صدرك فاضي و صغير و مترهل ؟ الحل هنا 2013 2014 2015
- - - - - - -
www.dream-cafeh.net
- - - - - - -
صدرك فاضي و صغير و مترهل ؟ الحل هنا
حصريا على دريم كافيه
2013 - 2014 - 2015 - 2016
(منقول للافادة) ولا كده لو حضرتك جاية عشان عايزة امكانياتك تبقى مغرية عشان الناس يبقى براااااااااااااااااا
(منقول للافادة)
ولا كده لو حضرتك جاية عشان عايزة امكانياتك تبقى مغرية عشان الناس يبقى براااااااااااااااااا
الموضوع ده لواحدة مثلا بترضع و صدرها اتبهدل او واحدة خست و صدرها اتخسف و بقى فاضي
و مترهل او واحدة كانت مريضة او واحدة عايزة ترضي جوزها اكتر او واحدة كانت جسمها مظبوط
و حلو بس اتبهدل و نفسيتها دلوقتي وحشة....الخ
يعني الموضوع ده ليكي انتي و بس او علشان جوزك او كده مش بنعمل اغراءات لحد احنا
ندخل بقى في الموضوع
انا هحكيلكو قصتي اولا
بس خلي بالك انا مش دكتورة ولا مختصة و فيه احتمال طبعا اني اكون غلط اللهم اني بلغت اللهم فاشهد
بصو يا بنات باختصار شديييييييييييييييييييد خالص انا من صغري و انا عندي امكانيات و كده الحمد لله
و كنت مليانة فده كان مزود برضو المهم خسيت و الصدر طبعا تقريبا عبارة عن دهون يعني فده اكتر حاجة بتأثر بالخسسان
انا بقى صدري شبه راح معظمة لأ و كمان بقى فاضي كده و انا جت فترة فعلا اكتأبت جدا
رغم ان الصدر كبير متعببببببببببب جدااااااااااا و وجع في الضهر و عذاب بس الفكرة ان ده اللي انا متعودة عليه
المهم اهملت صدري خالص و بقيت مش عايزة افتكر الموضوع حتى و كنت زمان كل ما افتكر بحاول افرد ضهريو
اقف مفرودة عشان صدري بعد ما صغر بقى ولا الهوا ولا بيفرق معايا و طبعا اتبهدل اكتر
المهم بعد فترة لما فوقت شوية بدأت فعلا احس قد ايه الصغير احسن كتير فعلا يا بنات رااااااااااحة عن الكبير
و نعمة ! الحمد لله رب العالمين و بدأت شوية شوية اتقبلهم اكتر بس طبعا عشان اهملتهم فكان
مترهل و فاضي يعني مش مسألة حجم و بس
و من هنا بقى بدأت ادور على حلول و الحمد لله لقيت حل نفع معايا شخصيا و جاب نتيجة جميلة و جيت اشارككم
ملحوظات مهمة :
=========
- شكل و حجم صدرك اولا و اخيرا جينااات و دهون يعني مفيش حل سحري
(و نصيحة ابعدي عن العمليات تماما عشان كلها بلاوي ) المسألة عبارة عن وراثة
و حجم جسمك عامة و كمية الدهون عندك و احنا ربنا خلقلنا الشكل المناسب لجسمنا يعني ايا كان وضعك
احمدي ربنا و افتكري ان لو انتي اللي عندك مش عاجبك افتكري ان في ناس اكبر منك و معندهمش حاجة
و ناس عملت استقصال و ناس عنجها اورام في الاماكن دي و ناس عنجها مشاكل هرمونات....الخ
قوي الحمد لله و ربنا يعافي الجميع و يشفي كل مريض
- كل جسم مختلف عن التاني يعني ممكن واحدة الكلام ده يجيب معاها نتيجة تاني يوم ممكن واحدة يجيب معاها
نتيجة بعد كام شهر ممكن واحدة ميجبش معاها تأثير ملحوظ خالص
- لو انتي لسه في مرحلة المراهقة او لسه جسمك بينمو متفكريش خالص في الموضوع ده عشان لسه
جسمك بيكبر ممكن تتأخري عن اللي حواليكي لكن بعد كده انتي تبقى اكبر منهم كمان و ممكن تسبقيهم
شوية او اي حاجة.....كل جسم مختلف عن التااااااااااااااني و المقارنات غلط غلط غلط و هتتعبي انا عديت
المرحلة دي و بقولك الجسم بيتغير جامد صدقيني ف سيبيه يكبر براحته عشان متتعبيش بعدين
- لو انتي بتتعالجي من حاجة او عندك حاجة في الهرمونات مثلا معرفش الكلام ده هيجيب معاكي نتيجة كو يسة
