طالبتكم المشوره 2013 2014 2015
- - - - - - -
www.dream-cafeh.net
- - - - - - -
طالبتكم المشوره
حصريا على دريم كافيه
2013 - 2014 - 2015 - 2016
السلام عليكم ورحمة الله وبركاته... مساء / صباح الخيير كتبت مشكلتي هنا لعلي اجد الرأي السديد وهي الحمدلله ليست بالمشكله الكبيره ولا الصعبه وتحصل في بعض البيوت ابلع من العمر 22 متزوجه من 3 سنوات الحمدلله زوجي واهله ناس. طيبين. وان شاء الله فيهم. خير انا اسكن في منطقه بعيد عنهم...
السلام عليكم ورحمة الله وبركاته...
مساء / صباح الخيير
كتبت مشكلتي هنا لعلي اجد الرأي السديد وهي الحمدلله ليست بالمشكله الكبيره ولا الصعبه وتحصل في بعض البيوت
ابلع من العمر 22 متزوجه من 3 سنوات الحمدلله زوجي واهله ناس. طيبين. وان شاء الله فيهم. خير انا اسكن في منطقه بعيد عنهم وعن اهلي ولي شقه فوق اهل زوجي. احبهم ويحبوني وبينا احترام وعلاقتنا جداجميله وهذا شي مسسسعدني مره. واُحسد عليهم.
لكن مشكلتي هي
1/دائما بيسالو عن كل شي خاص او عام وين رايحين اوقات زياره خاصه بيسالوني عادي وين بتروحين اقولهم صديقتي مثلا او قريبتي او يقولهم زوجي يقولو مين هيه صديقتك ؟؟! وكانهم بيعرفونها وين بتسافرون ليه كم بتجلسون ايش اشتريتو مثلا بنروح لسوق ايش تبغو من السوق ليش مانزلتو بدري من شقتكم حتى ممكن يدخلو بلبسي ...الخ ممكن تكون اساله تافه بس الشي اذا صار بزياده حيل يضايق
2/ اذا صرنا عندهم بنفس المدينه واجازتنا مثلا 15 يوم وجلسنا عندهم 10 ايام مع العلم وربي طول الوقت عندهم تحت حتى اهلي من اجي اروح لهم بالكثير ثلاث مرات فـ لما نقول بنمشي يقولو ليه لسه ماخلصت الاجازه طيب بروح كم يوم نغير جو خالتي تتضايق وتحاول تمنعنا بطريقه مباشره انو ماشبعت منك مو ضروري تروحون او طريقه غير مباشره وربي اني مقدره قلب الام وشوقها وحبها لودها انو تبغاها عندها بس برضو انا من حقي اخذ وقتي الخاص مع زوجي مع العلم دوام زوجي مرا صعب يعني يادوب اشوفه ثلاث او اربع ساعات باليوم وكمان تقريبا اربعه اشهر او اكثر ع حسب يكون خارج المملكه فـ افراح لما يكون عنده اجازه وللاسف ابد تروح واحنا ماجلسنا مع بعض ع طول ناخذ اجازه نروح للمدينه اللي فيها اهلنا وهذا شي طبيعي لانو نجلس بالاشهر مانشوفهم ولما نروح طول الوقت نكون عند اهله
3/ كل شهر 5 كل سنه يجو اهل زوجي عندنا وهذا شي حلو لانا نطول عنهم فنفرح كثير انو احد من اهلنا بيجينا
