بعد لقائي على
العربية اليوم تفاجأت من ردود الفعل لكبيره اللي كان في منها إيجابي ومنها سلبي في ناس احترمت احترامي لنفسي ولعروبتي وثوابتي وناس فسرتها غرور بس اللي لفت نظري اكثر انه في ناس معتبره
شاروخان اله مقدس ومش متقبلين فكرة انه حد يشبهه لهيك مضطر أوضح هالنقاط
١- فهمت قبل اللقاء انه
شاروخان رح يشوفني لأول مره أو يعرف عني فكان الحديث كله بنصب حول الشبه اللي يمكن يكون مش موجود اصلا بس الناس بجيها تهيأت
كان عندي خيارين
الاول هو أني اتزلف واكذب وأحكي أني من جمهوره ومتابع كل افلامه ونفسي اشوفه مثل ما اي حد من اللي وصفوني بالغرور رح يعمل ويستغل للفرصه
الخيار الثاني أني أكون صريح وااكد على احترامي لنجاحه ومحبة الناس اله لكن انا فعلا مش من جمهوره ولا من متابعين الافلام الهنديه ومش مجتاجه اصلا وإذا احتجت فاحتياجي بكون لرب العباد اللي يرزقني وبرزقه
هاي اسمها صراحه مش غرور
٢- والاهم هو انه في فرق بين انه حد يشبه حد وهذا شي من ربنا واكيد اله حكمه فيه وبين انه يكون شخص شبيه لنجم عايش حياته على هالشبه وهذا الجزء المرفوض بالنسبه الي لانه انا على الاقل مصور
ناجح بعملي ووصلت للي وصلتله بالتصوير بدون اي عوامل ثانيه فما تضيعوا تعبي وتنسبوه لشبهي بشاروخان
٣-اذا كوني مش منزلق
وانا عارف انه
شاروخان بحضر اللقاء رح أُوصِّف بالغرور فأنا اكثر إنسان
مغرور بالعالم
مغرور بجنسيتي
مغرور بشكلي اللي ربنا أعطاني اياه مش
شاروخان ولا اللي يعتبروا انه مابصير اردني يشبهه
مغرور بكل القيم والثوابت اللي تربيت عليها واللي يخليني عند الجد اصرف ( طز ) كبيره لكل حد افترض أني كاردني الي حد مش لازم أتجاوزه وشايف أني لازم أكون مهمش أو منزلف لأي حد مين ماكان
٤- لما حكيت بحب الشبه وقادني كثير وبكرة كلمة شبيه هي مش غرور هي فعليا محتاجه حد بعرف قيمة نفسه يفهمها بس اللي تعود يكون إمعه مستحيل يستوعبها
٥-الصور اللي فيها تشابه في البوزات ماخوذة من اعمال الهدف فيها لفت النظر وهذا اشي طبيعي
ليش طبيعي ؟ لانه لو اي حد من اللي انتقدوا في شبه بينه وبين زكية زكريا رح يحاول يستفيد من الموضوع
انا استفدت من الموضوع بدون ما ااذي حد وكنت واضح وهذا مش غرور ولا استغلال
٥- كوني عربي أو اردني أو فلسطيني هذا لايحرمني الحق باني اعتد بنفسي بس العصفور
اللي بنولد داخل القفص بشوف الطيران جريمه لهيك اللي متعودعلى دونية قيمته بشوف الاعتداد والثقه بالنفس غرور وجريمه
03-19-2018, 10:59 AM
تعليق اكرم العيسوي بعد صباح العربية : شاروخان نجم ناجح وانا مش مغرور 2013 2014 2015
شكر
اعجاب
العرض العادي
