هل اطلب الطلاق ام ماذا افعل ؟ هذا ماعانيته بكل قسوه 2013 2014 2015
- - - - - - -
www.dream-cafeh.net
- - - - - - -
هل اطلب الطلاق ام ماذا افعل ؟ هذا ماعانيته بكل قسوه
حصريا على دريم كافيه
2013 - 2014 - 2015 - 2016
السلام عليكم اتمنى ان الجميع بخير في بادئ الموضوع ،، اتمنى منكم مساعدتي والله يعلم بضيق خاطري واني تعبت من كثر ما اتحمل شي فوق طاقتي ،، مشكلتي هي .. اني في بداية زواجي كانت ام زوجي مجهزه شقتي ومستقله عنهم تماما وهذا الشرط الي كان فيخاطري ان يكون لي شي مستقل اخذ راحتي فيه بعد الزواج .....
هل اطلب الطلاق ام ماذا افعل ؟ هذا ماعانيته بكل قسوه
السلام عليكم
اتمنى ان الجميع بخير في بادئ الموضوع ،،
اتمنى منكم مساعدتي والله يعلم بضيق خاطري واني تعبت من كثر ما اتحمل شي فوق طاقتي ،،
مشكلتي هي ..
اني في بداية زواجي كانت ام زوجي مجهزه شقتي ومستقله عنهم تماما
وهذا الشرط الي كان فيخاطري ان يكون لي شي مستقل اخذ راحتي فيه
بعد الزواج ..
اكتشفت ان المطبخ يشاركوني فيه واذا كان لام زوجي اغراض زايده عن حاجتها
اختارت صالة غرفتي مخزن لهم او المطبخ
وان الباب الي بيني وبينهم مفتوح وحتى ان مفتاح الباب عندهم ومايرضون يعطونه لي
الين صارت الصاله مخزن رسمي لاغراض اهله
بعدها تطور الامر ..
صارت الصاله ممر لخواته وحتى ان حماي الصغير وابوه يجلسون احيانا امام غرفتي
وانا بصراحه صرت انحرج كثيررررر
لان ( الحمام ) وانتو بكرامه صاير في الصاله وهذا الشي يضايقني واغار على نفسي
كثرت مجالس اهله بشقتي صارو رايحيين رادين وغير تخزين امه لاشياء مالها اي داعي بصالتي
كنت اتصايق كثيرررر
واخبر زوجي ان هالشي غلط وكان عذره ان اهله ماعندهم مكان ومستحيل يمنع اهله من دخول الشقه
وتحملت وسكت ..
ومشيت الامور وما كبرتها مع اني ضغطت على نفسي كثيرررر
وتحملت مضايقات خواته لي وكلامهم الجارح
يعني اذا طبخت طبيعي راح يطلع رائحه للاكل ، يقومون يصفقون بالبيبان ويعصبون منزعجين
واخته الكبيره تفتح الطناجر وتشوف شنو طابخه وتفتش بالفرن
يعني مافي خصوصيه ابدددد
بحملي الاول بنتي بدأ يضربني ويمد ايده و.gif "Dream Cafeh Small (52)") وه وكلام جارح
لاني بديت اتعب من هالتطفل واهماله الشديد بالمصرف وانه مايعطيني ابد
كل شي من امي هي الي تصرف علي وعلى بنتي
ومتحمله وكنت ابرر ان ظروفه ماتسمح
مع انه مقتدر وعنده راتب محترم وابوه مسوي له استقطاع من راتبه زياده له
ويقدر يفتح بيت ويصرف علي وعلى بنته
تكرر ضربه لي اكثر من مره
لدرجه والله اني مره ضربني قمت اصرخ مثل المجنونه مقهوره ومنكسره انه ليه يضربني
وانا والله مقابله هالطوفه وهالتلفزيون وملانه وطفشانه ماعندي شي اسويه وهو كله برا وعند خواته كل يومه
واذا جيت اقعد معاهم يتعمد يضحكهم علي ويقط كلام مثل السم ويحرجني كانه متثاقل قعدتي معاهم
وغير اذا هم قالو شي عني يموت من الضحك كانه يشجعهم
قمت انسحب واقعد في غرفتي واسكت الين ربي جاب لي هالبنت استانس معاها
كل وقتي معاها صدق حبي كله صار لها وحياتي هي
صار الضغط النفسي اخف علي لان صار مافي شي شاغلني كثر بنتي
صرت اجمع مصروفي الي تعطيني اياه امي واشتري لها فيه العاب وملابس وكل شي
وكنت اترجاه يطلعني اوديها تشوف الناس او تروح تلعب او حديقه بس ابيها تشوف الدنيا
ماتنعزل بين هالجدران
ويوافق بطلعة الروح وعشرتي معاه 3 سنين اقولكم ان والله ان طلعاتي معاه يمكن 4 مرات
وكلها نكد ومغصوب
كل هذا انا ساكته ومتحمله
الين ما اخته الي اصغر مني ب7 سنين مدت يدها علي بغرفتي
تهجمت علي لاني ماساعدت اختها الكبيره بالمطبخ هاليومين
كان لسانها مثل السم واسلوب جدا منحط
توجهت لزوجي ينصفني ويدافع عني .. لكن وقف ضدي وبنظره خواته مايغلطون ابد
رحت لبيت ابوي وخذيت موقف اني ابي بيت مستقل لي بروحي رفضضض
تنازلت وقلت طيب شقتي تكون لي ومقفله وبعد رفضضض
