عجزت مع اخوي (اكبر مفحط بالرياض) 2013 2014 2015
- - - - - - -
www.dream-cafeh.net
- - - - - - -
عجزت مع اخوي (اكبر مفحط بالرياض)
حصريا على دريم كافيه
2013 - 2014 - 2015 - 2016
اتمنى ولله تنزلون موضوعي لأني تعبت مع اخوي كثيييير انا عمري 33 واخوي عمره 23 ولله يااخواني واخواتي تعبت معه الوالد متوفي من زمان واخوي ولد يتيم مافيه احد يعلمه بهذي الحياه الا انا الوالده موجوده ولله الحمد لو الله ثم دعوات الوالده لنا كان اخوي انهلك من زمان بس ربي ستر انا اخوي مفحط...
اتمنى ولله تنزلون موضوعي لأني تعبت مع اخوي كثيييير
انا عمري 33 واخوي عمره 23
ولله يااخواني واخواتي تعبت معه الوالد متوفي من زمان واخوي ولد يتيم مافيه احد يعلمه بهذي الحياه الا انا الوالده موجوده ولله الحمد لو الله ثم دعوات الوالده لنا كان اخوي انهلك من زمان بس ربي ستر
انا اخوي مفحط كبير وله اسمه وشعبيته كبيره ويعتبر من اكبر المفحطين بالرياض
في البدايه اول ثانوي كان يروح المدرسه على رجله وكان يكلمني اشتري له سياره بس كنت رافض الفكره تماما بحكم انه مراهق وراح يخرب السياره ولا عليه
صار يروح مشي بعدين تعرف على اصحاب حسبي الله عليهم لو اني شريت له سياره وفكيته منهم
صار يروح معهم يوزونه ويجيبونه في البدايه علاقتهم كانت بالمدرسه بعدين كبرت الى ماصارت يتكون مع بعض بالحاره
اعموا بصيرته ومستواه تدنى كثير لدرجة ومرات يفرك وينقفط وينادوني
راح ثالث ثانوي وقلت خلني اشتري له سياره لعل وعسى يسحب عليهم ويفتك منهم
شريت له سوناتا ستاندر اظن موديل 2012 جديده وكاله
بس للأسف ركبهم معه ويقعد يفحط فيها ويصدم فيها الى ما اتقن التفحيط ضربته وقتها وجيته باللين ومانفع
الحمدلله على كل حال
والحين هو اكبر مفحط
ضربته لعنت خيره سجلت بجامعه وماراح كل طرق جيته
اللي خلاني اكتب ذا الموضوع شفت له مقطع وهو يفحط ولله يوم شفته قلت خلاص نهايته يقعد يفحط ويشطف تريله
حتى شفت له مقطع يفحط بحاره ويقعد يشطف البيووت والسيارات حتى يقطع الاشاره
ولله قلبي ينحرق مابي يصير له شي ولله يذكرني بذاك اللي مات اظن اسمه كنق النظيم ولله انه يذكرني باخوي ونفس الشكل يشبهه واقعد ابكي لايصير له شي اخ بس
ابي حل معه ولله حاولت معه بكل طرق
جاني قبل فتره يقول زوجني قلت ازوجك وهذا وضعك لاشغله ولا مشغله وتقعد تفحط ببنت الناس قال طيب والحل سجلته بالحرس الوطني جا تغير كليا يمكن قعد شهر هاجد بعدين رجع لهم خرب
اربعه وعشرين ساعه بالاستراحه هو ودشير
تكفووون ابي حل ولله عجزت معه لولله لولا حفظ ربي ودعوات امي له بالحغظ كان منهلك الله يحفظه يارب
u[.j lu ho,d (h;fv ltp' fhgvdhq)
2013 - 2014 - 2015 - 2016
u[.j lu ho,d (h;fv ltp' fhgvdhq) 2013 2014 2015
|
07-15-2017, 10:31 AM
شكر
اعجاب
العرض العادي
