خيانة كذب استغلال واستغفال 2013 2014 2015
- - - - - - -
www.dream-cafeh.net
- - - - - - -
خيانة كذب استغلال واستغفال
حصريا على دريم كافيه
2013 - 2014 - 2015 - 2016
دخلت منتدى مشكلتي كالعاده افرفر واقرا بالمواضيع والمشاكل لفتت انتباهي مشكلة مستني وابكتني بقووه مشكلة الزوج اللي يشتكي من زوجته وانه مادخل عليها 9 شهور او مثل مايقول (ايلاج) مادري من وين ابدا مشكلتي بس انا متزوجه من 6 سنوات ماحصل بيني وبين زوجي "ايلاج" لحد الآن انما جماع بدون ايلاج (الا...
دخلت منتدى مشكلتي كالعاده افرفر واقرا بالمواضيع والمشاكل
لفتت انتباهي مشكلة مستني وابكتني بقووه
مشكلة الزوج اللي يشتكي من زوجته وانه مادخل عليها 9 شهور او مثل مايقول (ايلاج)
مادري من وين ابدا مشكلتي بس انا متزوجه من 6 سنوات ماحصل بيني وبين زوجي "ايلاج" لحد الآن انما جماع بدون ايلاج (الا فقط عند فض الغشاء)
مشكلتي يسمونها "التشنج المهبلي" اكتشفت المشكلة بعد 3شهور من زواجي وفرحت انه هذي مشكله موجوده ولها حل ورحت ابشر زوجي ان هذي مشكلة موجوده ومعروفه وحلها بسيط بعمل شوية تمارين وتنحل المشكلة
قالي ياويلك تقربين من هالمنطقة ولا تلمسينها
صراحة استغربت منه يعني المفروض يفرح موب يزعل بس انا سكت وقلت طيب
اللي صار اني صرت ابحث واسال الين وجدت حلول وطبيبة تعالج المشكلة بمنطقتي
طبعا انا اللي دايم افتح معه الموضوع ودايم اذكره ان هذا الموضوع مايصلح نسكت عليه وهو يتهرب ويرفض اعالج المشكلة وكان رده دائماً انا مبسوط ومرتاح ويزعل بعد لما اكلمه بذا الموضوع ودايم يقولي لاعمرك تفتحينه ولا مره فتح معي هالموضوع
حتى اني شكيت ان معه ضعف او عجز ولا شلون يرضى يسكت ويصبر
حتى مره قلت له نحل الموضوع او نتطلق انت مانت مجبور تعيش هالوضع ضحك ضحكة استهزاء وقال انا مو تفكيري بهالامور
وهذا حالنا الين اليوم لكن اللي زعلني اني اكتشفت انه يخونني بتقولون تستاهلين وقليل فيك الخيانة لانك انتي السبب
بس وربي مو زعلانة انه يخونني قد ماني زعلانه على سكوته وهروبه من الموضوع وكذبه بخصوص انه مبسوط ومستانس وراضي واني مكفيته عن حريم العالم كلهم
حاز في خاطري انه يستغل وضعي ويطلع على ظهري بدل مايوقف معي ويصلحه
هذا غير حقي الشرعي اللي حرمني منه (6 سنوات متزوجه احس اني ماجربت الجنس) ايه المشكلة فيني بس مشكلتي بسيطه ولها حل وانا مستعده ل حلها وكثير بنات تواجههم المشكلة
وربي اكتب لكم وانا اصيح من الحرقه اللي في بقلبي
لما اقرا ردة فعل زوج بخصوص هالموضوع اقعد ابكي لانه يكون صادق وحب يستمتع بزوجته وبحلاله
وابكي اكثر لما اقرا ردود الاعضاء كيف متحمل كيف صابر
ياكثر مافرفرت المنتديات وقريت عن هالمشكله وعن ردود فعل الازواج اللي يقول بطلق واللي يقول بعرس واللي يقول بروح للحرام
ياكثر ماهوجست وفكرت وضاق صدري عليه وياكثر ماظنيت انه صابر ومتحمل طلعت انا اللي صابره!
انا عمري 26 وصاحبة المشكلة عمرها 17
ف المشكلة مالها دخل بالعمر
انا من حقي اعيش بشكل طبيعي زي اي وحده متزوجه وهالمشكلة مأثرة على نفسيتي كثير ومأثره على ثقتي بنفسي.. لما افتح معه هالموضوع دايما افتحه عشانه ماعمري كلمته عشاني انا... وبرضو هو مايبغا اعالج المشكلة بالحلول المعروفه يبغى هو يدخل من غير علاج مادري وش تفكيره! المشكلة اصلا نفسية اكثر من انها عضوية لانه خوف
اما هو ف دايم يردد ما اشبعتك ما ارضيتك!
ومن جهة ثانيه هالمشكلة مأثره على الانتصاب عنده صاير الانتصاب عنده ضعيف بس استحي اقوله هذا الشي اخاف ياثر على نفسيته
اخيرا هالمشكلة كتمتها في صدري وما فاتحت فيها احد يعني ما احد يدري لا امي ولا اختي ولا ابي احد يدري (اصلا تخيلوا يعرفون بعد هالسنين)
احس هالمشكله تزيد معي كل ماتقدمت في العمر مع العلم اني رحت لدكتوره من فتره طويله وقالت لي انه الحمدالله ماعندك مشاكل هذا شوية خوف مو اكثر وما كملت معها لان كان تكاليف العلاج عندها غالية
طبعا بتقولون انه زوجك رافض العلاج كيف رحتي؟ رحت بعد ما حنيت عليه ووافق يوديني.. ولا يقولي ترا انا وديتك عشانك لانك انتي شايله هم وقلقانه ولا انا ماهمني!!!
ومع انه يعاملني احسن معاملة بس بديت اخاف منه
ملاحظه: كثيرين يظنون (ومن ضمنهم الدكاتره) ان هذي المشكلة دلع وتمنع بس الحقيقة ان هذا لا هو دلع ولا هو تمنع هذي مجموعة افكار في العقل الباطن من كثر ماتسمع عن العلاقة قبل الزواج او تكون تعرضت للتحرش ف عند العلاقة تخاف وتشد وبالتالي الزوج يستحيل عليه الايلاج
هذا غير اللي يظن ان المشكلة بتنحل مع الولادة لكن للاسف حملت وولدت وما انحلت المشكلة و على كلام الدكتوره انه جتها حاله عندها 3 اطفال وما انحلت مشكلتها الا لما عالجتها يعني الحمل والولادة مالهم علاقة بعلاج التشنج
انا نفسيتي تعبانه جدا بس اني اعيش الخيانة والكذب والاستغلال والاستغفال صعب جدا
ارشدوني!
odhkm ;`f hsjyghg ,hsjythg
2013 - 2014 - 2015 - 2016
odhkm ;`f hsjyghg ,hsjythg 2013 2014 2015
|
06-03-2014, 05:41 PM
شكر
اعجاب
العرض الشجري