2014 2015رِوَاية / اللعُبةْ !
- - - - - - -
www.dream-cafeh.net
- - - - - - -
رِوَاية / اللعُبةْ !
حصريا على دريم كافيه
2013 - 2014 - 2015
السلام عليكم ورحمة الله وبركاته ، عُنوان الروايــة : اللعٌبة ! نوع الرواية : غُموض و تشويق. *قبل سرد أحداث الرواية أود التنبيه لما يلي: ...
السلام عليكم ورحمة الله وبركاته ،
عُنوان الروايــة : اللعٌبة !
نوع الرواية : غُموض و تشويق.
*قبل سرد أحداث الرواية أود التنبيه لما يلي:
-أحداث الرواية عامة غير مرتبطة بدولة أو دين أو مجتمع محدد.
-الرواية بقلمي لذا آمل ذكر المصدر عند النقل.
-لا يوجد وقت محدد لطرح أجزاء الرواية ولكن في الغالب سيتم طرح جزء أو جزئين كحد أقصى في الأسبوع.
-آمل عند قراءة هذه الرواية عدم مقارنتها برواية الدوامة فلكل منهما قصة وأحداث مختلفة.
-
Part-1
عنوان البارت:حكاية ورقة !
قبل شهر مات عم خالد في حادث مروري وبحكم إنه عقيم ولا يوجد على ذمته أي زوجه ورث خالد بيت عمه القديم .. وهذا خالد الآن متوجه بسيارته إلى البيت ومعه زوجته روان وطفليه محمد ومهند ومن خلف السيارة تتبعهم شاحنة كبيرة محملة بأثاث شقتهم السابقة.
-خالد متى نوصل لبيت عمك الله يرحمه؟
-كلها ربع ساعة ونوصل يا روان .. صراحة ماني مصدق إلى الآن بأني صرت أملك بيت!!
-والله إنك صادق .. الحمد لله بنرتاح من هم الشقق والإيجارات.
-سنوات طويلة والفلوس الي أجمعها من الراتب تروح في إيجارات للشقق.
-المضحك يا خالد بأن عمك الله يرحمه ما استفدنا منه إلا بعد موته!!
-صدقتي ياروان .. (تنهد خالد وقال) كان بين عمي وأبوي الله يرحمه مشاكل قديمة وعلشان كذا ما كان بيننا وبينه أي تواصل من 20 سنة .. وفي الأخير مات فجأة وأنا صرت أملك بيت فجأة!!
-طيب غريبة .. معقولة عمك طول هالسنوات ما جمع له مبلغ في البنك أو ما أشترى أي عقارات ثانية!! ما عنده إلا بيت قديم وبس!!
-والله تناقشت مع المحامي في هالموضوع وقال عمك ما يمتلك إلا هذا البيت وبخصوص حسابه في البنك ما فيه إلا مبلغ بسيط جدا .. توقعي بأنه تبرع بفلوسه لإحدى الجهات الخيرية بدون علم أحد.
-عموما الحمد لله البيت بحد ذاته مكسب .. بس طمني يا خالد عساه زين؟
-تبين الصراحة ؟ (سكت خالد شوي) البيت قديم وعمي ما جدد أي شيء فيه .. لكن إن شاء الله مع الوقت نبدأ نصلح فيه على راحتنا.
-بابا بابا متى نوصل بيتنا الجديد؟
-شوي ونوصل يا مهند.
-بابا الحين بيتنا الجديد فيه حوش؟
-إيه يا محمد فيه حوش وحديقة بعد بتلعب فيها أنت ومهند.
-(محمد ومهند بصوت عالي هييييييه عندنا حديقة).
وصل خالد وعائلته إلى البيت الكبير بأبوابه الحديدية الي يكسوها الصدأ ويحيط بجدرانه من الداخل أشجار طويلة .. بدأ العمال بإدخال الأثاث وترتيبه وعيون الجيران تراقبهم وكأنهم زوار من كوكب آخر !!
-آه أخيراً خلصنا من ترتيب الأثاث .. وش رايك في البيت يا روان ؟
-امممم (روان تطالع في غرف البيت وعلى وجهها تعابير الاستغراب) ما أدري وش أقولك يا خالد البيت تصميمه غريب وديكوراته أغرب وغرفه كثيرة صراحة أحسه موحش !!
-هذا انطباع متوقع يا روان بحكم إن البيت جديد عليك لكن مع الوقت راح تتغير نظرتك.
-والله أتمنى هالشيء بسرعة .. إلا وين محمد ومهند ؟
-الثنائي المرح من شافوا الحديقة على طول راحوا لها ومادخلوا معنا بس ما ألومهم من بعد الشقة يجيهم هالحوش الكبير وهالأشجار أكيد بينبسطون وينسون أي شيء ثاني.
فجأة بدأت الأمطار تهطل وطلع خالد وروان يشوفون منظر المطر وهو يبلل الأرض والحديقة وعيالهم يلعبون مبسوطين.
-مهند .. محمد يالله تعالوا داخل البيت لا يجيكم برد من هالأمطار.
-بابا نبي نلعب في المطر شوي !!
-تعالوا أدخلوا ولاحقين على اللعب.
-يا أولاد أسمعوا كلام أبوكم وتعالوا.
-شاطرين يابابا يالله أوريكم غرفتكم الكبيرة علشان تلعبون فيها.
