*
*
اليوم راح أحكي لكم الي صار معي ليلة العرس وحسب شهود عيان
( ﻷن فيه أشياء ما اتذكرها بسبب هبوط الضغط الي صار لي يومها)
طبعاً اليلة الي تسبقها ماقدرت أنام زين خصوصاً اني تزوجت بالحلم يمكن 4 مرات !!
أتزوج ثم اصحى ورجع أنام وأتزوج ثم اصحى ثم ارجع أنام واتزوج ..
المهم صحيت الظهر وقمت وصليت ورجعت للبيت أجهز أغراضي و أتروش
(تقول الوالدة من الربشة مفرش أسنانك بمعجون حﻼقة)
لما صار العصر طلعت للحﻼق وحلقت ورجعت قريب من المغرب ..
ثم رحت اتروش لكن هالمرة غير ..
تروشت بدورة مياة الرجال من العجلة أكرمكم الله والي تفتقد ﻷبسط اﻷشياء
وهو شامبو بيبي جوي "ﻻدموع بعد اليوم"
وبمساعدة الوالدة تم بحمد الله نقل أغراضي إلى دورة مياة الرجال ..
صلينا المغرب ورجعت البس طبعاً بعد العشاء أحنا عندنا عادة وهي
أنو بعض أهل وأقارب العريس يتجمعون في بيت العريس
عشان يطلعون معاه للقصر ..
وأنا جالس البس عشان انزل لهم واسلم عليهم أكتشفت أن المشلح اقصر مني بشبر
طبعا السبب عرفته بعد أسبوع
( وهو اني غسلتة غسيل عادي موبخار عشان كذا كمش قماش المشلح )
طبعا صرت احوس بالغرفة وش اسوي وش اسوي
ورحت للوالدة الله يحفظها وخبرتها .. هدتني وقالت بسيطة ..
حاول قد ماتقدر تكون جالس طول الوقت ولما تمشيء سو نفسك رافع المشلح شوي
ومدخلة تحت يدك زي الناس اﻷكابر
المهم صلينا العشاء ثم نزلت وسلمت على الحظور
بعدين جلست واقاربي يناظروني ويتبسمون لين صار وجهي علبة الوان
بعدها جاء ابوي وقال يالله نطلع للقصر وركبنا السيارة ..
أنا ورا.. وابوي قدام .. وعمي يسوق السيارة ورحنا للقصر والناس ورانا
لما قربنا من القصر عندنا عادة الناس تبداء تدق بواري ( طاط طيطيط طوط ط ط )
من هنا أنا بدأت افقد السيطرة على نفسي
وصلنا القصر ونزلت ولما نزلت لقيت العالم متجمعين عند الباب عشان يسلمون علي ويباركون لي ..
طبعاً ابوي حاس بوضعي عشان كذا كان قد مايقدر يحاول يكون جنبي ..*
وأول واحد سلم علي كان ابو البنت سلمت علية وبوست راسة
وانا أنتفض ثم سلموا علي أعمامها ثم خوالها .. الخ لين دخت
وكان مرة زحمة وخنقة وكان كل واحد يسحبني من جهة عشان يسلم علي
لين وصل دور عيال خالتي
طبعاً أول واحد منهم سلم علي وقال :
ماشاء الله الف مبروك وكل عام وأنت بخير
رديت علية وقلت : الله يبارك فيك يارب
جاء الثاني وعرف اني مرتبك ومهب ﻻني ما أستغربت من كلمة كل "عام وانت بخير"
فقام قالي : عيدك مبارك وكل عام وأنت بخير
انا رديت علية وبكل برائة وقلت : تسلم .. من العايدين الفايزين يارب
جاء الثالث وخربها و قال : تقبل الله
رديت علية وقلت : من الجميع يارب .. جزاك الله خير
طبعاً العالم فطست من الضحك
(( حبيت عيال خالته يابثرهم ))
لما شافني أبوي كذا قام سحبني ودخلني جوات القاعة
وجلست أكمل باقي السﻼم على الحظور*
*طبعاً كنت من الخبة اقوم وأقعد أقوم واقعد والسبب هو اني من اﻹرتباك
ماكنت أدري مين الي سلمت علية و مين الي ما سلمت علية
فكان بمجرد مايمر من جنبي أحد أقوم أحسبة جاي يبغى يسلم علي
ثم أكتشف انة جاي يسلم على الشياب الي جالسين جنبي
المهم فجأة وانا بمعمة أفكاري قام جميع الحظور مرة وحدة وأتجهو نحوي مباشرة :
طبعاً أنا ما ادري وش السالفة
قمت واقف أحسبهم يبغون يودعوني دفعة وحدة !!
