تعقيب للمره الاولى محتاره في اتخاذ القرار 2013 2014 2015
- - - - - - -
www.dream-cafeh.net
- - - - - - -
تعقيب للمره الاولى محتاره في اتخاذ القرار
حصريا على دريم كافيه
2013 - 2014 - 2015 - 2016
السلام عليكم هذا رابط موضوعي الاول http://forum.z4ar.com/f116/t477700.html احب اشكركم جميعا على الوقفة معي بمشكلتي حتى اللي عارضوا بشكرهم مو سهل انك تاخذ وقت الاخرين ويفكر بجديه لحل مشكلتك فلكم مني التقدير والاحترام حابه اوضح بعض النقاط لاني ركزت كثير على طليقي والسبب التعب الداخلي...
السلام عليكم
هذا رابط موضوعي الاول
http://forum.z4ar.com/f116/t477700.html
احب اشكركم جميعا على الوقفة معي بمشكلتي حتى اللي عارضوا بشكرهم
مو سهل انك تاخذ وقت الاخرين ويفكر بجديه لحل مشكلتك فلكم مني التقدير والاحترام
حابه اوضح بعض النقاط لاني ركزت كثير على طليقي والسبب التعب الداخلي اللي حملته سنوات رغم تجاوزي المشكللة بفضل الله
بخصوص اللي يقول ممكن رغبة الخاطب بالزواج وظيفتي
اولا وظيفتي قيادية بمنصب قيادي كبير وراتب ممتاز ولله الحمد والخاطب نائب رئيس مجلس الادارة بشركة والده وعنده ماستر هندسة مشاريع
هم من الطبقة الثرية ونحن نعد اغنياء ولكن اقل منهم ( يعني فكرة يطمع براتبي او وظيفتي مستحيل )
لانه اعطى خبر اخوي اذا حابه تستمر بوظيفتها حقها الشرعي وراتبها لها وبعطيها مصروف كامل
اذا حابه تقعد بالبيت فهو مملكتها وعلى راسي
العمر عارف عمري لان ابوي خبر ابوه بكل شيء وعارفين اني مطلقة حضروا زواجي
ابوه وابوي مثل الاخوان يعني العلاقة قوية بس من ناحية الرجال
اخوي قابله زمان حسب ماخبرني ايام زواجي السابق قال الرجال هادي وشخصيته قيادية طلعاته محصورة بعيلته واصحاب محدودين وحياته لشغله واسرته ودراسته
الحمد لله ماعندي خوف من عمري واثقة الحمد لله حتى يوم الشوفه قال ماشاء الله ربي يحفظك
مهتمه بنفسي وشكلي اصغر ومرحه
انا عندي مشكلة يمكن ماوضحتها هي الحياة السابقة مدري ليش تاعبتني
مع ان الله منعم علي وعوضني بأمور كثيرة ولله الحمد واكرمني بتجاوزها
حتى اي موقف يصير اتذكره وتجيني غصه كيف تعذبت معاه
خايفه تبقى معاي المشكلة حتى لو تزوجت ومااحب اظلم احد لاني جربت الظلم
والله بس اسمع اسمه او اشوف احد بالشارع يشبهه تصيبني ضيقة وغمه حتى يومي يتكهرب مااعرف طبيعي ولا انا مزودتها واهلي ترى ماحسوا بهلاحساس لاني عايشة مرتاحه بفضل من الله
وقيام الليل ماتركته ولاصدقة ولااستغفار ادعي ان هالغصه تموت من قلبي لانها معورتني
الحمد لله الحياة ماتوقف على احد وهالشي مؤمنه فيه وقدرت اكمل حياتي بالعكس حياتي بعده صارت اجمل
بالنسبة لأمه والله مقدرتها وانا تخيلت موقفها وحطيت نفسي مكانها وعندها حق ولا زعلانه منها ابد
انا اشوف امي بتدور لاخواني بنات ماسبق لهن الزواج ولاازعل هذا النصيب وقدري الحمد لله والله يوفق الجميع وانا كلمت ابوي قلت له خليه يختار احد من اخواتي مابزعل انا اخذت نصيبي
