متزوجين من سنتين بدون اطفال
زوجي بنهاية العشرين وانا ببدايتها
زوجي حليم وما يعصب كثير ومتأكدة انه يحبني
شكلي مو حور عين لكن ممكن يقال عنه فوق العادي من ناحية الجمال
قبل لا اتزوج بفترة قريبة كنت مسافرة مع اهلي لدولة اوربية وتحرش فيني رجل اجنبي بباص عام ما احترم لا حجابي ولا حشمتي حسبي الله فيه لأول مره بحياتي هذا الشي ارعبني وسبب لي جرح احاول انساه قد ما اقدر ف سكت ولا علمت فيه احد
وتكفووون الكلمة الطيبة صدقة لا تلوموني وتنسون المشكلة الاساسية انا مالي ذنب والله العظيم مافي وحده تتمنى احد يتحرش فيها الحين حتى الاطفال يتحرشون فيهم وهم اطفال
زوجي عنده بديهه قوية الي صار كنا نتقهوى المغرب واخذت بنا السوالف لين
زوجي دخل بموضوع حساس له علاقة بالتحرش ولاحظ انفعالي وقال وراك شي وهاوشني وصارخ بوجهي وحلف اتكلم كذبت علمته سالفه كذبيه وكشفني ومسكني بزاوية الغرفة لين خلاني ابكي واقول الصدق وقام يهاوشني يبي يعرف كل التفاصيل جلست اقولها وانا والله اتألم من الذكرى مابي اتذكر وقمت احلف له اني اخاف الله ومالي دخل وان الموضوع صار قبل لا نتزوج
هو عصب وكسر فنجال من القهر وقالي ادري ان مالك ذنب والله شي يقهر وطلع من البيت رجع اليوم الثاني كأن ما صار شي
اسلوبه معاي واحد الي تغير انه صار بالموووت يطلعني من البيت ولا عاد يمشيني الا لما نقضي اغراض البيت واذا بكيت وترجيته نروح مكان طلعنا نتعشى يجيب الاكل بالسيارة ناكله والشارع ماصرت اشوفه زين الا لما ازور اهله ولا اهلي بمنطقة بعيدة عنا اختنقت من الحجرة وياويلي ياسواد ليلي لو رفعت يدي وانا داخل السيارة لازم اجلس مجبسه ما اتحرك لين نوصل عشان محد يشوفني حتى مراكز صيفية نسائية رافض اسجل فيها يقولي والله لو حلال ودي اجيب قفص واخليك فيه مايشوفك غيري
هو قبل كان زوج عادي مثل غيره بس بعد هذا الموضوع انصدم وتغير بشكل جذري وخانق
ابيه يرجع طبيعي ما يحجرني تعبت بين اربع جدران والنقاش الهادي والدلع معاه ما يفيد
07-12-2017, 01:00 PM
زوجي عرف موقف صارلي والحين حاجرني 2013 2014 2015
شكر
اعجاب
العرض الشجري