استعجلت بالزواج؟!!! 2013 2014 2015
- - - - - - -
www.dream-cafeh.net
- - - - - - -
استعجلت بالزواج؟!!!
حصريا على دريم كافيه
2013 - 2014 - 2015 - 2016
السلام عليكم ورحمة الله وبركاته انا متزوجه لي 5 سنين وعندي ولد واحد وانا معيده في احدى الجامعات طبعا تخرجت بمعدل عالي جدا وعلى طول توظفت معيده بعدها وحده من طالباتي خطبتني لعمها اللي يشتغل معلم انا طموحه جدا وايام الجامعة كان يجيني خطاب وكنت ارفض علشان دراستي (البكالورويس) كمعيدة شي طبيعي...
السلام عليكم ورحمة الله وبركاته
انا متزوجه لي 5 سنين وعندي ولد واحد
وانا معيده في احدى الجامعات
طبعا تخرجت بمعدل عالي جدا وعلى طول توظفت معيده بعدها وحده من طالباتي خطبتني لعمها اللي يشتغل معلم
انا طموحه جدا وايام الجامعة كان يجيني خطاب وكنت ارفض علشان دراستي (البكالورويس)
كمعيدة شي طبيعي اني اكمل دراستي (ماجستير ودكتوراة) وهو عارف هالشي
طبعا الماجستير اجباري والدكتوراه اختياري
ايام الملكة تكلمنا بهالموضوع وقال لي لا تخافين من هالناحية واني باوقف معاك حتى لو بغيتي بروفسوراة
عمي (بما انه ابوي متوفي) قال لي قبل لا اكتب كتابي اشترطي هالشرط في عقد الزواج
بس انا قلت له ما ابي اي شروط وانه الزواج يقوم على التفاهم مو الشروط
و أمي قالت لي توك صغيره لا تستعجلين المعلمين صعب عليهم الابتعاث لأنه راتبهم يتوقف اصبري يمكن يجيك اللي يناسب طموحك بس قلت لها انه انا وياه متفاهمين وانه وعدني
طبعا انا توني راجعه من ماجستير في امريكا بعد ما ماطلني واكثر من مره أأجل قبولي بحجج واهية علشانه يغير رأيه على اخر لحظة
واللحين نفسي مره بالدكتوراه قبل ما أكبر ويصير عندنا اطفال ومسؤوليات اكثر بس قال لي اياها من الاخر لا
المشكلة اني تحطمت حتى زميلاتي اللي اقل مني معدل راحوا يكملون دراستهم
وانا قاعده اتفرج واشيل شغلهم ومسؤولياتهم بالجامعه
مع انه حتى هم ازواجهم معلمين
لي زميله تخرجنا انا وياها من نفس الدفعه وكان يتقدم لها خطاب وترفض لأنها كانت تشترط البعثة
تزوجت قبل سنه واللحين راحت تدرس ماجستير ودكتوراه ما شاء الله الله يتمم عليها
مشكلتي اللحين اني احس بندم احس اني ما كنت ناضجه وما عرفت افكر واختار شريك حياة يناسبني
غير طبعا انه واقف بوجه طموحي مع اني ما قصرت معاه واهديته سياره لما رجعنا من الماجستير تقديرا لتضحيته براتبه سنتين
ما يقوم بمسؤولياته كزوج
يعني الزواج عنده سداد فواتير وايجار بيت وشراء مواد غذائية وبس
و نتشارك احيانا في ايجار البيت
والملابس انا وولدي علي انا يعني متشاركين المسؤوليات المادية ومتفاهمين عليها
لكن وضعنا زواج مسيار
ما اشوفه اطلاقا
ما يقعد بالبيت ابدا
واذا قعد في البيت شال الولد في حضنه وعلى الصامت ما يتكلم اطلاقا طبعا اذا طول بالقعده ساعه مو اكثر
اجلس واحاول اتكلم معاه باي موضوع ردوده ايه لا مدري ووش تبين انتي يحسسني انه كارهني ومو بالعني
مرات حتى الظهر ما يرجع من الدوام!
اهلي ما يشوفهم ولا حتى يعايدهم بالاعياد او يحضر لهم مناسبات
احسه عايش لنفسه وبس كيف يسعد نفسه
وأرجو ان ما احد يتهمني بالتقصير ما قصرت باي شي وما ضايقته بموضوع الدراسه كثير
ما فاتحته بالموضوع الا مرتين ويوم شفت رفضه واصراره قفلت الموضوع
العلاقة الجنسية يمكن لنا 3 شهور او اكثر ما حصل اي لقاء بيننا
لأنه يرجع متأخر وانا نايمة
احس مؤخراً يراودني شعور اني ابي انفصل
مع العلم انه صاير بيننا انفصال مرتين (يعني طلقني مرتين على اسباب تافهه جدا)
مره علشان قلت له يدور لي نقل لأنه سواق أهلي راح
و المرة اللي قبلها ناسية السبب صراحة بس كان تافه جدا لأنه يعصب بسرعه واذا عصب انعمى! وبعدها على طول يجي يصالحني؟!!
مو هدفي من الانفصال اني اكمل دراستي يمكن ما اتزوج بعدها او ما يكون عندي محرم للابتعاث
بس زوج كسر طموحي وكسر كرامتي ومو عارف يسعدني ليش اظل معاه؟ علشان ولدي؟ طيب وهل هذا اصلا جو صحي يتربى فيه الولد؟
ارسلت له الاسبوع الماضي انه وضعنا مو عاجبني وانه ودي نفتح صفحه جديده او نرجع زي ما كنا اول الزواج (اول 6 شهور كنا مبسوطين)
قال لي لا
احس اني وصلت لمرحلة الاكتئاب مرات كثيره تغلبني مشاعري وابكي كل ما فكرت بالموضوع
وهو عارف احساسي وتكلمت معاه اكثر من مره بالموضوع ان الحياة هذي ما تنفع يقول لي انتي تدورين مشاكل
هو يبيني ارضى بالوضع الحالي وما اشتكي
طيب والله حاولت بس ما اقدر!
اللي يتضح لي منه انه حس انه استعجل بالزواج (يشتاق لايام العزوبية يوم ما كان عنده مسؤوليات)
لأنه يتضايق كثير من المسؤوليات ولما اطلبه يوديني السوق دائما يعطيني موال مع اني قليل اروح السوق مرتين او 3 بالسنة وصرت اطلب اونلاين علشان اوفر عليه مشاوير
واوفر على نفسي مواويل بس واضح تماما انه تزو علشان الجنس ومو كان حاسب حساب المسؤوليات!!
*بالنسبة لعمي علاقتنا فيه سطحية وما يعرف اي تفاصيل وما ابغى ادخله بالموضوع، وامي احسها ما تبينني اتطلق تقول اصبري واحتسبي*
آسفة انه كثرت كلام بس ابغى كل جوانب الموضوع تبان لكم
ارائكم!؟؟
hsju[gj fhg.,h[?!!!
2013 - 2014 - 2015 - 2016
hsju[gj fhg.,h[?!!! 2013 2014 2015
|
12-14-2014, 10:21 PM
شكر
اعجاب
العرض الشجري