مشكله مع اهلي 2013 2014 2015
- - - - - - -
www.dream-cafeh.net
- - - - - - -
مشكله مع اهلي
حصريا على دريم كافيه
2013 - 2014 - 2015 - 2016
السلام عليكم ورحمه الله وبركاته.. حصلت مشكله مع اهلي ولا ابغاها تكبر وتتفاقم.. اتمنى تساعدوني بحلها ونسيانها .. المشكله باختصار انو اختي انخطبت و تمت شوفتها الحمدلله ع خير .. ولا احد قلي !! ..مو بس كذا يوم الشوفه كنت بايته عند اهلي لانو كان عندنا مناسبه (انا ماابات عندهم الا نادرا جدا لانو لا...
السلام عليكم ورحمه الله وبركاته..
حصلت مشكله مع اهلي ولا ابغاها تكبر وتتفاقم..
اتمنى تساعدوني بحلها ونسيانها ..
المشكله باختصار انو اختي انخطبت و تمت شوفتها الحمدلله ع خير ..
ولا احد قلي !! ..مو بس كذا يوم الشوفه كنت بايته عند اهلي لانو كان عندنا مناسبه (انا ماابات عندهم الا نادرا جدا لانو لا انا ولا ولدي نرتاح ولا نعرف ننام غير امي ماتتحمل الاطفال ابدا وكانت دايما تعصب وتخاصم ف صرت ماابات)..
المهم كنت بايته وزوجي كان بالعمل وامي كل شويه تجي تقول كلميه اول مايخرج يجي ياخذكم! قلتلها مااظن يجي تعبان ومايقدر..اذن الفجر قالت كلمي ابوك يرجعكم ..كلمته وافق ع طول! بالعاده مايرضى ..
ورجعنا الا بالليل امي ترسلي صورة هدية قلتلها مين قالت اختك انخطبت واليوم شوفتها وذي الساعه قيمتها بالشي الفلاني يلا باركيلها وفرحيها!!!..
انا مررة انصدمت انجرحت كيف انا بنتهم ويدسوا عني !!!.. باركت لاختي كني ابارك لوحده غريبه ..وماالومها ابدا لانو امي وابويا الله يهديهم هما اللي مايبغوا يقولو ! لا كمان ابويا زعل لما عرف انه امي قالتلي !!!! يبغا يقول بعد العقد!!!! وعصصب وقال لا يدري زوجها ويحذر ويهدد!!!!..
زوجي صارت قبل مرة مناسبه وماقلناله طبعا بتحذيرات ابويا ولما خلاص جا وقت انه الكل يعرف زعل مرة قال ليش تعاملوني كذا كني غريب عنكم!!
اجل ذحين انا ايش اقول !!! كني من الجيران !! ولا وحده غريبه !! هذا الطبع اللي ب ابويا اخذه من اهله موسوسين من العين لدرجه لا تطاق لو كاسه تطيح قالوا عين ..اللي تتوظف هذا سر خطير محد يعرفه واللي تحمل سر خطير برضه محد يدري الا وهيا والده ! واللي بتتزوج سر خطير جدا ماينعرف الا ليلة الملكه !!
بس مهما كان انا بنتهم ليش يسووا فيا كذا؟! انا ذحين مرة زعلانه منهم ..مني عارفه كيف اتصرف ايش اسوي خاصه انه الام والاب حقهم عظيم ولازم الواحد ينتبه ..
المشكله كمان نفسيتي سيئه ومقهورة ونفسي مسدوده تماما ..
انصحوني..
la;gi lu higd
2013 - 2014 - 2015 - 2016
la;gi lu higd 2013 2014 2015
|
07-03-2017, 01:13 PM
شكر
اعجاب
العرض الشجري