام فعلا صار في الحقيقه وصورته عندي في الجوال...انتهى
مع العلم اختياري للموديل كان جدا قريب من خلود بس الكويفيره هي اللي جلست تعطيني افكار جديده وهذا اللي حسس خلود بالغيره ..وكانت المراييل حقت ثانويه رصاصي لونها
وفي الحقيقه خلود متزوجه وعندها بنت وولد والآن حامل وهي اصغر مني سنا وموظفه ومقدمه على بعثه يعني انا صفر جنبها في الوقت الراهن
طبعا للتوضيح احنا في السعوديه نسمي لبس الدراسه مريول
وأي استفسار او اي شيء غير واضح ارجوا الاستفسار وسيتم الرد ان شاء الله..
جزاك الله خيرا
pglj hkd htwg lvd,g l]vsi
|
01-22-2012, 12:23 AM
شكر
اعجاب
العرض العادي