انا عارفه انو بيت ولدهم مثل بيتهم بس معليش شوية تقدير لصاحبة البيت اخر مرا كنت حامل نهاية الشهر الثامن وكانو جايين لانو في شبكة ولدهم مع العلم انو زوجي كان مسافر خارج المملكه سفره مفاجئه ومع هذا اخذت باصلي ولا قلت بروح لااهلي جلست واستقبلتهم قلت كلها اسبوع ويجي زوجي ف اجو اخوات خالتي يعني خالات زوجي وواحد من خلانه متزوج .. اختهم موجوده كان بامكانهم يروح عندها او يستاجرو بس خالتي اصرت يجو عندنا يعني شقه تخيلو وكل هالكم فيها لما صارت وقت النوم صار شوي زحمه خالتي وزعتهم وخلصت قالت انا والبناات تقصد اخوات زوجي ثلاث بنام مع فلانه في الغرفه انا ماعندي مشكله عادي الوسع بالصدور بس ليتها اعطتني خبر قبل زوجي كان دوبه في نفس اليوم مسافر ومرتبه شنطته وغرفتي شوي حايسه وملابس نومي وزوجي ع السرير هذا الشي مرا ضايقني لكن ابد ماوضحت وقلت العين اوسع لكم وركضت رتبت ع السريع الشي الثاني انو بنهاية الثامن ومرا تعبانه وانهلكت من الشغل ماحد يساعدني مع الطبخ والحوسه يعرفون اني حاره وبقوم ف تركو كل شي علي لدرجة الاولد لما يطلعو من المجلس يصير قرف يعني اشيل ملابسهم ومناديلهم بعدهم ولا كيف وربي من ادخل غرفتي انفجر بكا من الوجع بظهري واقدامي مع ضغط الحمل وطبعا مستحيل اتكلم او المح امي موصيتني تقول كلها كم يوم اخذي الاجر والجميله وفعلاً ربي اعاني
4/ مرا كانو عندي وكنت مرا تعبانه السبب وعكة كل شهر ورحت المستشفى اخذت ابره ورجعت ارتاح بغرفتي وزوجي طلع وكل شوي اخته تدخل تصحيني قلت لها يافلانه يرحم والدينك تعبانه تبين شي ضروري قالت لا بس قومي احسن تتنشطي ويروح التعب قلت انتي تعرفي وتجربي كل شهر ودوبي اخذت ابره برتاح طول اليوم مانمت من الالم وطلعت وشوي رجعت قلت لها معليش ياقلبي اطلب منك طلب معليش اذا كنت بغرفتي تعبانه لا تجيني خليني ارتاح خلاص وصلت معاي وتضايقت
مع العلم انهم نظاااااااااااف مرا في بيتهم ومعروفين بالسنع اول مره من زواجي اجوو كانو مرا يساعدوني بعدين لا صار الحمل ع طبعاً عارفه ومتاكده مو لعانه منهم او خبث لكن اوقات احسهم خلاص ماعاد يحسو فيني لانو يعرفون اني استحي واتحمل وسنعه ع قولتهم صارو يعتقدون اني مااتعب او مادري
ومن ناحية تدخلهم بكل شي يمكن لاني من البدايه قلت لخالتي انا مثل بنتك فلانه تماما عامليني مثلها انا لما تزوجت كان عمري 19 يعني صغيره ف يمكن هذا السبب اللي يخليهم يدخلو بكل شي او ماخذين هالامور من باب الميانه مادري او باعتقادهم انو ماافهم هالتصرفات طبعا الاخت بما انها البكر وتعودت شورها هو الماشي والكل يرجع لها يمكن هذا اثر ع اسلوبها معانا تحب تكون قياديه وهي صاحبة الشور مادري كيف اشرح لكم
ع مااسمع منهم انهم يحبوني لما اجت خالتي تخطب لودها الثاني تقولي ولاامي ولزوجي انا ابغى وحده مثل فلانه تقصدني صريحه وواضح يعني ابدا تصرفاتهم ماهي كره او خبث
يمكن كلامي كثير وملخبط بس هذا الشي يهمني احصل له حل واي استفسار او توضيح راح ارد بتعقيب اكتب ع عجله
اتمنى. توافقو ع مشكلتي باسرع. وقت
'hgfj;l hgla,vi
2013 - 2014 - 2015 - 2016
'hgfj;l hgla,vi 2013 2014 2015
|
01-14-2015, 04:44 AM
شكر
اعجاب
العرض الشجري