امي و أحفادها و البيبي الجديد 2013 2014 2015
 

امي و أحفادها و البيبي الجديد
حصريا على دريم كافيه

2013 - 2014 - 2015 - 2016



السلام عليكم، قبل كل شيء بعطيكم نبذة عن علاقة امي بأحفادها، امي هي الجدة اللي مدلعة أحفادها ع الاخر، دلال زائد لدرجة الأطفال يتطاولون على والدينهم و شادين ظهرهم بأمي. و لكم ان تتخيلوا انها العصر تعطيهم بالعشرات للبقاله، مو ريالات، و هم أعمارهم 3-7 و الباقي من الفلوس؟ ولا قد رجع.. انا ما اقول...
السلام عليكم،

قبل كل شيء بعطيكم نبذة عن علاقة امي بأحفادها، امي هي الجدة اللي مدلعة أحفادها ع الاخر، دلال زائد لدرجة الأطفال يتطاولون على والدينهم و شادين ظهرهم بأمي.
و لكم ان تتخيلوا انها العصر تعطيهم بالعشرات للبقاله، مو ريالات، و هم أعمارهم 3-7 و الباقي من الفلوس؟ ولا قد رجع.. انا ما اقول كذا من بخل يعلم الله ، لكن هذا امر مو منطقي و خرب الاطفال لين ال50 ما تعني لهم شي، غير ان احنا ناس عايشين على تقاعد 3 آلاف و يحصل نتدين اخر الشهر فالحرص واجب في حالتنا.
صرت أتنازل حته عن أمور طبيعية تخصني فالبيت علشان خاطرها اللي علشان عيال اخواني
و اكون صريحة احيان يطفح الكيل و حقيقي و اقلب عصبية و تكرهني هي.
ان حكيت، أصير بنظرها العمة الشريرة اللي تكره عيال اخوانها.
طبعا اخواني و زوجاتهم عاجبهم الوضع دامهم قادرين يتخلصون من عيالهم اكثر وقت ممكن (ينومون عندنا بالأسابيع).

طيب الحين زوجة اخوي ( طبيبة) ولدت قريب و ماهي عارفه وين تودي البيبي وقت الدوام و ما يثقون فالحضانات و العيون كلها علي بحكم اني ما اشتغل.
و اللي راح يصير انها بتكلمني تخليه عندي و راح ارفض لاني ماني حابة واني ما اعرف اعتني ب بيبي صغير. لكن راح تجي امي و تقول خلاص اني اعتني فيه!(قد صار موقف مشابه) مع انها عارفة انها بحكم صحتها و سنها ما تقدر، باختصار راح تحطني امام الامر الواقع. و القى طفل يصيح عندي الصبح و امي مو عارفة تسوي رضعته او بتنام او او او...
و ابتلش اني!

يعلم الله وش كثر احب امي لكن هالتصرفات فوق طاقتي و الله! و مهما احاول اتصبر عشانها لازم يجي وقت و اهدم كل صبري. خصوصا مع اطفال عنيدين و كل واحد لسانه أطول منه.
و اني حتى نفسيا مو مرتاحة و الله ، اذا زعلت احد فيهم ما انوم الليل لكن وش اسوي يطلعوني من طوري.
حتى واحد فيهم شخصيته عدوانية و جلست اقرأ في موضوعه حتى اتعامل معاه و احسن اليه لان والدينه مو داري عنه ، لكن للأسف فشلت و صرت احاول ما تتصادم معاه و هذا اكثر واحد احزن على حاله.
باختصار طاقتي نفذت،!!! و خلاص وقفت تحاول اصحح مفاهيم احد. الحياة قصيرة. و اني اعطيتهم منها كثير.
المهم و وشلون ما اخلي امي تزعل مني لو رفضت اعتني بالبيبي؟ و كيف أتصرف لو اخذته هي و انا ما اريد؟.
وهل اني مخطئة بطريقة تفكيري؟






2013 - 2014 - 2015 - 2016