"شهداء الجمعة" 24/10/2014 ... قصيدة من تاليفي ... انا لله وانا اليه راجعون ... 2013 2014 2015

10-26-2014, 06:43 PM

لصمتى حكمه

♣ آلِحآلِة » لصمتى حكمه غير متواجد حالياً

♣ آنظمآمڪْ » Oct 2012

♣ عّضوَيًتِـيً » 1719

♣ عّمرٍڪْ »

♣ مشآرٍڪْآتِڪْ » 1,781

♣ نقآطيً » 74

♣ آلِمسّتِوَيً » لصمتى حكمه جديد

♣ الجِنْس »

♣ دِوَلِتِيً »

♣
الإعجاب بالمشاركات

Thanks (أرسل): 0
Thanks (تلقى): 11
Likes (أرسل): 0
Likes (تلقى): 6
Dislikes (أرسل): 0
Dislikes (تلقى): 0

»

"شهداء الجمعة" 24/10/2014 ... قصيدة من تاليفي ... انا لله وانا اليه راجعون ... 2013 2014 2015

- - - - - - - www.dream-cafeh.net - - - - - - -

"شهداء الجمعة" 24/10/2014 ... قصيدة من تاليفي ... انا لله وانا اليه راجعون ... 2013 2014 2015

"شهداء الجمعة" 24/10/2014 ... قصيدة من تاليفي ... انا لله وانا اليه راجعون ...
حصريا على دريم كافيه

2013 - 2014 - 2015 - 2016

__*بسم الله الرحمن الرحيم اكيد كلنا عرفنا باللي حصل لجنود مصر يوم الجمعة اللي فاتت 24/10/2014 واللي هى كانت آخر جمعة في شهر ذي الحجة وآخر جمعة ف...

بسم الله الرحمن الرحيم

اكيد كلنا عرفنا باللي حصل لجنود مصر يوم الجمعة اللي فاتت 24/10/2014 واللي هى كانت آخر جمعة في شهر ذي الحجة وآخر جمعة ف السنة الهجرية (1435) ...
وان شاء الله نحسبهم شهداء عند ربنا ووالله فرحانين ليهم ان شاء الله باذن الله يكونوا منعمين ف الجنة والحمد لله ان اللي بيموت يوم الجمعة ربنا بيحميه من فتنة القبر ...

طبعا من غير ما اتكلم عن اللي حصل عشان اكيد الكل عرف ان اللي حصل كان تفجير ف كمين "القواديس" ف سيناء وبعد التفجير دخلوا الكلاب عليهم بالهاون عشان يكملوا عليهم وفجروا الطريق عشان محدش يقدر يوصللهم وينقذهم ولما عربية الاسعاف جت ضربوا عليها عشان متقدرش تعدي ... وفي تفجير كمان حصل ف العريش ... واستشهد تقريبا 28 او 30 جندي ربنا يرحمهم يارب ربنا يرحمهم كلهم يارب ويجمعنا بيهم ف الفردوس الاعلى ..

الشهيد محمد غزالة ..

شهيد سوهاج ...

الشهيد عادل عيد ...

الشهيد صبري محمد

ولسة في شهداء كتير ان شاء الله هبقى اجيب صورهم ربنا يرحمهم .

فيديو توضيحي للي حصل

https://www.facebook.com/video.php?v=718749358208200

*******************************

يعني ايه ف وقت عصر يفجرولهم الكمين
وبكل غدر يكملوا عليهم وهم ضعفانين
ودخلوا عليهم بالرصاص ع الجنود المجروحين
ويقطعوا الطريق ويمنعوا حد ييجي من المسعفين
يعني ايه ف وقت عصر يسيل دم الجنود
يعني ايه ف لحظة بس يبقوا بين ايد الودود
هو ليه الغدر كان فيهم ليه كان البرود
ازاى يكملوا الجريمة بالرصاص ع الحدود
ازاى هننسى دمهم اللي ماتوا ف شهر عشرة
ازاى هننسى حقهم اللي ماتوا ف يوم جمعة
السنة الهجرية تبدا والقلوب ماليها حسرة
ع الورود اللي راحت واللي بتروح كل فترة
لحد امتى الاحتمال ؟! دا لو حجر كان انفلق
لحد امتى الانتظار ؟! خلاص قلوبنا بتختنق
مستنيين كام شهيد ؟!!! يموت وغيره بيتخلق
عشان يموت عشان بلدنا وننسمع عهود على ورق
يسوى ايه دم الشهيد وحلم الشباب اللي اتسرق
الجماد لو ليه صوت كان من الحسرة نطق
يارب ابدا ما بنعترض كل واحد ليه اجل
عيوننا جفت من الدموع وقلوبنا ماتت من الزعل
جنودنا ليه كبش الفدا جنودنا ليه هم التمن
جنودنا بيضيعوا مننا ومين هيقدر يحتمل
كل يوم بنلاقي دم وحق يضيع وقلوب تتقهر
ذنبه ايه الجندي واقف ع الحدود وقت السحر
شوفوا كام جندي راح وكام قلب ام انكسر
لولا اليقين انه شهيد لولا اليقين انه قدر
طب وآخرة الكلام طب وآخرة العذاب
لينا رب وهييجي يوم كل واحد ياخد الحساب
اللي فيه الغدر عايش بكرا ياخد العقاب
بكرا يندم ويقول ياريت ماكنا للشيطان صحاب
حق كل قطرة دم من شهيد سالت بايده
يومها بس يتمنى لو يقدر للزمان يعيده
يوم القيامة هييجي الشهيد ساحب القاتل بايده
خلي الشيطان بقى يجيله يدافع عنه او يفيده
يعني ايه يكون الكبير فيهم 24 سنة !!!
يعني ايه قلب ام يموت حسرة على الضنا
والشهيد يسيب خطيبته بعد مارسموا المُنى
لو يموت منا آلاف فدا الوطن مش هنتعثر
وعشان مصر لا يمكن عنها بالتضحية نتاخر
الارهاب مهما يعمل عمر الجبال ما بتتاثر
الشهيد مكانه ف الجنة مع الابرار وحور العين
مبروك عليهم الشهادة ومبروك كمان ع المجرمين
اللي هيلاقوه ف الآخرة من عذاب فيه خالدين
يارب صبر كل ام وصبر قلوب المصريين
واجمعنا بيهم ف الفردوس الاعلى مع التابعين ..

************************************************

لو سمحتوا ياجماعة محدش يدخل يقول اى حاجة تتعلق بالسياسة لان احنا فينا اللي مكفينا واى كلمة ممكن تتقال ف حقهم انا معرفش ردة فعلي هتكون ازاى ..

ادعولهم بالرحمة ...
في امان الله ....