بعد فتره تحايل علي بالكلام ورجعني بكم كلمه ورضيت
وقلت اصبرررر
لكن اخته قامت تتمادى كل مره تدخل غرفتي وترفع صوتها وتسب وحتى بغيابي قامت تدخل تعدل له ملابسه وتزين له الغرفه
وتغير له الفراش والشراشف وتبخر بكيفها وماتحسسه اني غايبه ابددد
مع انها والله ما تسوي شي بالبيت ولا لها علاقه بشغل البيت وكله نايمه ولا بالجامعه
بالله عليكم هذي وش اسوي معاها ؟
وعند زوجي ابد ماتغلططط واكيد انا الكذابه وانا الشريره
ويضربني مره ومرتين وثلاث مع اني والله مظلوووووومه وساكته وقهري حاطته بقلبي
كنت ازعل عند اهلي كل ماضربني الين ابوي طفش قال ماترجعين بعد هذا مو كفو وقام يتمادى يحسب ان مالك ظهر
وحلف ان اذا شافه ليكسر له اييد او رجل .. عشان يتعلم انك بنت ناس
ابوي كان دايما يصبرني ويسكتني لكن هو حيل تمادى
اخر شي زوجي راح العمره وقبل لا يروح بيوم اخته هذي دخلت غرفتي وكسرت المرايه وبعض عطوري وغلطت علي
وانا سكت لها لانها مجنونه كنت خايفه تمد يدها وانا حامل بالشهر السادس
وهنا خلاص ماعاد اتحمل طلبت منه يتدخل .. استغربت انه كان واقف معي بس وعدني بعد مايرجع من العمره
راح يتفاهم مع اخته !
الصدمه انه يومين من رجع من العمره ..
مسكني وضربني ضرب غير كل مره وانا حامل
انقهررررت وانكسرررت
هذا حقي الي بياخذه ؟ كان يتمشى بالبيت كانه يبشر خواته اني ادبتها كنت منصدمه
صوته عالي ، حتى حرمة ابوه الي غرفتها جنب صالتي عرفت وراحت قالت لعمي ( ابوه ) ،
اهان كرامتي بطريقه حيل قاسيه
ابوي عرف اتصل على ابوه وقال تجيبون بنتي الحين
خذوني وانكسر فيني شي عمره مايتصلح طبعا هو من ثاني يوم يرسل ويدق ويتأسف ويترجاني ارضا وانا ما ارد عليه
وكنت مجروحه وللحين مجروحه منه
مر على زعلي شهرين وقرب موعد ولادتي وهو للحين يدق ويجي عند بيتنا يبي يشوفني ويضل بالساعات
وانا ما ارد عليه ،
تعبت نفسيتي حيل
بعدها ارسل رساله طويله فيها كلام كثيررررر بس كلام انسان مكسور ووحيد
ويحب بس ضايع او مادري يمكن انسان مضطرب نفسيا مايعرف وش يبي
كنت اقول بنفسي واضحك انه ظلمني وخايف من حوبتي وذنبي ،
جو اهله وحاولو يصلحون وابوي شرط بيت لحالي من ضمن شروط كثيره حشمة لابوه
تخيلوا وافقوا بس هو زوجي رافض ويقول لي احلمي تلوين ذراعي وانتي بيت اهلك
ورفض شروطي ويتشرط انه هو يحط الي يبييه ويتحايل علي ان شقه ماله داعي
وطبعا بكلام معسول وحلو ويبين انه يحبني ووحيد ومريض وان ظروفه ماتسمح وانا ادري ان ظروفه احسن كثير
المشكله ماخذ الموضوع بعناد يعني يقول ترجعين اسوي لك الي انا ابيه مو انتي
انا انهرت وتعبت ونفسيتي طاحت بالارض اختفيت عنه فتره يعني كذا تجي اسابيع
قبل لا اختفي عنه ارسلت له كل الي بقلبي وكنت منقهره حيل وبينت له مدى ظلمه لي
امس قلت بشوف يمكن اخيرا وافق على شروطي لقيت منه رسايل ومكالمات فايته
ويترجاني اني اكلمه وانه من جد يحبني ويبيني
وفي جمله لفتت انتباهي كاتبها ( انا منهار ومتعذب بس اكابر )
انا شخصيتي مو ضعيفه بس حاشمه عمي الكبير وبيته وحاشمه شيبة ابوي ومحترمه نفسي
عشان كذا كنت اتجاهل واكبر مخي لاني عارفه مستوا تربية خواته
عادي عندهم يسحبوني لشارع ويسسون لي فضيحه لو ارد عليهم بكلمه وحده
وكنت اتجاهلهم عشان زوجي ومع الاسف موقفه دوم سلبي وضعيف قدام اهله
الحين عندي بنتين ..
وفيني جرح وحاسه اني كارهته لانه ظلمني
وانا ضايعه
مدري الطلاق حل ولا وش اسوي ؟
وانا اسفه اني اطلت عليكم بس ابي ابين لكم المشكله من جانبي وجانبه
وهل لي حق او لا
جزاكم الجنه ،
المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: منتدى مشكلتي - مشكلتي
ig h'gf hg'ghr hl lh`h htug ? i`h lhuhkdji f;g rs,i
2013 - 2014 - 2015 - 2016
ig h'gf hg'ghr hl lh`h htug ? i`h lhuhkdji f;g rs,i 2013 2014 2015
|
05-29-2014, 10:01 PM
شكر
اعجاب
العرض الشجري