بيني وبين الجنون شعره 2013 2014 2015
- - - - - - -
www.dream-cafeh.net
- - - - - - -
بيني وبين الجنون شعره
حصريا على دريم كافيه
2013 - 2014 - 2015 - 2016
السلام عليكم انا متزوجة من 12 سنه وعندي بنت ولدين زوجي الله يهديه اكبر واحد بين اخوانه ابوه متوفي الله يرحمه و عصبي كثير وحل اي مشكله عنده بالضرب حاولت أحل مشكله الضرب كلمت اهلي واهله مافي نتيجة يرجع يضرب تعبت وصبرت عشان العيال ومع الأيام صار يفتعل المشاكل على أي شيء يصارخ ويعصب ومع...
السلام عليكم
انا متزوجة من 12 سنه وعندي بنت ولدين زوجي الله يهديه اكبر واحد بين اخوانه ابوه متوفي الله يرحمه و عصبي كثير وحل اي مشكله عنده بالضرب حاولت أحل مشكله الضرب كلمت اهلي واهله مافي نتيجة يرجع يضرب
تعبت وصبرت عشان العيال ومع الأيام صار يفتعل المشاكل على أي شيء يصارخ ويعصب ومع الأيام اكتشفت انه يكلم بنات ولما حاولت اتفاهم معه في موضوع قلب السالفه عليي
وانا افتش جواله وضربني وقال البنات اللي اكلمهم احسن منك بمليون مره وارتاح معاهم وانتي ماتسوي شي منهم
وانتي تتكلمي علي عند أهلك وعند اهلي وتطلعي أسرار البيت ( يقصد لما اشتكيت وقلت انه يضربني )
وانتي تطلبي مني وتطلبي وطلبات ماتخلص ( طلباتي فقط اغراض البيت الضرورية شامبو وأكل وشرب... ما اطلب طلعات ولا فلوس ولا سفر )
يقارن بيني وبين البنات اللي يعرفهم في كل مشكله تحصل بينا
وهالمره ماقدرت اسكت ورديت عليه أن البنات اللي تعرفهم اكيد احسن مني ( يمكن غلطت لما رديت بس من قهري ومن كثر مايقارني فيهم ولأني عرفت مو بس مكالمات ورسايل
يطلع معهم وبعضهم متزوجات الله يستر )
هم فاضين لك وإلى غيرك
انت تبي جسمهم وهم يبون كلام الحب والفلوس
انت عطيتهم الثقه في النفس وأنها أجمل نساء العالم وعطتني العكس
واكيد تعرف تتصرف معك احسن مني لانها قبل ماتعرفك كانت تعرف الف واحد قبلك عندها خبره في الرجال
واذا راحتك مع البنات اللي تعرفهم ليش مخليني على ذمتك روح تزوج وحده منهم
هني قام وضربني وقال اني اسخره عليه واني ابغى اصير زيهم
وهو يضربني وانا أقوله انت خربت سمعتي عيالي وانت تكلم البنات وترسل لهم صورك ( اي بنت يكلمها عشان تثق فيه لازم يرسل لها صورة بطاقة الأحوال وصور شخصيه له )
وبعد ماضربني أخذ جوالي عشان مااتصل في اهلي وبعد ماراح آثار الضرب رجع جوالي وكل مره يضربني ياخذ جوالي عشان مااكلم اهلي عشان يجوا للي
ولما يضربني واطلب منه يطلقني لكنه يضربني أكثر ويشك فيي ويقول انتي باكيد تعرفي رجال وبتزوجي مسيار عشان
لا أخذ العيال منش اذا تزوجتي
كلامي يمكن مخلبط شوي بس من التعب والضرب
صرت أكلم نفسي من كثر المشاكل واتخيل اني أكلم اي شخص من اهلي ( امي اختي ... ) واحكي له عن مشاكلي وهمومي واسولف
ابغى حل إلى مشاكلي الزوجيه وابغى انفصل من زوجي
واعيش مع عيالي
البنت تعقدت وأصبحت تخاف من أبوها وتبغى تهرب من البيت اذا شافت أبوها يصارخ عليي أو يضربني والأولاد واحد يصارخ ويصيح والكبير يمسك يده ابوه عشان لا يضربني
البنت عمرها سبع سنوات والولد الكبير عمره عشر سنوات والصغير أربع سنوات
علموني لو تطلقت ماهي حقوقي وحقوق عيالي
ولو طلبت خلع هل حضانة العيال تصير إلى ابوهم
ولو طلبت خلع هل اقدر أطلب حضانة العيال و توفير نفقه و مسكن لهم
ولدي الصغير من ذوي الاحتياجات الخاصة وبطاقة التأهيل الشامل عند ابوه لو صارت الحضانه عندي كيف اقدر اخاذ البطاقه من عند ابوه
أدعو الله أن يعطيني الصبر
أتمنى من الإدارة تنزل موضوعي بسرع
fdkd ,fdk hg[k,k auvi
2013 - 2014 - 2015 - 2016
fdkd ,fdk hg[k,k auvi 2013 2014 2015
|
05-29-2016, 11:07 AM
شكر
اعجاب
العرض الشجري