ولا لأ.....هو عموما الموضوع كله عبارة عن حلول طبيعيه يعني مفيش ادوية ولا مراهم ولا حتى اعشاب ولا حاجة
بس بردو اتأكدي من دكتور لو الموضوع ده مناسب ليكي ولا لأ
نعتذر لسيادتكم عن لمقدمة الكبيرة اوي دي هههه و اهي الطريقة اللي نفعت معايا
الطريقة :
====
هي عبارة عن مساج و تمرين ...ايوة بس كده , مش هتاخد منك 10 دقايق ان شاء الله
التمرين هتعمليه زي ما هو مكتوب كده مفيش ملحوظات
المساج هيبقى مرة او مرتين (يفضل مرتين) في اليوم و يفضل من غير هدوم ولا حاجز على مكان المساج
و كاتبين لو حامل او على ايامك متعمليهوش
التمرين:
====
هو اسمه wall push-ups لو عايزة تدوري في الموضوع اكتر بنفسك
هو عبارة عن انك بتقفي قدام الحيطة بس بعيد شوية و تفردي دراعك و تمديه قدامك لحد الحيطة يعني كأنك بتزقي الحيطة
جسمك هيبقى مايل شوية لقدام و كف ايجك على الحيطة و رداعك مفرود
و دراعك تمديه قدامك على طول بحيث كتفك و دراعك يبقو عاملين خط مستقيم بعد كده تكبري الفتحة بين كفين
ايدك بحيث الفتحة بين دراعاتك تبقى اعرض من كتافك شوية
و حاجة تانية (دي اختيارية مش لازم تعمليها لو مش عايزة بس هي بتجيب نتيجة افضل ان شاء الله)
بدل ما يبقى كف ايدك كله على الحيطة
انتي هترفعي بس صوابعك و الجزء اللي فوق من الكف (كأنك كنتي ماسكة حاجة مش نضيفة و مش
عايزة تجيبي ايدك على الحيطة عشان متتبهدلش ) يعني هتبقى ساندة بالجزء اللي تحت بس من كف الايد
و اهي صورة للتمرين
زي ما عمو بيعمل كده هتتني دراعك لحد ما وشك يقرب من الحيطة و بعدين ترجعي و هكذا
و خلي تقلك على درااااااااعك و طبعا ضهرك مفرود و دراعك مش بيتحرك انتي بتتني كوعك و بس
المفروض هتحسي بالتمرين في عضلات الصدر (الصدر مش الثدي) و ممكن عضلات البطن كمان
و على فكرة الpush ups العادية برضو كويسة (و اي تمرين للصدر عمتا كويس)
المساج:
====
مقدمة تانية معلش بس للعايزين يعرفو اكتر (هعملها بلون تاني عشان لو عايزة تفوتيها)
و الجزء ده انا نقلا منه بعض الاجزاء بذات الجزء بتاع الحوض عشان ده انا مش مجرباه و معرفهوش اوي )
المساج ده يا قمر اسمه The chi breast massage (ايوة تشي زي البيبي ليس بتاع الشعر )
هو اصلا جزء من تمرين اكبر اسمه Female deer exercise التمرين ده جزءين للصدر و الحوض
(و في برضو الMale deer exercise بس ملناش دعوة )
الجزء بتاع الصدر زي ما قلنا عشان صدرك يتملى و يبقى مدور و مشدود مش مترهل و بيحسن
الدورة الدموية في الصدر و بيفرز هرمون الoxytocin و الDHEA و غيرهم و بيحسن الدورة الدموية اللمفية (lymphatic circulation)
(الجزء اللي بالاسود منقول و مترجم)
الجزء بتاع الحوض بيقوي و بيحسن عضلات المهبل و بيحسن الاربطة المساندة للمبايض و قناة الفالوب
(Fallopian tubes) و بيزود الخصوبة و دورة الدم في الحوض و غيره (الجزء ده كله منقول و مترجم)
احنا الموضوع بتاعنا عن الثدي ف احنا هنتكلم بس في جزء التمرين بتاع الثدي (و انا مش مجربة بتاع منطقة
الحوض و معرفش كويس بيتعمل ازاي ف مش هقدر افتي فيه...انا كاتبالكو اسامي
كل حاجة للعايزة تدور اكتر للاستفادة مش لحاجة تاني هههه)
============================
ركزي بقى معايا في ده عشان ده المهم يعني التمرين المساعد و المساج هو الاساس
اولا في كذا مساج للصدر يعني لو ده مجبش نتيجة معاكي ان شاء الله هتلاقي حاجة تانية هتنغعك
