خليك فاكر ..... 2013 2014 2015
- - - - - - -
www.dream-cafeh.net
- - - - - - -
خليك فاكر .....
حصريا على دريم كافيه
2013 - 2014 - 2015 - 2016
*خليك فاكر : ـ ـ أول مرة سمعت إسمها وإبتسمت رغم إنه كان قبلها إسم عادي . ـ كسوفها في أول يوم تتقابلوا وتسلم عليك . ـ أول عيد ميلاد ليها وهي معاك لما جبت لها هدية مصحف . ـ يوم ما قعدت في الصالون وقرأت الفاتحة وسامعها بره بتقول " آمين " . ـ كلمة " مبروك " اللى قولتها وماسمعتش منها رد عشان كانت...
خليك فاكر .....
خليك فاكر : ـ
ـ أول مرة سمعت إسمها وإبتسمت رغم إنه كان قبلها إسم عادي .
ـ كسوفها في أول يوم تتقابلوا وتسلم عليك .
ـ أول عيد ميلاد ليها وهي معاك لما جبت لها هدية مصحف .
ـ يوم ما قعدت في الصالون وقرأت الفاتحة وسامعها بره بتقول " آمين " .
ـ كلمة " مبروك " اللى قولتها وماسمعتش منها رد عشان كانت مكسوفة .
ـ الدبلة اللى لبستهالك وهي إيدها " متلجة " من الفرحة .
* إفتكر : ـ
ـ أول خناقة حصلت بينكوا بسبب بنت قريبتك مسهوكة ومفعوصة .
ـ وإزاي صالحتها بــ شوكلاه من اللى بتحبها.
ـ بعدها بكام شهر لما خرجت معاها والكعب إتكسر وفضلت تتريق عليها طول الطريق ماسكتش إلا لما قالت لك ...
بكرة بنتك تطلع أوزعة زيي ولا هتقدر تتكلم ساعتها " ههه بس " .
ـ وشها اللى جاب ألوان لما رديت عليها :
" إسمها بنتنا حرف النون يدخل في كلامك بدل ما أعورك " .
ـ لما كان عندها برد وفضلت تتصل بيها كل شوية عشان تاخد الدوا .
ـ وخبطت علي بيتهم في نص الليل عشان تطمن من علي الباب وتمشي .
* إفتكر : ـ
ـ يوم فرحكوا دموعها وإبتسامتها وقت ما قعدت جنبك في الكوشة .
ـ الشربات اللى كنت هتوقعه والفستان يبوظ بس ربنا ستر .
ـ أغنية " قلبك ماعدش ملكك " وهي بتبص في عينك .
ـ إبتسامتك اللي فضلت مرسومة وإنتوا بترقصوا عشان تزود في كسوفها .
* إفتكر : ـ
ـ أول صلاة في بيتكوا وإنت إمام وهي بتصلي وراك وسجادتها إتملت دموع .
ـ أول خروجة سوا وإنتوا متجوزين لما دخلتوا سينما وصممت تتفرج علي فيلم رعب عشان تتلكك وتعمل نفسها خايفة وتطمن بيك .
ـ الفشار وغزل البنات والبطاطا اللى صممت تخليك تشتريهم .
* إفتكر : ـ
ـ لما إتأخرتم برة أول مرة وقالت لك :
" ياللا بقي لحسن بابا يزعق إحنا اتأخرنا يالهوي "
ضحكتك وردك عليها " بصي فـ إيدك الشمال هيه فيها دبلة إنتي مراتي يا هبلة "
* إفتكر : ـ
ـ أول رمضان يعدي عليكوا والأكل اللى إتحرق .
ـ العيدية اللى صممت تخليك تكتب عليها كلام ماحدش يشوفه غيرها وبس .
وقفلت عليه في درج المكتب عشان ولادكوا يتفرجوا عليه لما يشرفوا .
ـ مولد النبي والعروسة اللى دخلت بيها من الباب لقيتها بتجري عليك زي الطفلة .
* إفتكر : ـ
ـ لما رجعت لقيت هدوم بيبي وفساتين لونها بمبي ولكلوك وكوتشي بينور .
وقولتلها : " ده بجد ؟ " ماردتش عليك بس دموعها آه بجد هتبقي بابا .
ـ مشاوير الدكتور كل شوية اللى عمرك مازهقت منها .
ـ الخناقة اللى عملتوها لمدة 5 شهور علي أسامي البنات .
ـ المفاجأة اللى حصلت ليك وليها " أصلا هي حامل فـ ولد "
* إفتكر : ـ
ـ واء واء " اللى سمعتها فـ المستشفي وخروج الممرضة عشان تقولك : مبروك البيبي زي العسل ربنا يباركلكوا فيه "
ـ أول ماشوفته وهو قد كده خفت تيجي جنبه لحسن يتكسر !
ـ صوت عياطه اللي ماكانش بيخليك تنام وكنت هتترفد من الشغل بسببه .
* إفتكر : ـ
ـ كل حاجة حصلت ليكوا سواء من أول كلمة بحبك لحد صوت طفل صغير اتكتب إسمك وإسمها علي شهادة ميلاده .
ـ مرورا بالغيرة والخناق والنجاح والتعب و ... و ... و ... و
* ما تنساش : ـ
" أصل الحب إيه غير شوية تفاصيل فوق بعض "
المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: رومنسيات زوجية - رومنسية المتزوجين
ogd; th;v >>>>>
2013 - 2014 - 2015 - 2016
ogd; th;v >>>>> 2013 2014 2015
|
03-01-2014, 10:39 AM
شكر
اعجاب
العرض العادي
