طابت النفس 2013 2014 2015
- - - - - - -
www.dream-cafeh.net
- - - - - - -
طابت النفس
حصريا على دريم كافيه
2013 - 2014 - 2015 - 2016
السلام عليكم ما اقدر اقول انها استشارة قد ماهي الحاجة للفضفضة والنصيحة ، لي سنين ما سولفت ما ابي اشوه صورة احد او اضيق صدر اهلي. انا متزوجة لي اربع سنوات وعندي طفلين عمري 28 محافظة زوجي 30 ومحافظ ، زواجي صار بعد صعوبات وافتراءات وطعن بالنسب وقذف باني كنت ع علاقة معاه كل هذا من جهت اهل زوجي...
السلام عليكم
ما اقدر اقول انها استشارة قد ماهي الحاجة للفضفضة والنصيحة ، لي سنين ما سولفت ما ابي اشوه صورة احد او اضيق صدر اهلي.
انا متزوجة لي اربع سنوات وعندي طفلين عمري 28 محافظة زوجي 30 ومحافظ ، زواجي صار بعد صعوبات وافتراءات وطعن بالنسب وقذف باني كنت ع علاقة معاه كل هذا من جهت اهل زوجي *عيال عمته واخوه* ع كل اللي صار وردة فعل اهلي الرافضة لاتمام الزواج بسبب المشاكل الا اني حاولت اقنعهم انه انسان يستحق اني اتحمل المكيدة اللي تدبرت من اقاربه وانهم من الاساس يكرهونه ومايبون له الخير .
اخواته الكبار من ابوه وعيال عمته وحريمهم ماشفتهم الا بعزاء ابو زوجي * مقاطعيني * بحجة اني مو اصيلة ، لما صار عندي عيال المواقف بدات تنكئ الجرح القديم ان عيالي لا كبروا او اذا يبون يتزوجون تبدا الناس تردد افتراءاتهم وطعنهم باصلي ونسبي *بالرغم ماعندهم دليل* حتى لما واجهم شيخ قبيلتي تهربوا وقفلوا جوالاتهم ، وبعدها سكتوا ولا تكلموا ، هاللحظة هذي تذكرت ابوي وفعلا بديت افكر لبعيد حيل .
بعد الزواج صار تصاااادم كبير بين مبادئ وعاداتي وتقاليدي و طبايعي وتربيتي ببيت اهلي ، انا نهائي ماتعودت اسولف بمواضيع النساء البحته عند امي استحي كيف هم قدام اخوانهم وابوهم !
ماتعودت اخواني يجلسون معاي انا وامي واخواتي يتجاذبون معانا سوالف الحريم ، وزوجي حتى يعرف اسماء صديقات اخواته والمواقف
، امووور كثيرة خادشة حيل للحياء مافي حدود ولا حواجز ، غير التريقة واللالفاظ المقززة والتعليق على خلقة الله او اللهجة وو
والله اني اروح وارجع متضايقة حتى دايم قبل اطلع اوصي زوجي ترى ساعة وراجعة انت اطلب اننا نمشي وتعذر بدوامك و تعبك اي شي انت ولدهم وعادي تجادلهم برجعنك بالبيت انا صعبة ابين ولو بالتلميح اني مو مرتاحة بجلستكم ، لما صار عندي عيال القاعدة انكسرت واضطر اجلس بالساعات بس عشان عيالي يلعبون، تطور الوضع وصار التريقة والنعت باللقاب وكلمات جارحة تمس بعيالي ، لما يشوفونه مسالم مو راعي مشاكل اي دجاجة خواف ، لما يبدا يسوي تصرف طفولي والله انك غبي وسوقي ، انقهر
احيان ارد واعلق واتعب وانا اجادل لكن لاحياة لمن تنادي ، كلمتي تنكسر لما امنع ولدي من الجوال اللاقي عمته تعطيه وقدام عيني واقولها لا تعطينه بس نهائي مافي احترام لهيبة وكلمة الام .
اما ام زوجي دايم تعلق ياربي يا نحفك ياربي عظم ياربي لو منك اكل كل اللي بنفسي ولا ابلش ، كثر تعليقها خلاني افقد ثقتي بنفسي .
كل ماشافتني متغطية عن اخوان زوجي تدقني بالكلام فلان بكرى لا تزوج يقول يمة ماراح اخلي زوجتي تتغطى بس تتحجب ، وتوصيني ع ولدها اللي عنره 11 سنة تقول لا تتغطين عنه خلاص شافك ، رديت عليها هذا شرع ربي شافني ولا ماشافني، اسكتت ولا علقت ، صرت ما احب اروح ازوها بسبب هالسالفة او مثلا لا اجتمعوا بناتها تقول فلانة خليك داخل بيجلسون العيال مع اخواتهم وانحبس بالغرفة اللين انام واتورط بعيالي باكلهم بغير لهم ، مع اني ما ازورها الا من وين لوين هي بمدينة وانا بمدينه ، وزوجي ابد صم بكم عمي .
انا ما ارد عليها احترام لسنها وما ابي اسوي شوشرة بموضوع مايطلع من الجنة ولا يدخل النار ، لكن والله بدا ياثر فيني وبنفسيتي صرت اتمنى يرجع بي الزمن ولا استمريت وتمسكت بزوجي.
زوجي يحب يقلل من شاني ، يحب امشي على هواه ، عنده حسابات على كل مواقع التواصل الاجتماعي ويدير حساب اخته على المواقع ويرد على البنات على اساس انه هي اللي ترد وبعلمها طبعا ويدعم مشاريعها وقالها بنفسه لي ، لكن انا مانعني حتى اني ادير مشروعي على اي برنامج من برامج التواصل الاجتماعي كم مرة يزل لسانه و اكتشف انه مسوي حسابات منتحل شخصيات مشهورة بس عشان يزيد عدد المتابعين .
اخر موقف صار لي معاه لدرجة ماثر فيني للحين ومو متقبلته واحاول اجامله واللي خلاني اكتب هالموضوع ، رحنا منطقة نسلم ع اقاربه ومنها نعزي بنت عمته بوفاة ام زوجها قبل ما نوصل مكان العزا قلت ماراح انزل اعزي عشان عيالي انزل انت عز جهت الرجال وحنا بالسيارة ننتظرك عشان نروح نسلم ع اقاربك ، راح وداني جهت عزا الحريم وقال يللا انزلي قلت لا خلاص ما ابي وصارت مشكلة واحتد النقاش من جهته قال اذا ماتبيني وماتبين تسمعين كلامي روحي شوفي حياة ثانية *هالجملة ثالث او رابع مرة اسمعها منه كل ما احتد النقاش* ما انكر انها اجرحتني وتذكرت وقفتي معاه ايام مشكلة اقاربه خلتني اتحسف على كل شي عطيته اياه سكت وماعلقت ، نفسي طابت منه قلت ماعليه بصبر اللين عيالي يكبرون ما ابي اظلمهم واحرمهم واشتتهم والحمدلله انهم اولاد مو بنات ، وصرت انام بغرفة عيالي لاني مو طايقته ، يكفي اني جاية اوجب اقاربك ومالهم حق علي ، يالله جاني احساس انكسار ومهانة فضيعة ، حاول يعتذر ويصالحني وعشان عيالي رضيت ابي السفينة تمشي ، بس للحين مو متقبلته،
انصحوني المشكلة فيني اني حساسة وادقق بزيادة ولا فيهم
'hfj hgkts
2013 - 2014 - 2015 - 2016
'hfj hgkts 2013 2014 2015
|
02-08-2017, 03:28 AM
شكر
اعجاب
العرض الشجري