للاسف ده تدليك للثدي فطبعا مش هعرف احط صور توضيحية عشان غالبا هتبقى غير لائقة فهحاول اشرح براحة و بالتفصيل على قد ما اقدر
امشي معايا خطوة خطوة :
1- ممكن تقفي او تقعدي (و طبعا ضهرك مفرود) او تنامي على ضهرك ...اللي يريحك و كمان هو متعب
للدراع شوية فحاولي يكون دراعك مرتاح (او اعملي زيي و استحملي الوجع عشان انتي كده بتمرني دراعك برضو و دي حاجة كويسة)
2- عارفة الكب بتاع البرا بيبقى عامل ازاي على الثدي ؟ انتي هتعملي كده بايدك يعني هتحطي ايدك على الثدي
( الحلمة بتبقى تقريبا في نص الكب بتاع البرا....هتبقى برضو تقريبا في نص كف ايدك) كأن ايدك هي كاب البرا بظبط
و تفرقي صوابعك شوية عشان ايدك تمسك اكبر قدر ممكن من الثدي
3- هتضغطي على الثدي بايدك (كأنك بتزوقيه لجوا) و هتلاقيه اترفع معاكي ....بصي كأنك لابسة برا ضيقة عليكي ,
صدرك هيبقى مضغوط و هيترفع مع البرا
يا رب تكونو فهمتو قصدي
انتي هتضغطي كده بظبط يعني بحيث تبقى حاسة بالضغط ده بس في نفس الوقت ميوصلش لدرجة الالم
4- و انتي ماسكة كويس و ضاغطة هتحركي ايدك حركات دائرية (و انتي ماسكة الثدي) بحيث الثدي
نفسه يبقى بيتحرك برضو حركات دائرية (انتي بتحركي الثدي نفسه يعني الكتلة نفسها مش بتمشي ايدك على الجلد...خلي بالك)
يعني انتي لو مسكتي البرا دلوقتي و مثلا رفعتيها فوق الثدي برضو هيتحرك معاها لفوق و هكذا ...و ده قصدي ...اعتبري ايدك كاب برا
و خلي بالك برضو براحة على نفسك المنطقة دي رهيفة شوية بلاش عنف ههههههه
5- الحركات الدائرية هتبقى لجوا يعني ايدك اليمين هتبقى بمشي عكس عقارب الساعة و ايدك الشمال بتمشي مع عقارب الساعة
بيقولو ان العكس بيعمل العكس يعني لو عملتي الدواير في الاتجاه المعاكس صدرك هيصغر...الله اعلم
اهي صورة للتوضيح و سامحوني لو مش لائقة قوي بس انا شخصيا مفهمتش الا بفيديو و صور
6- هتعملي الحركات دي بسرعة شوية (و ده الجزء المتعب للدراع)
يعني عارفة المدربين بيعدو ازاي؟ .....هوب 1234...ههههه يعني ايدك هتبقى اسرع شوية من عقرب الثواني
بس زي ما اتفقنا من غير عنف يعني المفروض متحسيش بأي وجع اطلاقا
7- هتعملي من 180 ل 360 دايرة (اللي تقدري عليه) و متنسيش بلاش تعمليه اثناء حمل او بريود
بس كده يا ستي
بعض الملحوظات اللي قريتها : (قد تكون صح و قد تكون غلط.....انا جايبة الكلام ده من النت)
================
1- في ناس كتير مش مقتنعين بالموضوع خالص ههههه
2-في بنات قالو ان عشان ايديهم بتيجي على المكان ده كتير و مع الاحتكاك و كده ظهرلهم حبوب او الجلد بقى جاف شوية
في ناس قالو يا اما بيحطو لوشن او كريم او ايا كان للترطيب و يكون برضو حاجة حماية من الحبوب
و في قالو بيعملوه في الشاور او بعده على طول عشان بيكون المكان لسه مترطب و كمان البخار و كده بيساعد
3-هو بيتعمل مرتين في اليوم زي ما اتفقنا و بيقولو بليل (يعني لو عملتيه قبل ما تنامي على طول)
ده بيجيب نتايج احسن عشان تقريبا الهرمونات بتبقى اكتر او حاجة كده وقت النوم
بس المهم مرتين في اليوم يعني
4- و زي ما قلتلك كل جسم مختلف يعني ممكن يجيب نتيجة كويسة سريعة او يجيب نتيجة
بعد كام شهر او ممكن ميعملش تأثير ملحوظ متستعجلوش و متحكموش قبل ما يعدي شهر مثلا ولا حاجة
و اولا و اخيرا الموضوع كله عبارة عن جينات و تركيب جسم و كمية الدهون في الجسم و كده يعني مفيش
حل سحري و ربنا بيدينا الحاجة المناسبة لشكلنا
