انهاء الزواج!؟ او الاستمرار به 2013 2014 2015
- - - - - - -
www.dream-cafeh.net
- - - - - - -
انهاء الزواج!؟ او الاستمرار به
حصريا على دريم كافيه
2013 - 2014 - 2015 - 2016
صباح الخير حبيت اطرح مشكلتي وان شاء الله احصل عندكم المساعدة انا ولله الحمد تملكت وماشاء الله رزقني الله بالبنت اللي اتمناها من جميع المقومات واللي كل ماذكرت انها من نصيبي افرح والله واحمد الله ولله الحمد طبعا بعد الملكة صرت ازور البنت ونجلس مع بعض كثير ونتكلم كثير واشياء كثير متوافقين...
صباح الخير
حبيت اطرح مشكلتي وان شاء الله احصل عندكم المساعدة
انا ولله الحمد تملكت وماشاء الله رزقني الله بالبنت اللي اتمناها من جميع المقومات واللي كل ماذكرت انها من نصيبي افرح والله واحمد الله ولله الحمد
طبعا بعد الملكة صرت ازور البنت ونجلس مع بعض كثير ونتكلم كثير واشياء كثير متوافقين فيها وكمان صرنا نتكلم بمواضيع تخص حياتنا وكيف نتعامل مع بعض
لحد من قبل كم يوم كنت امزح مع البنت بالجوال وقلت لها بدال ما ندور شقة ليه ماناخذ لنا بيت تضامن ( طبعا هي موظفة ) وانا والله كان قصدي مزح حتى
اني حطيت فيس اللي يضحك وقلب مكسور وهذا الشي من جد انا ماخذه ضحك لاني تعبت وانا ادور شقة واهي عارفه عشان كذا قلت الموضوع باستهبال
طبعا الحديث هاذا كان عن طريق الواتس اب مادريت الى البنت كانها انفجرت وقالت انا ما اشوف من التزاماتي اني اصرف شي على البيت وبما معنى كلامها
واللي فهمته من كلامها المطول انك انت مسؤؤل عن كل حاجه وانها تبيني اعيشها زي ماكانت ببيت ااهلها من ناحيه المصاريف ( اهلها يدفعون كل شي عنها حتى واهي موظفة من الف الى ياء وفوق كذا تاخذ منهم فلوس واهي موظفة ) طبعا انا بلحظة انفجرت ورحت اتكلم واقول لها انا عارف مصاريف البيت علي وانا ماعمري قلت او لمحت لها انها تدفع شي للبيت
او اني باخذ من راتبها بالعكس هو راتبها واهي حره فيه وانا رجال ربي فرض علي هالحق اني اتكفل فيها وانا ماتقدمت الا وانا قد هالشي طبعا قلت لها هالكلام وزدت عليه انا ماني مكلف اني ادفع راتب سواق او سيارة مشاوير خاصه لدوامك واتوقع هنا معاي الحق لان الوظيفة لها مو لي وانا اتكفل بنقلها بنفسي اذا قدرت او كان ماعندي التزام . طبعا البنت زعلت وانا زعلت من اسلوبها وجلسنا يومين مانكلم بعض لحد ماجاء امس وتكلمنا وفهمتها انا ملزوم بحقها الشرعي وسالفه اني اتكفل بكل شي واهي ماتتكفل باقل حاجه هذي اوفر شوي وقلت لها العلاقة الزوجيه حب ومشاركة ومساعده اذا احتاج الطرف الثاني مو علاقه بنك وعميل بس جانب مادي !! طبعا الحين والله مابقى شي على زواجي وانا شايل هم هل اكمل مع هالبنت والا كل واحد في طريقة والله يسهل لي ولها ........... طبعا انا ما احب اتكلم عن المواضيع المادية ولا قد لمحت لها لكن هي الله يهديها بدت وعرفت من كلامها انها مدلعه وماتحرك راتبها ابد كل شي تاخذه من اهلها واهي موظفة ؟
اقلها اول ماتملكنا بعدها بكم يوم انقطع تلفونها عشان عليها فاتورة وقلت لها وانا امزح معاها عطيني اسدد فاتورتك والله ماتوقعت انها راح ترسلي فاتورتها وتبيني اسددها والمبلغ كله على بعضه مايجي 300 ريال وراتبها فوق 8000 يعني انا ماهمني المبلغ ولا فكرت فيه بس استغربت لها الدرجة اتكاليه وسددت المبلغ وانا اضحك وقلت يارجال احسن النية لكن بعد كلامها من يومين والله صرت اخاف منها ؟
انا رجال ولله الحمد ماتقدمت الا وانا قد الشي ورجال احب الشخص المتعاون وليس الاتكالي يعني لو صعبت علي الظروف لاسمح الله احصل بنت الحلال اللي توقف معاي دام هي عندها استطاعه مو تقولي دبر عمرك .. وانا مخطط اوفر شي من راتبي عشان ابني مشروع وكمان اشتري لي فيه بيت ومايمنع لو اتضامن مع زوجتي لانو بالاخير هذا الشي لي ولها ولكن احصل وحده اتكاليه هنا هذا الشي خلاني اوقف وافكر هل هي مناسبه لي او اكنسل الموضوع والله يوفقنا جميع ..
ارجو منكم مساعدتي
hkihx hg.,h[!? h, hghsjlvhv fi
2013 - 2014 - 2015 - 2016
hkihx hg.,h[!? h, hghsjlvhv fi 2013 2014 2015
|
10-28-2017, 10:42 AM
شكر
اعجاب
العرض الشجري