-خالد أنا بروح لغرفتنا أرتب الملابس.
-طيب وأنا بروح مع الأولاد لغرفتهم .. بس بعد ما تخلصين لا تنسين تسوين لي كوفي راسي مرة مصدع.
-(روان تبتسم) طيب نصف ساعة وراح اسوي لك أحلى كوفي.
مر الوقت وجت روان ومعها الكوفي وجلست مع خالد في الصالة يسولفون أما عيالهم يلعبون في غرف البيت.
-تصدق يا خالد .. شايله هم تنظيف هالبيت من الحين !
-لايكون تلمحين تبين شغالة ههههههه.
-والله لو بكيفي جبت بدل الوحدة ثلاث هههههههه.
-لا عندي لك حل أحسن يا روان .. ليش ما أتزوج وأجيب العروس معنا هنا وبكذا يتقسم الشغل بينكم يوم عليك ويوم عليها وش رايك في فكرتي ههههههههه ؟
-(روان بحواجب معقودة) ما قريت الخبر اليوم الي في الجريدة؟
-أي خبر تقصدين؟
-الخبر عن الحرمة الي تزوج عليها رجلها وجته في الليل قطعته تقطيع ووزعت لحمه على قطاوة الشوارع.
-عاد بذمتك ياروان وش هالقطاوة الي بتاكل لحمي !! أنا لحمي ناااشف هههههههههه .. لا تعصبين نمزح معك يالغالية.
-ايه تمززززح .. رجاجيل ما تجي إلا بالعين الحمراء.
فجأة دخل محمد ومهند الصالة وقال محمد بصوت عالي ..
-بابا .. ماما .. معنا فلوس معنا فلوس !!
-(خالد وروان بنظرات حادة لعيالهم وبصوت واحد) وش ذا الي معكم !!
-روان وش ذا الفلوس الي مع عيالك ؟ .. لا يكون مادين يدهم على محفظتي !!!
-مهند محمد من وين جبتوا الفلوس !!
-حصلتها في الغرفة تعالوا شوفوا.
-تعالي روان معهم خلينا نشوف من وين جابوها !!
-هنا بابا لقيتها داخل هذي المزهرية الكبيرة.
-هاه .. خليني أشوف .. يوه وش ذا الي داخلها !!!
-وش لقيت يا خاااااالد ؟؟
-لقيت فلوس .. خليني أعدها اممم الي معي 2000 والي مع عيالك 2000 بعد وبكذا يطلع المجموع 4000 ومخبيه في مزهرية ليش ؟؟؟؟
-والله غريبة يا خالد لا يكون هالفلوس مخبيها عمك هنا ومات قبل يصرفهم ؟
-والله شكلها كذا يا روان وهالفلوس تعتبر ورث لنا ومن حقنا بعد.
-(روان بعيون جاحظه على الفلوس) آه ليتنا لاقين فلوووس أكثر كان صدق تكتمل فرحتنا بيت و فلوووس.
-فلوس أكثر !! روان لازم نقلب البيت فوق تحت يمكن يكون عمي ساحب فلوسه كلها من البنك ومخبيها في البيت.
-هاه مخبيها في البيت !!
-ايه لأن حسابه البنكي فاضي ممكن يكون يسحب فلوسه كاش ويحتفظ فيها بالبيت .. بعض الناس ما يرتاح إلا لما تكون فلوسه قدامه !!
-(روان بصوت عالي وبكل حماس) خالد مشينااااااا نقلب البيت ونفتشه.
جن جنون خالد وروان وقلبوا البيت فوق تحت يبحثون عن الفلوس وللأسف مالقوا أي شيء.
-آه تعبت ياخالد ومالقيت ولا فلس.
-وأنا مثلك .. فتشنا البيت كله ما بقى لنا إلا القبو.
-يوووه ياخالد وش يدخلنا القبو الي مليان تراب وقراشيع !! بعدين ماظنتي بنلقى شيء شكل توقعك غلط.
-روان محنا خسرانين ما بقى إلا القبو ونخلص.
-(روان بوجه عابس) طيب طيب.
نزل جميع أفراد العائلة إلى القبو الي أشبه ما يكون بالمقبرة .. وبعد شوي حصل خالد وروان صندوق حديد صغير عليه غبار.
-وش هالصندوق يا خالد ؟
-والله ما أدري خلينا نفتحه ونشوف.
فتح خالد الصندوق ولقى ….
-وش هالورقة ياروان ؟
-وريني خلني أشوف.
-وش ذا الكلام المكتوب " لن تعطي وهي عارية " !!
-لا وشوفي المربعات المرسومة ؟
- ومكتوب تحت رقم 3 .. خالد لا يكون هذي طلاسم وسحر ؟
-لا وين سحر يا روان .. لاحظي على أحد المربعات علامة إكس كأنها تدل على مكان معين!!
-وش تدل عليه ؟
-(خالد بصوت عالي) أكيد تدل على مكان الفلووووس ؟
يا ترى وش سر هالورقة ؟ وهل توقع خالد صحيح ؟
الجواب في البارت القادم ...
2013 - 2014 - 2015
2014 2015vA,Qhdm L hgguEfmX !
|
06-11-2014, 01:24 PM
شكر
اعجاب
العرض العادي