5- هي صعبة شوية بس حاولي ميبقاش في احتكاك كتير مع الحلمات عشان ناس بيشتككو ان الحلمة بقت حساسة شوية زيادة
6- متحكميش قبل ما يعدي شهر او اكتر كمان يعني متيأسيش ولا تستعجلي
7- ممكن تعملي المساج مع تمارين او اعشاب (انا معرفش حاجة خالص في الاعشاب و بفضل التمارين)
8- في تمارين للثدي بيبقى من نتايجها ان البريود تبقى اعراضها اخف و الدم يقل شوية عشان بيروح للثدي
بس التمرين ده في ناس قالو انها زادت عندهم شوية و في ناس قالو ان البريود فعلا خفت و مدتها قصرت
تجربتي الشخصية:
==========
انا اولا لما بدأت مكنتش اعرف موضوع انه ميتعملش وقت الحمل و البريود ده فأنا كنت خلاص البريود فاضل عليها كام يوم و تيجي
و انا لما بتقرب طبعا المنطقة دي بتكبر شوية انا بقى بدأته بعد ما كبرو شوية بس كانت لسه البريود نفسها مبدأتش (كان لسه افرازات و كده)
المهم عملته مرة بليل و بعدين عملت التمرين و المرة التانية قبل ما انام على طول و بعدين اعمل التمرين و عملتها
و انا قاعدة او واقفة مجربتش موضوع و انا نايمة ده
يومين او تلاتة بظبط يا بنات و بدون مبالغة شفت نتايج الحمد لله اكتر من مرضية الحمد لله رب العالمين
اولا من اول يوم بدأت احس ان صدري اتملى مبقاش فاضي ولا عامل زي العجينة زي الاول ثانيا اتشد الحمد
لله و تقريبا زاد حجمه بس مش متأكدة قوي
و انا وقفت اصلا عشان البريود كنت تعبانة فكسلت و بعدين شفت انه المفروض ميتعملش ايامها فوقفت
و لسه زي ما هما الحمد لله (في واحدة كانت كاتبة انها عملته مدة طويلة بعدين وقفت لمدة 3 شهور قالت
انه قل بسيط بس برضو فضل اكبر مما كان عليه فبل ما تبدأ المساج ده)
بس بجد يا بنات انا فعلا حسيت جدا بالفرق و مبسوطة من النتايج جدااااااااا الحمد لله و ده اللي حمسني
ان اكتب عن الموضوع رغم اني كنت ناوية استنى لما يعدي شهر ولا حاجة هههه
ممكن يكون جاب نتيجة سريعة قوي كده عشان البريود كانت جاية بس انا واثقة انه عمل فرق مش بس البريود
و موضوع تأثيره على البريود انا عمتا زي ما قلتلكو لسه بداه من كام يوم فمقدرش احكم هو اثر على البريود ولا لأ بس
هي الشهر ده تقريبا جت في معادها او متأخرة يوم ولا حاجة (بقالها فترة عندي بتتأخر بال 5 ايام) و بالنسبة للوجع
اعتقد انه زايد شوية بسيط بس هي برضو سعات لما بتتأخر بتيجي مؤلمة جدا و في شهور كانت مؤلمة اكتر من كده بكتير
انا مش هعرف بصراحة احدد هي أثرت ولا ايه :
و برضو الله اعلى و اعلم و انا مش دكتورة ولا متخصصة و ممكن اكون غلط انا بس بوصل حاجة لقيتها
و نفعت معايا و هي عبارة عن تمرين و مساج يعني كله طبيعي جدا الحمد لله فمعتقدش انه ليه اضرار و الله اعلم
انا بس عايزة منكو طلب صغير خااااااااااااااااااااااااااااالص لو مفيهاش رخامة
بس كل مرة تعملي فيها التمرين و المساج تدعيلي دعوة حلوة معاكي بالله عليكي ^_^
و لو مجبش نتيجة اوعي تدعي عليا ! هزعل منك يا ....
انا كتبت كذا مرة انه ممكن ينفع و ممكن لأ
متنسوش التشقييم يا بناااااااااااااااااااااااااات بجد تعبت في الموضوع قوي و اخد مني مدة طويلة كتبلكو
بالتفصيل على قد ما اقدر و كدهون بقى هههه
و لو في بنات هنا ناوية تجربو يا ريت يقولولنا عشان نشوف مع بعض النتايج ايه اخبارها و نفيد بعض
(منقول للافادة)
w]v; thqd , wydv ljvig ? hgpg ikh
2013 - 2014 - 2015 - 2016
w]v; thqd , wydv ljvig ? hgpg ikh 2013 2014 2015
|
09-10-2015, 07:01 AM
شكر
اعجاب
العرض الشجري