اعطوني حلّ.. مابغى بيتي ينهدم.. 2013 2014 2015
- - - - - - -
www.dream-cafeh.net
- - - - - - -
اعطوني حلّ.. مابغى بيتي ينهدم..
حصريا على دريم كافيه
2013 - 2014 - 2015 - 2016
*السلام عليكم ورحمة الله وبركاته.. مشكلتي يا جماعة رح تلاقونها آخر السطور لكن ف البداية لازم اشرح لكم وضعي.. انا متزوجة من 3 سنوات عندي طفلين عمري 31 وعمر زوجي 34 ملتزمة وطيبة فوق ماتتخيلون ودائما ابدّي غيري على نفسي وعلى راحتي وخدومة لزوجي انفذ طلباته من غير مايطلبها ومو مقصرة معه في اي ناحية.....
السلام عليكم ورحمة الله وبركاته..
مشكلتي يا جماعة رح تلاقونها آخر السطور لكن ف البداية لازم اشرح لكم وضعي..
انا متزوجة من 3 سنوات عندي طفلين عمري 31 وعمر زوجي 34 ملتزمة وطيبة فوق ماتتخيلون ودائما ابدّي غيري على نفسي وعلى راحتي وخدومة لزوجي انفذ طلباته من غير مايطلبها ومو مقصرة معه في اي ناحية.. هو كويس معاي لكن عنيد جداً ومزاجي وبرضه دائما يشتكي من المادة وانا مراعية هالشي وماااطلب تماشي ولا سفريات ولا اضغط عليه بالطلبات وهو الصراحة صار يتمادى احيانا لما اطلب منه شي يقوللي ادفعي من عندك طيب من وين لي لامصروف تعطيني ولا راتب ولا شي تخيلوا حتى هدايا ماعمره اهداني ولّدت مرتين ولا اهداني وتخرجت ولا اهداني وسويت اكثر من عملية وكنت بين الحياة والموت ولا اهداني ولا حتى تصدّق عني معقولة ياناس كل هذا بخل..!! وفوقها دائما يهددني انه بياخذ مني الصرافة لو توظفت رغم اننا ولله الحمد عندنا بيت وسيارة ولكن دائما يردد ان راتبه ضعيف وعليه ديون علماً بأنها بسيطة لاتُذكر..
المهم اكمّل لكم قصتي من سنتين بدأت اعاني من الم شديد كان يجيني وماعرفوا الاطباء يشخصوه لان المستشفى الحكومي اللي بمنطقتنا معدوم الامكانيات.. واستمر الحال بي الى ان وصلت لمرحلة لا استطيع تحمل الالام الشديدة وكنت اترجّاه يوديني لمستشفى خاص في منطقة أخرى اسوي فيه اشاعات ويعرفوا ايش اللي عندي وكان دائما يرفض او يأجل او يتحجج بمرض امه رغم انه كان يسافر بأمه دائما يعالجها في افضل المستشفيات وهي عندها مرض مزمن ماله علاج ((الله يشفيها)) اما انا فكانت مشكلتي الصحية بسيطة جدا ولكن التأخير في علاجي فاقم حالتي كثيرا اضطريت اروح للمستشفى الخايس اللي عندنا وسووا لي عملية فيها خطأ طبي ساءت حالتي كثيرا وحولوني الى مستشفى اكبر في نفس المنطقة وبرضه المستشفى هذا حوّلني على مستشفيات في مناطق اخرى وطبعا تتأخر المستشفيات في قبول الحالة فبدأوا اهلي يتواصلوا مع المستشفيات الخاصة وللاسف زوجي لم يحرك ساكن في ذلك الوقت ((ما اقدر اوصف لكم مدى الالم والمعاناة اللي مريت فيها خلال الشهرين اللي فاتوا)) وقد ايش اهلي وقفوا معاي وماتركوني لحظة وقد ايش هو تجاهلني وكأني لا أعنيه..!! كان يجي مع الزوار فقط يزورني وقت الزيارة وغيرها مايسأل لدرجة انهم نقلوني بالاسعاف لمنطقة ثانية واهلي كلهم معي الا هو ماحرّك الا بعد ماوصلنا..!! وماكان يسأل الأطباء عن حالتي ولايهتم ابداً.. المهم أجروا لي عدة عمليات وكان السبب الاول في سوء الحالة هو التأخر في العلاج وبرضه المستشفى الخايس اللي وداني له.. بعد شهرين ونص بدأت حالتي تتحسن ولله الحمد ولكني جلست عند اهلي الفترة ذي كلها عشان يساعدوني في الاولاد طبعا هو مايسأل الا نادرا حتى اولاده مايهمّونه وطلباتي مايجيبها لي ع طول وبرضه ماقد كلمني وسمعني كلام حلو او حسسني انه اشتاق لي او طلب مني ارجع البيت..
