رافضة الزواج كليا و السبب اخوي اللي دمر حياتي 2013 2014 2015
- - - - - - -
www.dream-cafeh.net
- - - - - - -
رافضة الزواج كليا و السبب اخوي اللي دمر حياتي
حصريا على دريم كافيه
2013 - 2014 - 2015 - 2016
السلام عليكم و رحمة الله و بركاته اخباركم ،،ان شاء الله بخير ؟ انا بنت عمري 23 مشكلتي اني مو عايشة حياتي مثل اي بنت و السبب اخوي اللي تحرش فيني وعمري كان وقتها 7 سنوات و استمر تحرشه ثلاث سنوات ،،الحمدلله ان ربي قدر اني اخبر أمي و هو خذ جزاه من الضرب و من بعدها ما قرب مني ،،المشكلة ان ترسبات...
السلام عليكم و رحمة الله و بركاته
اخباركم ،،ان شاء الله بخير ؟
انا بنت عمري 23 مشكلتي اني مو عايشة حياتي مثل اي بنت و السبب اخوي اللي تحرش فيني وعمري كان وقتها 7 سنوات و استمر تحرشه ثلاث سنوات ،،الحمدلله ان ربي قدر اني اخبر أمي و هو خذ جزاه من الضرب و من بعدها ما قرب مني ،،المشكلة ان ترسبات التحرش لا زالت فيني أحسه كأنه صاير بالامس و السبب ان أمي مااحتوتني بشكل مناسب يعني عانيت من مشاكل نفسية كثيرة من سن صغيرة احس نفس غير الكل و اني مختلفة عن البنات احس اني كنت اكره جسمي واحسه مو نظيف عانيت من وسواس النظافة و الطهارة من عمر 12 هذا غير اني أنطويت على نفسي و انقلبت شخصيتي كثير صار عندي رهاب شديد من الرجال يعني من اشوف رجال لا إراديا اخاف منه كنت احس ان كل الرجال نفس اخوي مع الأسف كبرت و نظرتي لهم ابد ما تغيرت واللي زاد الموضوع علي اني انخطبت كذا مرة اهلي كانوا في البداية يرفضون على أساس اني صغيرة و بكذا كنت مرتاحة لكن تدرون الواحد سنة عن سنة يكبر والحين صرت في سن مناسبة للزواج وامي الله يحفظها من فترة لاحظت انها تلمح لي انها تبي تفرح فيني و تبيني احضر مناسبات اكثر عشان ممكن ربي ييسر نصبي الا اني تضايقت حيل و قلت لها انا ما أفكر بالزواج هي عصبت علي و قالت هذي سنة الحياة مع الأسف على ما يبدو ان أمي حسبالها خلاص اني نسيت اللي صار لي و ان هالشي ما اثر على نفسيتي صحيح ان كان تحرش سطحي لكن هالشي ترك تأثير سلبي كبير علي كرهت اخوي والرجال كلهم ،،ادري ان كلامي فيه ظلم لكثير من الرجال اللي اكيد فيهم الخير بس هم أتمنى ما تلوموني غصب عني طلع مني هالكلام ،،حاولت في نفسي اني اتخيل حياتي مع زوج ما قدرت بالعكس تعبت نفسيتي اكثر لأَنِّي ادري ان الزواج فيه علاقة زوجية ،،ولا اقدر أجازف و اقبل بالزواج وأظلم شخص ماله ذنب معاي غير انه يعف نفسه واقعد انا أحرمه من حقوقه ،،اشوف ما شاء الله البنات من حولي كيف يفكروا بفارس الأحلام و كيف تكون فرحانة بس تنخطب الله يهني كل وحدة ،، لكن انا من اسمع اني انخطبت تتعب نفسيتي حيل ،،سبحان الله كل مرة انخطب فيها ربي ما يكتب لي ،، قلت اكيد ربي مأخر هالشي عشان اني على الأقل تتغير نظرتي للزواج او على الأقل أتقبل الفكرة ،،يعني أتمنى منكم تساعدوني كيف أتقبل فكرة الزواج والعلاقة الزوجية يعني انا ما ابي افرح بفكرة الزواج انا راضية على الأقل اني أوصل لمرحلة التقبل ،،على الأقل قبل لا سمح الله اهلي يغصبوني على الزواج على الأقل أكون وقتها نوعا ما متهيأة نفسيا ،،أتمنى تساعدوا اختكم و لا تنسوا ان اجركم على رب العالمين ،،لكم ودي ❤
vhtqm hg.,h[ ;gdh , hgsff ho,d hggd ]lv pdhjd
2013 - 2014 - 2015 - 2016
vhtqm hg.,h[ ;gdh , hgsff ho,d hggd ]lv pdhjd 2013 2014 2015
|
09-23-2016, 08:03 AM
شكر
اعجاب
العرض العادي
