اللي يقول
الحب ولى زمانه
ما يدري ان الناس ما يستوون
صحيح بعض الناس خان الامانه
لكن بعظهم ما نوى انه يخون
الحب
بقلوب البشر له مكانه
البعض صانه والبعض ما يصون
اللي يصونه يبتدي في كيانه
يلقى لطعمه الف شكل ولون
يعيش فيه ويرتوي من حنانه
ولا يظن بسيئات الظنون
واللي ما صانه صار محبط وهانة
يقول ولى قبل جيله يجون
ما غير يسمع فيه ياليل ادانه
يفكره روتين ولا فنون
ما يدري ان
الحب عظيم شانه
ممزوج بارواح
البشر والشجون
الحب اكبر من مجرد ميانه
ما هو كلام اعجاب شخص يمون
الحب يلوي القلب كالخيزرانة
ويميله يم الحبيب الفتون
غصبٍ عليك
الحب يفلت عنانه
ما ينتظر جوارحك يأذنون
والحب ماله ذنب يقتل عشانه
بعض
البشر للحب ما يرحمون
اما البعض ..فالحب فيهم ديانه
واحبابهم بقلوبهم يسكنون
هذا جوابي ..يا مدور بيانه
كل
البشر للحب ما يستوون
04-12-2017, 12:55 PM
(( الحب بقلوب البشر )) 2013 2014 2015
شكر
اعجاب
العرض العادي
