مالحل للخروج من ندمي على طلاقي 2013 2014 2015
- - - - - - -
www.dream-cafeh.net
- - - - - - -
مالحل للخروج من ندمي على طلاقي
حصريا على دريم كافيه
2013 - 2014 - 2015 - 2016
مالحل للخروج من ندمي على طلاقي صورة: http://www.yakamar.com/vb/imgcache/2/151475alsh3er.jpg
مالحل للخروج من ندمي على طلاقي
مالحل للخروج من ندمي على طلاقي
هذا المنتدى كان بالنسبة لي رقم 2 بعد منتدى كنت احب اتابعه بس بعد ما كتبت قصتي هذه جلسو يسخرو مني ويقولو عن قصتي فلم هندي ومن هذا الكلام الي جرحني وخلاني احذف العضوية من عندهم ولجئت لكم واتمنى قبل اي رد منكم تراعون مشاعري والله كثير فكرت اروح لطبيبة نفسية لان حالتي ما يعلم بها الا الله لا صرت انام ومريضة دائما ولا اقدر ارضع اطفالي واهتم فيهم صرت وحدة مقصرة في كل شي حتى امور ديني بس اتمنى منكم شي واحد وهي نصيحة لوجه الله تكون في ميزان حسناتكم. قصتي طويلة بس والله محتاجة افضفض واطلع الي في قلبي الا متى وانا في الحالة المزرية ذي. تخرجت من الجامعة وعمري 23 كنت طالبة متفوقة حلمي الوحيد في الحياة تكوين اسرة تقدم لي زوجي اكبر مني بسنتين موظف بقطاع عسكري رفضته في البداية بس مع اصرار ابوي وافقت وتزوجنا واقسم بالله انها كانت احلى 4 سنين قضيتها في حياتي واليوم ابكي دم وندمانة على الطلاق. طليقي كان بلا اهل امه توفت وهو عمره سنتين ووالده ما تزوج بعد امه وتوفى بعد زواجنا بسنة وهو الابن الوحيد لهم وما عنده قرابة ابدا كان زوج حنون محبوب من الكل اخلاق متفاهم طول يومه يكون جالس معي ما يفارقني ابدا الا اذا راح الدوام كنت بالنسبة له ام وزوجة واخت وكل شي كان يحبني بجنون وشعوري متبادل كنت اذا راح دوامه اجلس على اعصابي واذا رجع نقزت في حضنه. كان يعتبر اهلي اهله وعلاقتي مع ابوي وامي واخوي لا توصف ودائما جمعاتنا وخرجاتنا معهم. بعد احلى اربعة سنوات استغربنا واهلي تاخر حملي وكلمته نروح نحلل وافق ورحنا حللنا وطلعت سليمة اما هو حيواناته المنوية صفر يعني عقيم النتيجة نزلت علي مثل الصاعقة حتى طليقي حزن وتعبت نفسيته رجعنا الشقة وما قلت لاي احد طليقي كانت تعبان ومصدوم من التحليل بس من حبي الشديد له هديته وقلتله اني ما راح اتركه مهما حصل وان ربي قادر على كل شي جربنا كل الطرق انابيب حقن مجهرية بس قدرة الله فوق كل شي ما حصل حمل جلسنا سنة على هذا الحال وانا شايلة هموم في داخلي بس صابرة لاجله لجئت بعدها للمنتديات وكانو كلهم ينصحو بالطلاق وان الاطفال هم الي راح يحملوكي في كبرك ومن هذا الكلام تركت المنتديات وقلت لاهلي ولاول مرة وشرحت لهم كل شي وكانت امي الوحيدة الي نصحتني بالطلاق وان ربي راح يغنينا من سعته وابوي واخوي وباقي اخواتي رفضو وقالو انه رجل ما يتعوض بس بعد فترة طلبت الطلاق ما قدرت اتحمل كانو كل حلمي الاطفال صراحت طليقي بكل مافي قلبي في البداية رفض وحاول يتمسك في بكل انامله بس في النهاية تفهم وطلب مني اروح لاهلي واجلس افكر واقرر رحت لاهلي وجلست فوق الشهر وقررت الطلاق وطلقني عانيت كثر فترة العدة وهو مثلي ما كنت مصدقة اننا