طلع ابو البنت منادي عليهم للعشاء*
ولسوء الحظ كان باب صالة الطعام خلفي ..
حسبي الله علية الي مصمم القاعة فجعني
المهم جلست شوي ثم قمت ورحت للقسم الي مخص للعرسان وطقيت الباب
أنا : طق طق
حارسة الباب : مين ؟
انا من الربكة الي عايش فيها قلت : بيت الفﻼن (الي هو اسم عائلة زوجتي)
الحارسة : ﻻ عرس الفﻼن قصدك
أنا : ايوة نسيت .. أنا العريس
الحارسة وهي تضحك : ايوة مبين خﻼص الحين بنادي لك امك
جت امي ودخلتني وعرفت أني مرتبك لدرجة اﻷرتجاج ..
قامت وسمت علي بالرحمن الرحيم وباركت لي ودعت لي
وقالت حبيبي ترا فيه خاﻻتك وبعض خاﻻت البنت "متغطيات"
وعروستك وأمها بس وعطتني وردة عشان اعطيها العروسة
طبعاً أول مادخلت خاﻻتي صارو يزغردون والي تصور وأعمتني بالفﻼشات
مبروك مبروك ياعريس منك المال ومنها العيال وبرفاه والبنين ان شاء الله ..
ولما خلصت سﻼم على خاﻻتي رحت عشان اسلم على العروسة بالكوشة ..
طبعاً كنت مرة مستحي ومرتبك وما اعرف كيف اسلم عليها
و كنت جالس أفكر كيف ؟؟
وخﻼل غمضة عين اكتشفت أني فوق الكوشة : ( شكلي كنت أركض )
ومن الربكة عطيت الوردة ام العروسه وسلمت على العروسة سﻼم زمﻼء عمل
(يعني مصافحة باليد ثم حطيت خدي على خدها من الجهتين )
(( اهنيه ع سﻼمه ههههههههههههههههههههههههه هههاي ))
تقول العروسة أنك قلت لي وشلونكم عساكم طيبين وكيف اﻷهل واﻷوﻻد !!
طبعاً خﻼل ثواني حسيت إن السﻼم غلط فحاولت اتدارك الموقف وأصحه
فقمت وبست راسها (قلت يمكن كذا الصح )
قام شماغي ومسك في التاج الي فوق راسها
وخذ تخبيص وكنت شوي وأطيح عليها .. وبطلعت الروح فكيتة من راسها
(( اتخيل شكله ))
المهم جلست جنبها عشان التصوير بعد ماخربت تسريحتها وبعد ماخصلوا تصوير
قمت وانا بقمة الربكة وحطيت يدي على جبينها عشان أقول الدعاء ..
طبعا الدعاء الصحيح هو :
((اللهم إني أسألك من خيرها وخير ما جبلتها عليه ,
وأعوذ بك من شرها وشر ما جبلتها عليه ))
أنا قلت (( اللهم أني أسئلك من خيرها في الدنيا واﻵخرة
واعوذبك من شرها في الدنيا واﻵخرة ))
(( لوني مكانها باكرهه من يومها ))
طبعا امي ماقدرت تمسك ضحكتها فسوت نفسها انها تبغى تروح تجيب سجادة الصﻼة
وهي ميتة ضحك عشان أصلي .. بعدها جابت لي السجادة ..
اخذتها منها وفرشتها على اﻷرض ومن اﻹرتباك صليت ركعة وحدة بس !!
طبعاً القبلة كانت ﻻشعورياً العروسة ..
حتى التلسيم الي في نهاية الصﻼة وحدة كنت وأنا جالس والثانية وأنا واقف !
طبعا البنت كان وجهها محمر من الضحك !!
وصار عندها مغص حاد يومها بسبب كثرة الضحك !!
وهذي قصتي يوم عرسي بأول الصيفيه ﻻحد يرحمني
بس ماصدقت اني اعرس!!
ههههه ههههه
12-09-2012, 05:20 PM
قصصة معرس .. ههههههه
شكر
اعجاب
العرض العادي
