مو مرتاحه بزواجي 2013 2014 2015
- - - - - - -
www.dream-cafeh.net
- - - - - - -
مو مرتاحه بزواجي
حصريا على دريم كافيه
2013 - 2014 - 2015 - 2016
السلام عليكم بعطيكم نبذة عني انا اصغر عائلتي طبعي خجوووووله وحساسه من كنت عند اهلي مو متعوده على جلسات المتزوجات والمجامله حدي صديقاتي بعمري من كنت صغيره لين وصل عمري28 اجواء الحريم الكبار ماعرفها وحتى امي طبعها مو اجتماعيه ويمكن احنا اجتماعيات اكثر منها وانا عندي صديقات و بنات جيران نتواصل...
السلام عليكم بعطيكم نبذة عني
انا اصغر عائلتي طبعي خجوووووله وحساسه من كنت عند اهلي مو متعوده على جلسات المتزوجات والمجامله حدي صديقاتي بعمري من كنت صغيره لين وصل عمري28 اجواء الحريم الكبار ماعرفها وحتى امي طبعها مو اجتماعيه ويمكن احنا اجتماعيات اكثر منها وانا عندي صديقات و بنات جيران نتواصل وعايشه جوي الحمدلله
بس كل شي تغير بعد الزواج صرت انجبر اروح مناسبات جماعة زوجي واحاول اجامل بس ارجع من المناسبه متضايقة لانه استحى وغير كذا المتزوجات والحريم الكبار يحرجوني☹ مثلا فلانه م تجينا م تواصلنا بحكم انه انا بمنطقه مع زوجي ومافيه احد من اهلي كل الموجودين بالمنطقه عمام زوجي و عماته وخواته
وانا مو مرتاحه لهم يحبون يتشرهون كثيييير يفشلوني احيانا حتى اخت زوجي فيها جراءه مثلا اكون مسافره لاهلي وزوجي يكون في البيت تزور اخوها واذا سمح لها الوقت تتصل ع فلانه وعلانه وتعزمهم في بيتي يعني طاقتها ميانه بزياده😐
وزوجي يقول عادي هذا بيت اخوها
قلت مابيها تعزم في بيتي خلها تعزم في بيتها
ودايم مشاكلي مع زوجي بسبب اهله مره وحده بس زارونا لانه اخت زوجي بتتزوج بنفس منطقتي م احكي لكم قمة المعاناة البيت صغير واهل زوجي عددهم م يقارب 14 😫شخص عيال وبنات وبزران حتى احيانا احسهم م يحترموني وانا بطبعي خجوله واسلك حتى امس بعزيمه كانت عند عمام زوجي طبعا لبست و كشخة ورحت معاه ع اساس بجاملهم والحمدلله قدرت اغير من طبعي واتجراء وصار طول وقتي وسوالفي مع عمات زوجي كبار بالعمر بعد العشا اتصل زوجي عشان نمشى وانا بطلع قمت وحبيت ع راس عمات زوجي من باب الاحترام ولبست عبايتي الا بنت عم زوجي متزوجه وعندها 7 بزارين قالت لي ادري ماراح تجين وراح تسحبين علينا هذي حركاتك تجين للمنطقه ومانسمع عنك شي بس جالسه لحالك في البيت ولا مسافره لاهلك قلت لها طبيعي مستحيل اصبر عن اهلي واكيد بسافر لهم قالت لاتتعبون انفسكم وتعزمونها ماراح تجيكم
فششششششلتني قدام الحريم 😪
ليش تتجراء على كذا
ليش الوقاحه وانا ماتعودت ارد تعببببببت حيل
نفسي اغير من شخصيتي حتى اخت زوجي مابيها تتجراء على لانها اجتماعيه ومجامليه درجة اولى تعزم الحريم واذا راحو تجلس تحش فيهم مارتاح لطبعها وزوجي يدري انه اخته ع غلط بس واقف بصفها وهي احسها تحب تسيطر لان زوجي اصغر منها صراحه انا مو مرتاحه بزواجي وانا لسى ماصار لي سنه من تزوجت
ابي نصائحكم عشان اتغير وقولولي شخصيتي فيها غلط ع انه كانت معجبتني بس بعد الزواج حتى ماصارت عندي ثقه بنفسي من كثرت التعليقات والتشرهه احس طبعي مو مرغوب
قبل اتزوج كنت ماخذه فكرة حلوه عن الزواج أستقرار وحياة خاصه فيني انا وزوجي
كنت مبسوطه احب اهتم بنفسي وبزوجي وادلعه بس بعدين تغير كل شي
صرت مكتئبه وكارهه العزايم والتجمعات صرت ماحب اروح لها الزبده احس كرهت نفسي وأهملت حتى زوجي لان اول ماقرب رمضان قالي زوجي اعملي حسابك راح نمشى فطورات مع عمامي
تخيلووووووو😳 فطورات مع عاااالم ماشاءالله تبارك الله عددهم كثير والبيت الواحد فيه مليون شخص من غير حريمهم وبزارينهم
وبعد هوشه مع زوجي كنسلهم وقال خلاص راح اتصرف صعبه اعزمهم وانتي لحالك من بيساعدك اذا حتى خدامه ماعندك قلت له حرام عليك هذا اول رمضان لي معك تبي تكرفني !!! 😭😭
بعدها استوعب بس بعد زعل تقريبا اسبوع م نكلم بعض 💔
معقوله هذا مفهوم الزواج عند البعض ماشفت فيه ايام حلوووه والله ايام العزوبيه احلى بكثير ااااااهه بس
شسوى 💔💔
l, lvjhpi f.,h[d
2013 - 2014 - 2015 - 2016
l, lvjhpi f.,h[d 2013 2014 2015
|
05-15-2018, 02:49 AM
شكر
اعجاب
العرض العادي
