اعيش بدون روح 💔 2013 2014 2015
- - - - - - -
www.dream-cafeh.net
- - - - - - -
اعيش بدون روح 💔
حصريا على دريم كافيه
2013 - 2014 - 2015 - 2016
السلام عليكم مشكلتي غريبه شوي لاني انسانه غريبه شوي لا مو شوي كثييررر انا تزوجت واحد من قبل لا اوافق عليه وهو مقوم الدنيا علشان ياخذني ومن ذا الكلام المهم وافقت عليه وقت الملكه ما حبيته ابد ما حبيت حركاته ممكن تفهموني غلط بس احسها حركات بنات ودلع يزعل على كل شي ماعنده غير كلام حب يقولي ليه...
السلام عليكم
مشكلتي غريبه شوي لاني انسانه غريبه شوي لا مو شوي كثييررر
انا تزوجت واحد من قبل لا اوافق عليه وهو مقوم الدنيا علشان ياخذني ومن ذا الكلام
المهم وافقت عليه
وقت الملكه ما حبيته ابد ما حبيت حركاته
ممكن تفهموني غلط بس احسها حركات بنات ودلع يزعل على كل شي ماعنده غير كلام حب يقولي ليه ماتقولين لي كلام حلو وتدلعيني ياخي وش ذي الحركات ياخي انا ما احبك ولا قدرت حتى اتقبلك يعني اكذب انا ؟ ما اعرف اكذب ولا اعرف اقول كلام مو مقتنعه فيه
وبعد الزواج تطورت الحاله كنت اتمنى اني احمل من اول شهر علشان اتعذر بالوحام واسحب عليه ومانعيش زي اي عرسان وهذا الهدف الاساسي
لكن في نفس الوقت مابي عيال منه مابي شي يربطني فيه احيانا افكر لو جبت ولد
ممكن ماقدر احبه مقدر اتقبله لان ذا ابوه
صرت اعامله كأنه جدار اذا تكلم اهز راسي بس وذا هاوشني ما ارد عليه بولا شي اخليه ياكل في نفسه لين ينفجر مقدر انفذ كلامه ما اعطيه وجه ولا رائي في اي شي
احسه يستفزني اي شي منه يجيب لي المرض مقدر اتحمله
كل شي في حياتي صار ماله معنى معد صرت استانس باي شي صار يسوي
الاشياء اللي كانت بيوم من الايام من احلامي بس الحين صارت كابوس معاه
معد صرت افرح ب اي شي معد لي نفس حتى بالاكل صار نومممي كثير احسن وقت. في يومي لاني ما اقابله
فيه قالي بنسافر اختاري الدوله حسيت قلبي انقبض قالي طيب امشي نطلع ماقدر ياخي خلني اعيش مع اكتئابي في غرفتي ما ابغى انشر طاقه سلبيه للعالم
مدري وش قاعد يصير فيني بس اللي اعرفه اني مو مبسوطه ولا قادره احس بالسعاده من اي شي
المهم ان امي داريه عن الوضع وما خلت كلمه ماقالتها لي ماخلت تهزئ وهي عارفه ان لاحياه لمن تنادي اخر شي قالت اذا استمريتي كذا راح يروح لغيرك وراح يعوض الحنان من غيرك ! ادري يا امي وشي طبيعي اصلا ومن حقه مو معقول بيضيع شبابه مع مزهريه
بقولكم تفكيري بيني وبين نفسي لان ماقدرت اقوله لامي اخاف تاكلني
انا اشوف انو عادي ياخذ وحده بالسر تعوضه اللي ناقصه وتفكني منه بس بشرط بالسر واقعد انا الاساس في نظر الجميع ما يهمني هو
ادري ان الشرع محلل اربع ومدري ايش بس انا احس انه شي جارح ان يحط وحده على راسي والكل عارف بس دامه بالسر ماعندي مشكله
مقدر اتضايق واحس انه بيروح مني قاعده اقول احسن وتجي منه
قاعده احاول اطفشه قد مقدر مو بيدي والله شي غصبن عني ابغا الغلط يكون منه علشان يكون عندي عذر اذا احد سألني
--
زبده الموضوع ادري كلكم بتنفجرون علي
وادري بتقولون انه مسكين مو ذنبه بس بعد مو ذنبي شي غصبن عني
احس انه فرض نفسه في حياتي غصب قعد يزن يزن على راس اهلي لين وافقو غصب
انا جيت اليوم اشتكي لان مو راضيه عن نفسي مو راضيه عن حياتي
ابغى اتغير من جد ودي اتغير قد مقدر مو علشان زوجي بس علشان حرام اللي قاعده اسويه فيه
huda f],k v,p 💔
2013 - 2014 - 2015 - 2016
huda f],k v,p 💔 2013 2014 2015
|
07-02-2017, 12:42 PM
شكر
اعجاب
العرض الشجري