مشكلتي اني مو عارفه شنو ابي 2013 2014 2015
- - - - - - -
www.dream-cafeh.net
- - - - - - -
مشكلتي اني مو عارفه شنو ابي
حصريا على دريم كافيه
2013 - 2014 - 2015 - 2016
السلام عليكم والرحمه معلمة ثلاثينيه متزوجه وعندي بيت واولاد قمة التفوق والتربيه والادب وعيله الف حمد وشكر لك يارب هذا الي يشوفوني فيه الناس لكن الوجه الاخر اه من الوجه الاخر مريضه وعندي كسل وما اخذ ادويتي وعصبيه عكس مايعتقد الناس اني حلوة المعشر وبشوشة قايمة بواجبي تجاه زوجي لكن في مشاكل...
السلام عليكم والرحمه
معلمة ثلاثينيه متزوجه وعندي بيت واولاد قمة التفوق والتربيه والادب وعيله الف حمد وشكر لك يارب
هذا الي يشوفوني فيه الناس لكن الوجه الاخر اه من الوجه الاخر
مريضه وعندي كسل وما اخذ ادويتي وعصبيه عكس مايعتقد الناس اني حلوة المعشر وبشوشة
قايمة بواجبي تجاه زوجي لكن في مشاكل كبيره بينا وضغوطات وكلام قاسي اثر على نفسيتي خلاني عدوانيه بالبيت اسب والعن وقدام زوجي ما كأني سويت شي ضجرانه ولا عارفه شنو ابي بالظبط الحياه عندي ممله وكئيبه واحيانا ابي رضى زوجي بس واحيانا اطالعه واقول بقلبي ليتك تموت وارتاح منك
داخلي افكارسلبيه جدا ودايما شريط الماضي والذكريات المؤلمة ينعاد بذاكرتي وفجأه اصير عصبيه بدون مبرر مره رحت لأمي وعلى شي تافه عصبت عليها وزفيتها بكل وقاحه ليما وجهها تورم من كلامي السم وبعدها ندمت وتأسفت لها ومانمت الليل انا ابرها وارضيها وهي تحبني لحنيتي عليها بس مادري ركبني بليس ومانمت طول الليل ابي متى الصبح يطلع ادق عليها تلفون اتطمن على نفسيتها وفعلا جاوبتني قالت انا بخير ونمت ولاتحاتيني وسامحتك وتكلمنا بمواضيع عامه وسكرت الخط بعدها كانت طبيعية لحضات الا ويغمى عليها وتطيح على وجهها وينزل دمها نقلوها المستشفى وكلموني واخواني وخواتي معاها بس ماحد يدري بسواتي فيها المهم كشفوا عليها وكل شي وجات البيت وجهها متورم ومزرق وانا نفسيتي زفت استقبلها ولميتها وبست راسها وظليت جنبها وجبت العشا والحلا على سلامتها وقلت لزوجي بنام معاها مابرد البيت امي تحتاجني جنبها وماقصر
وامي راضي عني بس انا اتألم من نفسي الشينه اتألم من الشيطان الي بداخلي تعبت ولا ادري هل انا مصابه بمرض نفسي والا وسواس والا ضغوطات والا شفيني بالظبط والا هي نقص الهرمون والكالسيوم مهبل بي لأني فعلا تعبانه جسديا بس ما اخذ الدواء قولوا عني الي بتقولوه بس انا شفيني ابي اعرف ليش حاسه بتعاسه
la;gjd hkd l, uhvti ak, hfd
2013 - 2014 - 2015 - 2016
la;gjd hkd l, uhvti ak, hfd 2013 2014 2015
|
08-02-2014, 09:37 AM
شكر
اعجاب
العرض العادي
