خلينا نتفق ان عملية التكويد خطوه مهمه جدا فى تنظيم كل مايتعلق بالنظام المالى للشركه . وان التكويد مابيقتصرش على الاصناف بس أو على تكويد الحسابات بس.ولكن ممكن أكود الموظفين اللى فى الشركه وخصوصا لو كنت بشتغل على برنامج ادارة الموارد البشريه. وممكن أكود العملاء والموردين بتوعى, وممكن كمان أكود انواع القيود بتاعتى .
التكويد مهم جدا فى اى شركه ايا كان نشاطها زى ماهنشوف فى مقالنا النهادره اللى بيتكلم عن التكويد بشكل عام وتكويد الاصناف بالتحديد وكمان تطبيقه فى برنامج مخازن أكفليكس احد أقوى برنامج حسابات ومخازن فى مصر.
و سواء كنت بتشغل دفترى او على برنامج حسابات ومخازن خلينا نتفق انك عشان تبنى نظام مخزنى على أسس سليمه فأول خطوه لازم تفكر بيها بعد انشاء المخازن بتاعتك وتكويدها هى انشاء دليل شجرى للاصناف بيشتمل على تكويدالاصناف بشكل منتظم.
وعشان اهمية دليل الاصناف وتكويد الاصناف فى اى برنامجمخازن او فى دفاترك كمرحله هامه من مراحل انشاء نظام مخزنى متكامل خصصنا سلسة مقالات بتتكلم عن انك ازاى تنشأ دليل أصناف مخازن لشركتك بنتكلم فيها بالتفصيل عن دليل الاصناف وانشاء نظام مخزنى متكامل.
ودا الشكل العام لدليل الاصناف وتفرعاته كما يظهر فى برنامج حسابات ومخازن ضمن منظومة أكفليكس : برنامج حسابات ومخازن
نييجى للمهم
يعنى ايه تكويدالاصناف ؟ وهل تكويدالاصناف هايختلف لوكنت بشتغل على برنامجمخازن ؟ ولو كنت بشتغل على برنامج حسابات ومخازن ايه افضل طريقه اكود بيها الاصناف بتاعتى؟
تكويد الاصناف يعنى ترميزها , بمعنى انى ادى لكل صنف فى المخزن رقم معين ولازم الكود او الرمز اوالرقم الخاص بالصنف ده يكون مميز للصنف ده , بعنى ماينفعش تدى كود واحد لاكتر من صنف .
طرق تكويدالاصناف بتختلف من نشاط لاخر وحسب رؤية الاداره الماليه وتصورها للشكل العام , وفى اى برنامج حسابات ومخازن التكويد بيتم اوتماتيك , ولكن البرامج عموما بتختلف فى نسبة المرونه اللى بيوفرهالك برنامجمخازنالاصناف اللى بتستخدمه فى انه يكون ادامك اكتر من طريقه وشكل فى تكويدالاصناف الخاصه بك.
لو كنت بتشتغل فى برنامج حسابات ومخازن فافضل طريقه ممكن تستخدمها فى تكويدالاصناف بتاعتك هى انك تكودها وفقا للمخزن اللى بيتواجد فيه الصنف ووفقا للمجموعه اللى بينتمى ليها الصنف . يعنى على سبيل المثال لو قولنا انا عندنا صنف كوده 001201 دا ممكن يعنى ان الصنف ده موجود فى المخزن اللى رقمه 001 ( مخزن الخامات مثلا) وتابع لمجموعة الاصناف اللى رقما 2 فى المخزن ده ودا طبعا اول صنف فى المجموعه دى ورقمه (01) .
اذا وفقا للطريقه دى لازم يكون عندى مخازن وادى لكل مخزن رقم مميز, وكمان لازم اقسم الاصناف المتجانسه على مجموعات واكود كل مجموعة أصناف برقم مميز وثالثا أكود الاصناف بتاعتى وفقا للمجموعه الرئيسيه والفرعيه ووفقا للمخزن اللى موجوده فيه بالتريب .
_ أول ميزه فى تكويدالاصناف هى انى لو بشتغل على برنامج مخازن مش هاقدر أعمل اى حركه مخزنيه على البرنامج (حركة بيع , شراء , جرد , تسويه , هدر ....) الا لو كان الصنف ده موجود فعليا على النظام ودا لان اى برنامجمخازن بيتعرف على الصنف على انه كود او رمز اكتر مابيتعرف عليه على انه اسم.. ودا لان اسم الصنف ممكن يتغير او يتكرر انما الكود ماينفعش يتغير او يتكرر طبعا. ومن هنا لازم نعرف ان لو مافيش كود للصنف مش هايكون فى حركه على السيستم من أساسه.