انفصلنا وهو حاول كثير يرجعني بعدها ابوي اقنعه بالامر الواقع اني رافضة الرجوع. بعد العدة مباشرة تقدم لي ولد خالتي وامي شجعتني عليه اما الباقين وصفوني بالغبية واني رفست النعمة وبالاخص ابوي كان زعلان وقال براحتك تزوجت من ولد خالي والله وكاني دخلت الجحيم لا مسوؤلية ولا حب ولا هتمام طول يومه برا البيت ما يعرفني الا وقت النوم ولا يصرف علي واذا ناقشته في شي طلق على طول لاني بتفكيره كسرت كلمته بس كانت الثمرة الوحيدة وفرحتي الكبيرة في هذا الزواج حملي الاول ما تدرون قد ايش فرحت وكنت ابكي فرح وانتطر قدوم الطفل ورزقت بتؤام ولدين كلنا فرحنا واهلي بس زوجي ما همه ولا كانهم عياله واستمر في الموال لا يصرف عليهم ولا يعطيهم اي اهتمام حتى حنان مافيه وجا هذاك اليوم الي تهاوشنا فيه بالصبح عشان ما كويت شماغه وطلقني الطلقة الاخيرة فرحت كثير بالطلقة واهلي فرحو قالو افتكيتي منه وطبعا لا يصرف نفقة عليهم ولا شي وراميهم عندي ابوي كان يقول احسن نبيه بس يفكنا من شره وانا اصرف عليهم. ومن جهة طليقي الاول من زواجي حتى طلاقي ما قطع اهلي كان يتواصل معهم ويعتبرهم اهله حتى طلاقي منه حاجز يوقفه عن صلته باهلي لدرجة انه وابوي اشترو قطعة ارض وسو فيها استراحة نجتمع فيها كلنا اما بالنسبة لي صح فرحت بطلاقي من ولد خالي بس دخلت بعدها في هموم وصرت احن لطليقي الاول واتذكر ايامنا سوا واقول ياليتني ما تطلقت منه وابيه يرجعني باي طريقة كلمت اهلي كثير بس ابوي رفض وقال انتي جرحتيه وتركتيه تحملي نتيجة طلاقيك ومعد فيه رجعة له صرت مهمومة ودائما ابكي كل ما تذكرته ولا شوفته قدامي في اي مناسبة. حتى كنت اتصل عليه واعتذر منه واقوله عن ندمي واني ابيه يرجعني بس ما يرد ويقفل الخط وفي يوم من الايام كنا متجمعين في استراحة طليقي الاول عازمنا على العشا وجات اختي الصغيرة وقالت لامي انا ابيه امي رفضت تقول عقيم وانا ابي اشوف عيالك وانا وقتها قلبي حرقني وصرت اصرف الموضوع بس اختي قالت عسى ما خلفت ولا ابي عيال بس واحد زي هذا ما يتعوض وقالتها قدامي كلمة قطعتني من داخلي قالت والله صرت متعلقة فيه لدرجة فظيعة وابيه يتزوجني حتى انها كلمت ابوي ورفض ابوي بس اختي جلست مصرة بالشهور وامي صارت تجبلها خطاب عشان تنساه بس كانت ترفضهم كلهم
المصدر: منتدى الحياة الزوجية | دليل النساء المتزوجات | الثقافة الزوجية والعائلية - من قسم: منتدى المطلقات - الأرامل - المتأخرات في الزواج
lhgpg ggov,[ lk k]ld ugn 'ghrd
2013 - 2014 - 2015 - 2016
lhgpg ggov,[ lk k]ld ugn 'ghrd 2013 2014 2015
|
12-11-2014, 06:35 PM
شكر
اعجاب
العرض العادي
