مشكلة حصلت بيني وبين زوج أختي أتمنى تفيدوني !! 2013 2014 2015
- - - - - - -
www.dream-cafeh.net
- - - - - - -
مشكلة حصلت بيني وبين زوج أختي أتمنى تفيدوني !!
حصريا على دريم كافيه
2013 - 2014 - 2015 - 2016
*.. السلام عليكم ورحمة الله وبركاته أتمنى تسمحولي أذكر تفاصيل المشكلة حتى تتضح الصورة لكم واسأل الله أن يجزيكم كل خير على ما تقدمونه من نصائح لإخوانكم
مشكلة حصلت بيني وبين زوج أختي أتمنى تفيدوني !!
..
السلام عليكم ورحمة الله وبركاته
أتمنى تسمحولي أذكر تفاصيل المشكلة حتى تتضح الصورة لكم واسأل الله أن يجزيكم كل خير على ما تقدمونه من نصائح لإخوانكم
اللي صار أن أختي وزوجها ( ولد عمي ) جايين من سفرهم ومن يوم سمعنا بجيتهم قمنا نجهز واجب ضيافتهم وكنا ننتظرهم تقريباً من الظهر
ولكنهم تأخروا ووصلوا تقريباً قبل العشاء ، وسكنوا جنبنا في بيت عمي
قلت خل أدق على ولد عمي دقيت والحمدلله على السلامة وتفضلوا الله يحييكم قال مقدر أجي اليوم بنريح وبعدها يمكن نجي أو وقت ثاني
قلت طيب أنت ارتاح وخل أختي تجي أهلي ينتظرونها من الظهر ، قال أحتاجها أول شي تقوم بواجب زوجها وترتب البيت بعدها يمكن تجيكم !!
استغربت الأسلوب كلنا نعرف أن الزوجة عليها واجبات زي ما على الزوج واجبات ولكن وش لزمة الكلام هذا وقتها ما كنت أدري !!
قلت له خير ان شاء الله ، وأنا أنتظره قلت خل أدق عليه عشان يعطينا العلم الأكيد هل بيجون أو لا عشان يرتاحون أهلي ، دقيت عليه مرتين ما يرد
ودقيت على أختي بعدها وأسمعها تبكي !! وش فيك ؟ قالت : مافيه شي بس تعبانة ، وهنا الشياطين بدت تلعب براسي وما هدالي بال وقلت أروح لهم البيت أشوف وش اللي حاصل !
وفعلا رحت وشافني أخوي الصغير رايح ولحقني دقيت الجرس وفتحت أختي الباب سألتها مد يده عليك ؟ قالت : لا وسألتها وينه قالت : يصلي
وهنا عرفت سبب عدم رده على اتصالي .
انتظرناه برى وجا سلمنا على بعضنا وبعدها بدأ النقاش ، كنت اسأله وش المشكلة لو تجون تتقهوون وبعدها ترجعون تكملون ترتيب البيت
وإذا تبغى تريح أنت على الأقل خل أختي تجي وبعدها ترجع لك
قال : لازم أختك تطيع زوجها أولاً وبعدها يصير خير المهم مع الأخذ والعطا احتد النقاش وجا ودفني واستغربت اللي سواه ورديت عليه وفرق بيننا أخوي الصغير
المهم من باب تهديت الوضع دخلنا الصالة وتعوذنا من ابليس وجلسنا وأول كلمة نطق بها قال : لازم تفهم أن أختك بترتب البيت غصب عليها
قلت : ماهي خدامة عندك يوم تقول غصبن عليها !! فقام من مكانه ومسك الباب بيده وقال خلاص دام كذا خذوها معكم ولكن لا تفكر أنها بترجع إذا طلعت
المهم تلفظنا على بعض وطلعت أنا وأخوي وحنا طالعين أشر لأختي بيده وقال لها يالله اطلعي معهم واختاري بين أهلك وبين زوجك !!
فقررت أختي تطلع معنا لأنه قلل احترامه لنا ولها ، واتصلت بعدها على عمي حتى يكون عنده علم باللي حصل وما تكبر المشكلة وقال يصير خير .
بعد يومين عرفت سبب زعله بعد ما فكرت في كلامه وقتها كان يقول لأختي أنتي جبتيهم خلاص أطلعي معهم
يعني كان يعتقد أن أختي دقت علي أنا وأخوي وطلبت منا أنا نتفاهم معه عشان المشكلة اللي حصلت بينهم وهذا لم يحصل طبعا ً !!