_ الميزه التانيه وهى انى لوماكنتش بشتغل على برنامج مخازن وشغلى كله دفترى او على الاكسيل فعملية تكويدالاصناف هاتكون مهمه بالنسبالى لان دليل وتكويد الاصناف هايكون بمثابة استرشاد للمحاسب فى توجيهاته المحاسبيه و اصدار فواتيره واستخراج تقاريره وخوصا لو كنت بتشتغل فى اصناف كتير جدا .يعنى لو انت بتبيع شاشات وارد تصدر الفاتوره لشاشه من نوع معين باسم . وتصدر فاتوره تانيه لنفس الشاشه باسم تانى وتصدر فاتوره تالته لنفس الشاشه باسم اخر ومن هنا هايحصل تضارب فى المسميات والتوجيهات المحاسبيه وكمان زى انك تشترى الصنف باسم معين وتبيعه باسم تانى ودا هايسبب مشاكل فى المراجعه بعد كدا .بخلاف انه لوعندك دليل اصناف بيتضمن على تكويدالاصناف بشكل منظم هاضمن توحيد التوجيهات المحاسبيه وعدم التضارب حتى لوغيرت اسم الصنف أكتر من مره . لانى بتعامل على كود مش على اسم
_ الميزه التالته فى تكويدالاصناف انه هايكون مهم لو كان ليا تعاملات ضريبيه لانه زى ما اتفقنا عدم توحيد مسميات الاصناف فى المعاملات زى البيع والشرا هايدى انطباع سيئ عن التنظيم فى الشركه وفى التوجيهات وبكدا ممكن يسبب اضرار كبيره للشركه فيما يتعلق بالتعاملات الضريبيه اما لو عندك نظام تكويد اصناف معين دا هايضمنلك التوحيد فى المسمي والتوجيه.
زى ماتفقنا ان من المفترض انه فى اى برنامج حسابات ومخازن يكون فى نوع من انواع تكويدالاصناف بيتم اوتماتيك ودا بيكون الكود الاساسى للصنف بتاعى ولكن لو البرنامج بتاعك برنامجمخازن كويس هايديك المرونه الكافيه فى انك تكود الصنف بتاعك باكتر من طريقه ودى من اكثر الطرق شيوعا فى تكويدالاصناف واللى بيدعمها بشكل أساسى برنامجمخازن أكفليكس:
_ التكويد وفقا للمخزن والمجموعه الرئيسيه والمجموعه الفرعيه.
_ التكويد وفقا للمورد اللى بيبعلى السلعه .
_ التكويد وفقا لطبيعة الصنف (خامات , منتج تام ....)
_ التكويد وفقا للبد المنشأ للصنف.
_ التكويد وفقا لاوزان الصنف.
_ التكويد وفقا للالوان والمقاسات.
_ التكويد وفقا لمكان الصنف فى المخزن.
_ التكويد وفقا لوحدات الصنف .
مزايا برنامجمخازن أكفليكس فى تكويد الاصناف:
_ دليل أصناف مرن يتضمن تكوين شجرى للاصناف بدون حد ادنى للتفرعات.
_ المرونه فى تكويدالاصناف باكثر من كود.وباكثر من طريقه حسب رؤية الاداره الماليه.
_ تعريف الاصناف بأكثر من خاصيه مثل اللون والوزن والمقاس فى برنامج حسابات ومخازن أكفليكس .
_ وجود أكثرمن طريقة فى تسعير المنصرف من المخزون على مستوى الصنف مثل الوارد أولا يصرف أولا والمتوسط المرجح.
_ امكانية ربط الصنف الواحد بأكثر من وحده مثل الجرام والكيلو والطن..
_ امكانية التحكم فى التوجيهات المحاسبيه المتعلقه بحركات الاصناف على مستوى الصنف الواحد او المجموعه او المخزن ككل.
_ امكانية ربط حسابات التكلفه والايراد المتعلقه بالاصناف بمركز تكلفه على مستوى الصنف الواحد أو على مستوى المخزن ككل.
_ امكانية التحكم فى التوجيه المحاسبى لايرادات وتكاليف الاصناف المباعه مع إصدار كل فاتوره.
_ انشاء الاصناف الخدميه دون وجود كميات فعليه فى المخزن.
تقدر تجرب نسخه تجريبيه من برنامجمخازن أكفليكس وتتأكد من امكانياته بنفسك ,مرفق مع النسخ فديو شرح للبرنامج ودليل خطوات تفصيلى.
وبكدا نكون شرحنا تكويدالاصناف باللتفصيل واهميته لو كنت شغال دفترى او على برنامجمخازن مع التطبيق على برنامج حسابات ومخازن أكفليكس
03-28-2018, 02:49 PM
طرق تكويد الاصناف على برنامج مخازن
شكر
اعجاب
العرض العادي
