بيتنا بنأجره وعمامي يبغون نص الايجار.. 2013 2014 2015
- - - - - - -
www.dream-cafeh.net
- - - - - - -
بيتنا بنأجره وعمامي يبغون نص الايجار..
حصريا على دريم كافيه
2013 - 2014 - 2015 - 2016
السلام عليكم ورحمة الله وبركاته اداره نزلوا مشكلتي ضروري ... المشكله يااخوان ان ابوي يبي يأجر بيتنا بعد ماطلعنا منه( صار لنا سنه من طلعنا بايجار )بعد ماحس ابوي بضغط الايجار فكر ان يأجر البيت طبعا البيت بيت جدي الله يرحمه واحنا اللي ساكنين فيه مع جدتي الله يطول بعمرها يوم طلعنا منه وسكنا بشقه...
السلام عليكم ورحمة الله وبركاته
اداره نزلوا مشكلتي ضروري ...
المشكله يااخوان ان ابوي يبي يأجر بيتنا بعد ماطلعنا منه( صار لنا سنه من طلعنا بايجار )بعد ماحس ابوي بضغط الايجار فكر ان يأجر البيت طبعا البيت بيت جدي الله يرحمه واحنا اللي ساكنين فيه مع جدتي الله يطول بعمرها يوم طلعنا منه وسكنا بشقه جدتي مارضت تجي معانا و راحت عند عمي الكبير عمامي 4 وابوي رقم 5 اصغر واحد كلهم عايشيين بخير ونعمه ثنين منهم شغالين بأرامكو واللي في سابك واللي عنده مكتب عقار ومحلات وابوي شغال بشركه صار له 25 سنه وراتبه 5الاف بس مع انه جامعي
لكن مايبغى يطور نفسه مايبغى يتعلم على الكمبيوتر ولا الوسائل الحديثه كل شغله على ورق ودايما يقول انه اقدم واحد بالشركه والمدير يقوله لو مالعمر اللي قضيته في هالشركه والخبره اللي عندك كان من زمان فنشناك لان شغله مو كامل وموظفين هندي عشان يدخل البيانات بالكمبيوتر حق شغله المهم ابوي قرر يأجر البيت عشان يستفيد من فلوسه وتساعدنا بالايجار)(طبعا اكيد تبغون تعرفون ليه تركنا البيت اللي عشنا فيه كل عمرنا واللي ابوي دفع كل اللي عنده وفي حسابه قيمة ترميم للبيت وامي باعت ذهبها وسوت مطبخ فخم بالحوش قبل فتره بسيطه وطلعتنا من البيت مو بسبب اوهام ولا تهيئات مثل مايفكرن اللي يدرون انا تركنا بيتنا اول سبب اخوي الله يحفظه من تخرج من كلية الهندسه واحنا معاه من مستشفى لمستشفى كل شهر ينام بالمستشفى مرتين او مره على الاقل بسبب حصى الكلى واختي الحين عمرها 15 فجأة من 3 سنوات شفناهاتطالع بالسقف وتضحك وتتكلم بأصوات غريبه كلام مب مفهوم وكأنها عايشه مع ناس وبعالم ثاني وديناها لشيخ وقرأ عليها وقال فيها جن وعالجها والحين الحمد الله لكن فيها اشياء مثل العصبيه ودايما تطقنا طق لو ماابوي وامي يبعدونها يمكن اللي تتهاوش معاه تذبحه المهم اختي عمرها 21 سنه انخطبت 4 مرات 2 من الاقارب و2 من بره العايله وقبل الملكه بكم يوم كل شي يتفركش يااما منها هي تغير رايها او من الخطيب نفسه يختلفون على امور ماديهاو غيرها وكل شي يتفركش
ابوي ماينام دايما يختنق واهو نايم يجيله الجاثوم
وامي كوابيس والام بكل جسمها ومو مترقعه ووضع البيت واحنا جالسين فجأه نسمع تكسير صحون او شي طايح من فوق في المطبخ ولما ندخل مافي شي الحمامات دايما اصوات الحنفيه مفتوحه ولما نشيك تكون مغفله وانا متزوجه لكن اوقات انام عندهم ولما ارجع لزوجي اهو الا ينبهني ان جسمي كله كدمات بظهري ورقبتي من الخلف
واخر شي اختي الصغيره عمرها 6 سنوات صارت تتكلم وتضحك لوحدها ووديناها لشيخ وقال مرتاعه وقال السبب البيت مسكون واللي ساكنينه ماينفع معاهم قراءه قرآن ورفض يجي ويقرأ في البيت وكلم ابوي شيخ ثاني ونفس الشي رفض الشيخ يقرأ بالبيت يقول اللي بالبيت اشرار وضروا كل اللي بالبيت الام والاب والاولاد وبعد كذا ابوي قرر نطلع من البيت))المشكله الحين ابوي راح بيت عمي الكبير في يوم جمعة عمامي وكلمهم انه يبي يأجر البيت
وعرف من جدتي ان البيت بإسمها جدي الله يرحمه سجله بإسمها وسألها وقالها اقدر اتصرف بتأجير البيت وراح اعطيك مبلغ من الايجار جدتي اسكتت وبعدها جابوآ لها فراش ونامت وابوي يتكلم مسكينه عمرها تقريبا100سنه
وتتصرف زي الاطفال اوقات المهم عمامي الثلاثه قالوا لابوي اذا امنا موافقه توكل على الله ماعدا عمي الكبير قال لابوي جيب الايجار شهريا وبحطه بحساب امك ويوم عرف ان الايجار25 الف قال يبي 12الف و500
(ولا لاتأجر )وابوي رجع من عندهم واهو شايل فكرة الايجار
ويبي ياخذ قرض ويقصون نص راتبه عشان يدفع الايجار
والحل شلون نقنع عمي ان ماياخذ من الايجار لانه مو بحاجه
واهو يقول بحطه بحساب جدتي
والبيت كان مايسواله حتى الف ريال لو ما ابوي رممه وامي مسكينه باعت كل ذهبها وحطتها فيه
شوروا علينا
اداره نزلوا الموضوع تكفوون..
fdjkh fkH[vi ,ulhld dfy,k kw hghd[hv>>
2013 - 2014 - 2015 - 2016
fdjkh fkH[vi ,ulhld dfy,k kw hghd[hv>> 2013 2014 2015
|
07-13-2015, 05:30 AM
شكر
اعجاب
العرض العادي