فحسيت أن روحتي لهم غلط من أساسها وتركت كل اللي دار بيني وبينه من مشادات على جنب وقررت أني أعتذر منه
دقيت عليه مرتين ما رد أرسلت له رسالة بالواتس أعتذر منه وأطلبه يسامحني على سوء الفهم اللي حصل مني
وطلبته نتقابل ونتفاهم ولكنه ما رد علي واليوم اللي بعده قفل بيته وسافر .
وفي يوم من الأيام وديت أختي للمستشفى سوت تحاليل وطلعت حامل في شهرها الثاني
وأرسلت أختي لزوجها على الواتس تعلمه بموضوع الحمل ولكنه لم يحرك ساكناً
والغريب بعد كل هذا أن عمي بعد اتصالي الأخير عليه ما اتصل علي بعدها ولا أرسل ولا فيه أي ردة فعل !!
قلت أكيد أن ولد عمي راح له وكبر السالفة وأكيد أن عمي ماخذ في خاطره من اللي صار
وقلت خل أسافر له عشان أبين له اللي حصل وأصلح خطأي
دقيت عليه وعلمته أني بأجيه اليوم الثاني قال الله يحييك ومن هالكلام
قفلت من هنا ولا عمي يرسل لي رسالة يقول ( الله يحييكم وجب أختك معك لعل الله يصلح الأمور في انتظاركم )
فكرت في كلامه وجا في بالي أن ولد عمي قال لأبوه أننا جينا أخذنا أختي من عنده بالقوة ويبغانا بطريقة نرجعها له !!
يعني شينة في حق أختي أنه يطلعها من بيتها ويقلب السالفة علينا وأروح أنا أسافر بها وأجيبها له !!
على كل حال سافرت لعمي بدون ما آخذ أختي وديارهم تبعد عنا مسافة 400 كيلو تقريباً
قابلت عمي وسلمت عليه وعلمته اللي حصل وتفهم الموضوع وقبل اعتذاري لأنه تبين له عكس ما جاه
اللي فهمته من عمي أن ولده بعد ما جاه قام يكبر الموضوع وقاله أنا نزلنا كرامته وأهناه في بيته وأنه ناوي يطلق أختي بسبب اللي صار !!
وقام يحكي كل الأمور التافهة اللي حصلت بينه وبين أختي ويضخمها ويكبرها ويطلعها هي الغلطانة في كل موقف !!
وذكرت لعمي أهم نقطة وهي أن ولده هو اللي طلب من أختي أنها تطلع معنا ولكنه قالي ما فيه شي يثبت الكلام هذا !!
قلت أبد جب المصحف وأحلف لك عليه أن هذا اللي حصل عشان تتأكد ولو أني أخذتها بأقول أخذتها !!
ولكن عند عمي ولده لا يمكن يخطئ نهائياً !!
المهم لا يمكن أن أوصف لكم شعوري وقتها ولكن في كل لحظة أذكر نفسي أنه أنا من بدأت المشكلة وأني جاي أصلح الأمور ولا أزيدها تعقيد
في الأخير اتفقت أنا وعمي على حل وسط وهو أني أرجع أختي لبيت عمي اللي طلعها منه بعد ما يعتذر وأنه يتصل على أختي حتى يقنعها تروح له
وودعته ورجعت
اليوم الثاني جتني رسالة من عمي يقول فيها ( أنه تناقش مع ولده في الموضوع وما قدر يقنعه وأنه متمسك في رايه
يقول تهجموا علي في البيت وأخذوا أختهم معهم لذلك مثل ما أخذوها يرجعونها ويعتذرون أمامك وأمامها غير كذا لا يمكن ولن أقبل غير هذا )
رديت بالسلام عليه وذكرت له أنه إذا كان طلعها من بيتها يرجعها فهو من طلب هذا
وإذا كان يأخذ اللي حصل حجة حتى يتخلى عن مسؤوليته تجاه زوجته في مثل هذه الظروف فهذا أمر غير مقبول نهائياً
وأنتهى الكلام على هذا ولا رد عمي على الرسالة ولا اتصل بعدها
المشكلة لها تقريباً شهر ونص أتمنى تفيدوني في اللي صار وهل من حل للمشكلة وخصوصاً أن أختي حامل في الشهر الثاني والموضوع لا يحتمل التأخير والله يوفقنا وإياكم
..
.
المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: مشكلتي - مشاكل زوجية - معالجة المشاكل بين المتزوجين
la;gm pwgj fdkd ,fdk .,[ Hojd Hjlkn jtd],kd !!
2013 - 2014 - 2015 - 2016
la;gm pwgj fdkd ,fdk .,[ Hojd Hjlkn jtd],kd !! 2013 2014 2015
|
05-06-2017, 10:08 AM
شكر
اعجاب
العرض الشجري