تعقيب للمره الاولى زوجي واسلوبه 2013 2014 2015
- - - - - - -
www.dream-cafeh.net
- - - - - - -
تعقيب للمره الاولى زوجي واسلوبه
حصريا على دريم كافيه
2013 - 2014 - 2015 - 2016
السلام عليكم ورحمة الله وبركاته هذا رابط مشكلتي http://forum.z4ar.com/f116/t382876.html اول شي بالعكس زوجي مافيه اي شي لا مرض بالدم ولا بالغده مافيه الا العافيه هوكسول وبس مايحب لا يقضي معاي مشاوير بس اذا المشاوير له يضرب مشوار لين آخر الدنيا ماعنده مشكله ولا يشيل شي ولا حتى يساعد ومن يشوفني...
السلام عليكم ورحمة الله وبركاته
هذا رابط مشكلتي
http://forum.z4ar.com/f116/t382876.html
اول شي بالعكس زوجي مافيه اي شي لا مرض بالدم ولا بالغده مافيه الا العافيه هوكسول وبس مايحب لا يقضي معاي مشاوير بس اذا المشاوير له يضرب مشوار لين آخر الدنيا ماعنده مشكله ولا يشيل شي ولا حتى يساعد ومن يشوفني اشتغل وانظف يقولي ماشاء الله عليك هبت ريح ويابختي فيك تحبين النظافه والترتيب طيب دام هو عاجبه ترتيبي وتنظيفي ليه مايصير مثلي ولما اجلس اتفاهم معه يقولي تعودي علي كذا يمكن مااتغير
بعض الاحيان اقول العتب على بيئته اللي عاش وتربه فيها ابوه من النوع الشديد ومايحب يسمع لعياله حس بالبيت لا صغير ولا كبير ومعلمهم انه عيب تجلس وتسولف مع اختك وتضحك معها واخوانه كثير لكن علاقتهم كلهم ببعض مش كويسه بس سلام . ومن كان صغير كان يحب البلاستيشن لدرجة عنده كل اجهزة السوني .وكان في بيتهم مايطلع كل يقعد بغرفته وعلى سوني ليل نهار يلعب بالساعات ماعنده اي اهتمام غير السوني ومرة من المرات ذكر لي موقف من ابوه انه مره من المرات كان عمره صغير بابتدائي شاف ابوه يضرب اخوه لدرجه انه صفعه من مسافه بعيده ع الكنب ودايم يذكر لي بين فترة والثانية مثل هالمواقف اللي كان يشوفها وهو صغير
وحتى امه ماتهتم بالنظافه وماتشدد ع باقي اخوانه انهم يحلقون او يرتبون نفسهم او يسبحون صحيح انا مالي دخل فيهم بس انا اقول يمكن هالشي هواللي معود زوجي ع عدم النظافه والاهتمام لان الواحد اذا امه وابوه مهتمين وحريصين ع النظافه بيطلع مثلهم واحسن بعد
النظافة الشخصية والله دايم اشجع فيه ودايم امدحه وبين فترة والثانية اتروش معه وحتى اشتريت له مكينة حلاقه يقدر يشتغل عليها بالماي او بالكهرب لكن للاسف فترة بسيطه ويهمل ابي حل يخليه يستمر على النظافه على طول
ومن ناحية الزبالة تكرمون انا عادي اذا كنت موجودة ماعندي مشكلة اربطها واخليها جنب الباب عشان يرميها لكن المشكله ان اذا رحت بيت اهلي وظليت كم يوم ارجع القى ريحة الشقة خايسه والسبب الزبالة منتشرة ريحتها بالشقه كلها يعني لهدرجة اهمال واعتماد كلي علي
واللي اقصده بانه يأكل ويخلي الوسخ قصدي مثلا يأكل توكس او جلكسي ويخلي القرطاس في الارض لما اجي انا اشيله او يمسح يده ويخلي المنديل بالارض يعني حتى الاشياء البسيطه مايشيلها بنفسه من وانا صغيرة وانا اشيل اي شي اكله ومارميه بالارض
ماتوقعت ان في رجال كذا مهملين بنظافتهم وكل همهم الجلسة بالبيت اللي اعرفه انه اغلب الرجال يحبون يهتمون بمظهرهم ولابسهم وحتى طريقة حلاقتهم
المشكله لو بكلم امه تتكلم معه مافي فايده معها لان قد اشتكيت لها باشياء عاديه تقولي صبري وصبري لان احس انها هي موهاهمه شي وابو زوجي الله يرحمه توفى من فترة .. وبعض الاحيان اقول في بالي زوجي ماراح يغيره الا الاطفال لانه بوجودهم راح يحس بالمسؤؤليه اكثر
ومن ناحية الصلاة هو ينسى نفسهعلى السوني وحتى لما ازور اهله اشوف امه بكبرها تأخر الصلاة استغفرا الله ياربي انا واعوذ بالله من كلمة انا ابوي اول اذا شاف حد تأخر عن الصلاة يهاوشه ويعصب عليه ويحرمه من التلفزيون او اي شي يشغله اما هما لما ازور بيت اهله اشوفهم عادين يأكلون ويشربون ويتفرجون ع التلفزيون ولا كأنه فيه صلاة
الله يوفقكم عطوني افكار اقدر اخليه يتغير تغير كلي . والله بعض الاحيان من التعب معه افكر انفصل بس والله من اقراء مشاكل غيري اتعوذ من ابليس واقول زوجي اهون من غيره ويمكن يتغير اللي يخليني افكر بهالشي كثير اني باسبابه بعد زواجي بفترة جاني قولون عصبي من كثر ماافكر واتهاوش واعصب معه حتى لو اكلمه بهدوء وتفاهم مافيه فايده يظل متمسك برايه ويعاند ومايقتنع بسهوله انا عارفه ان مافيه احد كامل الا سبحانه والواحد لازم يصبر ويتحمل بس مافيها شي انه يتغير ويصير احسن وافضل مماهو عليه
تكفون ياادارة نزلوا موضوعي وابي نصايح وافكار باكبر قدر ممكن
.,[d ,hsg,fi
2013 - 2014 - 2015 - 2016
jurdf gglvi hgh,gn .,[d ,hsg,fi 2013 2014 2015
|
09-21-2015, 11:10 AM
شكر
اعجاب
العرض الشجري