وهنه اقولكم ((مشكلتي)) بالضبط..
يوم من الايام راقبت رقمه السري وفتحت جواله واكتشفت المصيبة..!!
عنده حساب في تويتر ضايف فيه خطابات وبنات وش كثرهم وبينهم محادثات ع الخاص وحاط مواصفاته كلها وانه يرغب في الزواج والسبب في زواجه ان زوجته مريضة ومتواصل مع ذولي البنات كلهم بشكل مستمر على الخاص وعلى البي بي وطلع عنده كمان رقم جوال ثاني يكلمهم عليه وبنات الحرام مرسلات صورهم له وهو مدّهر معهم سوالف وكلام حب وغزل ياما تمنيت انه يرسل لي زيّه او يرد بس على رسايلي وبعضهم متفق معهم ع المهر ع اساس بيخطبهم وللاسف كل هذا قاعد يصير في شهر رمضان وهو صايم ومستغلّ مرضي وقعدتي عند اهلي وفوقها الاطفال معي متحملة مسؤوليتهم وحدي..!! المهم انا ماقدرت اتحمل وانهرت وقعدت اصيح وابكي وهو جلس يبكي معي ويبوس رجلي اسامحه وانه كله بسبب بعدي عنه وانه حس بالوحدة وحلفته ع المصحف انه مايكررها وذكرته بالله وخوفته ان ممكن ربي يعاقبه في بناته واخواته وطلبت منه يجيب عاملات ينظفون البيت عشان ارجع وانتهى الموضوع.. بعدها لاحس ولا خبر لا اتصل ولا ارسل طنش كم يوم ورجعت دقيت عليه طلبت منه يمرني يوديني السوق وفتشت جواله للمرة الثانية لقيته لسه يراسلهم والمصيبة بعض الرسايل مرسلها لهم وانا بجنبه وباثّة له شبكتي كمان آآه ياقلبي ماعاد تحمل لحظتها وانهرت للمرة الثانية وقعد يبكي ويترجاني اسامحه ورجعني عند اهلي ونفس الشي طلبت منه يجيب عاملات او ينظف هو البيت عشان ارجع ولا حس ولا خبر مطنش وانا حالتي الصحية ماتسمح اشتغل او اشيل شي ثقيل ولسه تعبانة وباقي لي عملية بعد شهر.. الله يسعدكم قولوا لي وش اسوي؟؟ انا بهمّ مايعلمه الا الله وبس ابكي ماراعى مرضي ونفسيّتي ولاهنّاني بالعبادة ف رمضان.. للعلم انا عندي رقمه الثاني اللي يكلمهم عليه وهو مايدري اني عارفته وبرضه مصوّره كل محادثاته عندي اثبات لكن مادري كيف اتصرف لحد الآن محد يدري بالسالفة نهائيا واهلي لو يعرفون والله يطلقوني منه خصوصا انهم لسه حاقدين عليه من لما تخلّى عني وقت مرضي.. شوروا علي وش الحل السليم اللي يخليني احافظ على زوجي وبيتي مابغاه ينهدم.. الله يجزاكم الجنة مقدماً وسامحوني على الاطالة..
hu',kd pg~>> lhfyn fdjd dki]l>>
2013 - 2014 - 2015 - 2016
hu',kd pg~>> lhfyn fdjd dki]l>> 2013 2014 2015
|
06-19-2017, 08:14 PM
شكر
اعجاب
العرض العادي