قال انا رشحت الكل اختارك بالاسم وقال انا مو صغير ياعمي عشان مااعرف مين اختار
وموضوع طلاق وغيره مايهمني كلنا نواجه مواقف مكتوبة علينا فما نعاقب انفسنا على امور مكتوبة من رب العالمين
وعندي لو تسمح اقابلها بوجودك ولابسه العبايه ومتغطية لانها ماتجوز لي وتقول لي طلباتها
وان كان العمر تراها بالنسبة لي مجرد ارقام ماتزيد ولاتنقص  سبحان الله تذكرت كلام الاخ ss اللي قالها لي )
وابوي لو رافض ماكان قال لي ونعم الاختيار كان عارض وان شاء الله اكون الشخص المناسب اللي اسعدها وتسعدني
ابوي عطاني كلام بقوله لكم مجملا :
يابنتي انا لو مااعرف ابوه وماعرف هالولد واخوانه ماكان قبلت اصلا يدخل بيتي
هالعايله مليون من يتمناهم ابوهم مربي عياله مثل ماربيت اخوانك
فروض بالمساجد ولا لنا بالدخان والشيشه والمعاصي حدودهم مثل اخوانك بالكوره وهوايات مع اصحاب انا اعرفهم ويجون البيت اشوفهم قدامي
سفراتهم للدراسة وتطوير انفسهم
ولو ماطلبك بالاسم كان خبرت اخواتك اللي اصغر منك
وانا اشوف انك الانسب منهن راجح عقلك وتتناسبي معاه حتى وظيفته كرجل اعمال يعني بتتفهمي طبيعة عمله مو مثل اخواتك صغيرات بالعمر
اللي يحلمون برجال يقابلوهم صبح ومسا متأثرين بالغرب
واللي ملك عليها تراها صغيرة بالعمر تدرس بالجامعه و ابوه يشتكي لي منها يوم كنتي متزوجة عشان لاتفكري انهم الحين يرقعوا على نفسهم
البنت صغيرة وتبي الرجال مقابلها صبح وليل والرجال عنده شركة ابوه وعصامي وهو اكبر اخوانه شايل المسؤلية
حاول معها يفهمها الحياة وانه يقدرها لكن شغله اخذ وقته ماتقبلت ووصفته انه شيبه ويجري ورى الفلوس وصارت تطلبه كل شوي فلوس اشتري لي ألماس وحط لي مصروف 3 الاف دام ربي معطيك خلني ألاقي شي استفيد منك
هنا كلم ابوه وقال له الحياة معها صعبه
انا ماجبرت بنت الناس توافق علي هذه حياتي
وانا وافقت عليها عشانها اختيار امي وقبلت عشان رضاها ولا انا مو مقتنع نهائيا فيها
استخيري ربك يابنتي وفكري وخلي الامور تمشي بتدبير الله والمكتوب بيجيك لو رافضته
ولاراح اجبرك واقول الحقي على عمرك والله اني بحطك في عيوني ووجودك بيننا دنيا حلوة عشان لاتفكري اني بضغط عليك
بس اعطيك اللي انا اشوفه
اذا موافقة يجي البيت وتقابلينه وانتي متغطية بالعبايه موافق خلي يتكلم ادرسيه من خلال كلامه وفكري زين
هذا كلام الوالد ... بالنسبة للي قال الاهم شكله اكبر وطوله اطول منك
طوله 179 وانا طولي 166 وشكله اكبر
مشورتكم اخواني واخواتي .... محتاجة لارائكم السديدة
يسر لكم اموركم وحقق لكم امنياتكم وبشركم من سابع سما بما تنتظرونه من رب العباد والله اني بدعيلكم من قلبي ولاراح انساكم سواء ردكم سلبي او ايجابي
وشكرا على وقتكم الثمين
lpjhvi td hjoh` hgrvhv
2013 - 2014 - 2015 - 2016
jurdf gglvi hgh,gn lpjhvi td hjoh` hgrvhv 2013 2014 2015
|
03-10-2018, 01:43 AM
شكر
اعجاب
العرض العادي
