هي مو ســـآلفــه معـــآنــآهـ تعرفون محمد عبدهـ يوم غنــآء ياليــل خبرني على امــرالمعــآنــآهـ <~
هذي كلامـــآتي حتا اسألوهـ <<~
بلاصواريخ يا مهاوؤي شوي علينـــا
في البداية يوم كنت نوووطفة ظنيت إني من كريات الدم البيضاء
ماعرفت إني من بني البشر إلا لما قالت( الدكتوره )بمساعده دختورلفي
لأمي مبرووكـ ياست إنتي حامل
عاد أمي من الفرحة حطت يدها على بطنها في المكان اللي أنا موجود فيهـ عرفت إني المقصود وفهمت إني مشروع بني آدمي . .
بيني وبينكم ضاق صدري .. قلت وش لي بوجع الراس أطلع لعالم ثاني وأصير إنسانه وفي حساب وعقاب وأدرس يالبييييييييييييه.
همست لـ عقلي قال إحمدي ربك بتطلعي وبيصير عندك إيميل وماسنجر صحيح أنه يطفش بس ماعليه وتشترك في منتديات هع,,
فرحت أنا قلت أجل بطلع اللحين قال بدري باقي تسع شهور (تحطيـــــــــــــــــــــم)ـ .,
ولما صار لي خمس شهور كنت حاسه إني انثي بس قلت يمكن أكون ولــــد لحــــــــــــــــــــــــــــوووول
جلست أقطع من الشعيرات الدمويه وأقول غلام فتاه.. صبي صبيه.. بزر بزرهـ ورع ورعــه
وأنا أفكر سمعت صوت أبوي يكلم أمي حاولت أركز ايش يقولها قربت إذني طلع أبوي يتغزل في أمي
(تم تشفـــــــــــيره .....) كنت بتصل عليهم وأقول لهم أنا أسمعكم بس لم تسنح لي الفرصه
بصراحه إستحيت من كلام أمي وأبوي قلت أنام أحسن لي عيب أتصنت عليهم بعدين تصير بنتي تتصنت على في المستقبل
جلست أمص اصبع رجلي لين نمت وبعد فتره سمعت صوت قوووي يتجه ناحيتي قمت بطولي
إلا ويرتطم راسي ببطن أمي آآآآخ بس قوة الصوت نستني الوجع الله لايوريكم كأنه شلااال مدحدر علياا أحاول أهرب
منا ولا منا هنا ولا هناك مافيه مجال ربي ستر ومر من جنبي وماتأذيت طلعت أمي اللي يهديها
شربت مويـــــــــــااا بكميه كبيره على غير العاده بس تونست و جلست العب بالمويا برجووولي كنت بسبح بس ماعندي مااايــــوه قهر..
لما جاء الشهر السابع راحت أمي ومعاها أبوي للدكتوره تطمئن أمي على صحتها
طبعا نامت أمي على السرير وابوي واقف جنبها ( بيحسسها بالأمان ) قلت حشااا ليه هو انتي حامل بوحش !!
الدكتوره حطت جهاز على بطن أمي وبدأت تحرك يمين يسار فوق تحت وهــــم يشوفوني على الشاشه
عاد أنا قمت أتدلع واحـــرك رجلي وأفتح عيوني وأغمضها بنعومـــــه .,
وأمي وأبويا يتبادلون نظرات الحب والرومانسيه ويبتسموااا ويوم شالت الجهاز وإنقطعت عن الرؤيه
وأنا أقول فكه كأن عمرهم ماشافوا بزره حلـــوه
عاد سألت أمي الدختوره متى موعد الولادةسكتت الدختوره وتكلم تختـــورلفي ياشين القافه قال باقي شهرين سمعت الخبر
ويجيني إنهيار عصبي شهرين يامفتري خلاص أنا طفشت أنكتمت الجووو حار مافيه الا مكيف صحرواي حتى مايبرد
قلت مايصبرنا غير النوم ونمت شهرين (نومة أهل الكهف)
صحيت من النوم وحسيت بملل وفراغ قاتل حاولت أرفه عن نفسي ورحت ألعب لعبة الحبل بإستخدام الحبل السري خجل
وأجلس أنطط وأغني شبره أمره شمس نجوم كواكب هواء واحد اثنين ثلاثه هيييييييييييييييه ...
وفجأه من قوة ماأنطط تزحلقت وأنقلبت و يصير راسي تحت ورجولي فوق قامت أمي تصـــــــــــررخ
أخذها أبوي على طووول لأقرب مستشفى قال الطبيب هذي ولاااااااااااااااااااااااااده لما سمعت الخبر وأنا أفرح مابغينا نطلع
وبديت أكشخ وارتب حالي أستعد للقاء الأول مع اصدقائي بالحضانه:
وأمي كل شوي تتعالى صرخاتها حطوها على السرير متوجهين لغرفة الولاااااده وأبوي يمشي جنبها
ويقولها لاتخافي أنا معاكي ترد أمي أخاف أموت وانا اولد , أبوي رد عليها والدموع تنهمر من عينيه ياجعل يومي قبل يومك
<===<< متأثـــر بالأفلام ويحي وتميس ومهند ولمبه
وأنا أقول ماوصلنا لغرفة الولاده إنكتمنا ياهوه هوّوووووووونا .,
طبعاً نقلوا أمي لسرير الموجود بالغرفه وجات الدختوره ومعاه النيرســـات من علمك نيرسات ؟؟.,
المهـــــــــــــم .........
شالتني النيرس على يدها وتلفني بذاك الأبيض
ياسلاااااااام وأخيرا انتهت معاااناتي
وسلامتكم
اتمنى منكم انكم ماتتأثرون من معاناتي اهـــم شي الحمدلله على سلامتـــــين